"ဘာပဲဖြစ်ဖြစ် ကောင်းကောင်းမွန်မွန်ပဲ ပြောပေးလိုက်နော် ကလေး၊နောက်တစ်ခေါက် ထပ်လာနိုင်ဖို့ဆိုတာ မလွယ်ဘူးလေ..သူလည်း အကြာကြီး နေရတော့မှာမှ မဟုတ်တာ၊ အကိုပြောတာ နားလည်တယ်မဟုတ်လားဟင် ကလေး"
ပြန်စကားမလာဘဲ ငြိမ်နေတဲ့ကောင်လေးက ခေါင်းလေးငုံ့လို့ လက်ညှိုးနဲ့လက်မထိပ်ကို ပွတ်ရင်း နေနေတော့တာ၊ခေါင်းကိုမော့မလာတော့။
မနက်ဖြန်ညနေဆို ပြန်ရတော့မှာမို့ မပြန်ခင် ကလေးမာမီနဲ့တွေ့ပြီး ပြေပြေလည်လည်ပြောဖို့ ဖြောင်းဖျပေးနေမိတာပါ။စိတ်နာစရာတွေပဲ ဆက်တိုက်တွေးနေ၊ဖြစ်နေရတဲ့ ကလေးအဖို့တော့ ခက်ကောင်းခက်နေနိုင်တာပေါ့။
"ဘာတွေ စဥ်းစားနေတာလဲ ကလေးရဲ့"
"ကျွန်တော်လေ စိတ်နှစ်မျိုးဖြစ်နေတယ်"
"ဟုတ်လား..ဘယ်လိုဖြစ်နေတာလဲဆိုတာ အကို့ကိုပြောပြလေ၊အကိုက နားထောင်ပေးပြီး ပိုကောင်းတဲ့စိတ်ကို ရွေးပေးမယ်လေ"
"မာမီ့ကိုတွေ့ရင်လေ လုပ်ခဲ့တဲ့ မကောင်းမှုတွေကို နောက်ဆုံးအချိန်ထိ တွေးပြီး အပူသောကတွေ၊နောင်တတွေနဲ့ နေနေလိုက်တော့လို့ ပြောချင်လာတယ်
တစ်ဖက်မှာလည်း နောက်ဆုံးအချိန်နီးနေပြီဖြစ်တဲ့ လူတစ်ယောက်ကို စိတ်ထဲကမပါတောင် စိတ်သက်သာစေမယ့် စကားမျိုး ပြောရင်ကောင်းမလားပေါ့၊ဒါပေမယ့် စိတ်ထဲကမပါဘဲ ခွင့်လွှတ်ပါတယ်လို့တော့ မပြောချင်ဘူး"
"အွန်း...အကိုက ကလေးရဲ့စိတ်နှစ်မျိုးလုံးကို နားလည်ပေးနိုင်တယ်၊ပြီးတော့ ကလေး ဘယ်လိုပဲ ဆုံးဖြတ်ဖြတ်၊ပြောပြော အကိုက အပြစ်မြင်မှာလည်း မဟုတ်တာ ကလေး သိတယ်ဟုတ်"
"ဟုတ်"ဆိုပြီး ခေါင်းညိတ်ပြတဲ့ကောင်လေးကို ခေါင်းအသာသပ်ပေးရင်း
"အကိုသာ ကလေးဆိုရင်လည်း နာကျည်းစိတ်နဲ့ ပြောမိမှာပဲ ကလေးရယ်၊နောက်ဆုံးအချိန်ထိ နောင်တတွေနဲ့ပဲ နေသွားလိုက်တော့ ဘာညာပေါ့
ကလေးမာမီလုပ်ခဲ့တာတွေက တစ်ခုမှမကောင်းခဲ့တာကိုး
ဒါပေမယ့် သူက သေလူဖြစ်သွားပြီးရင်တောင် အကိုတို့က အများကြီးရှင်သန်ရဦးမယ်၊အဲ့အချိန်တွေမှာ ငါ သူ့နောက်ဆုံးအချိိန်မှာတောင် အဲ့လိုပြောခဲ့မိတာ၊ငါ မှားများမှားနေခဲ့လားဆိုတဲ့ နောင်တတွေကို အသက်ရှင်နေသမျှ သယ်ဆောင်မိနေရလိမ့်မယ်။အကိုက ကလေးကို ပျော်ပျော်ရွှင်ရွှင်ပဲ ရှင်သန်စေချင်တာ၊အဲ့လို နောင်တတွေ မရှိဘဲနဲ့လေ"
YOU ARE READING
Soulmate(Completed)
RomanceStart date:25Sep,2021 End date :19Dec,2021 ဆန့်ကျင်ဖက်အုပ်ထိန်းမှုတွေနဲ့ ကြီးပြင်းလာတဲ့ ကောင်လေးနှစ်ယောက်အကြောင်းပါ ထရော်မာတွေအပြည့်နဲ့ ကောင်လေးရဲ့စိတ်ကို healingလုပ်ပေးရင်း အနားမှာအမြဲရှိနေပေးချင်တဲ့ Jaydenရဲ့အကြောင်းပါပဲ။ P.S I'd li...
