(U&Z)
"အကိုဂျေး...လေယာဉ်က ပြောထားတဲ့အချိန်ထက် နောက်ကျသလိုပဲနော်"
"ကလေးက ဆန္ဒစောနေလို့ပါ၊နောက်မကျပါဘူး ကလေးရဲ့"
ပြောလိုက်တော့လည်း ခေါင်းတညိတ်ညိတ်နဲ့ နာရီကိုငုံ့ကြည့်နေပြန်တယ်။
မနက်ကတည်းက ကိုဂျူနိုတို့ စိတ်လှုပ်ရှားပြီး တက်ကြွနေတော့တာ၊တားမရဆီးမရတွေကို ဖြစ်နေရောပဲ။
ကျွန်တော် တစ်နေရာရာကို ခရီးသွားရင်ရော ဒီလိုပဲ မျှော်နေမှာလားလို့ သိချင်ပါဘိ။"ဟော အကိုဂျေး၊အော်နေပြီ...လေယာဉ်ဆိုက်ပြီ"
ပြောပြောဆိုဆိုပဲ ထိုင်နေရာကနေ ထပြေးသွားတဲ့ ကောင်လေး၊ဒီနေ့မှ ဘယ်လိုဖြစ်လို့ အသွက်လွန်နေရလဲမသိ။
"ရာစု...."
"ဟေး..စိမ့်"
ရွှေအိုရောင်ဆံပင်အခွေလိုက်တွေကို ဖြန့်ချထားပြီး ဂျင်းဘောင်းဘီအရှည်နဲ့ တီရှပ်အဖြူကို အျပါ်က long coatထပ်ဝတ်ထားတဲ့ ကောင်မလေးတစ်ယောက်
အရပ်အမောင်းကအစ ကလေးနဲ့ရွယ်တူဖြစ်နေပြီး သေးသေးသွယ်သွယ်လေးနဲ့ ချစ်စရာကောင်မလေး
နှစ်ယောက်သား အားရဝမ်းသာပြေးဖက်နေကြတာက သူတို့နှစ်ယောက်ဆီက အပျော်တွေပါ ကူးစက်လို့လာတယ်။ကျွန်တော်က ကလေးနောက်ကျောဖက်မှာ ရပ်နေတာမို့ ကလေးကိုဖက်ထားရင်းကနေ ကျွန်တော့်ကို မြင်သွားတဲ့ ကောင်မလေးက သွားအဖြီးသားနဲ့ ကြည့်လာပြီး တဟီးဟီးရယ်ပြလာတယ်။ခုနက မော်ဒယ်မလေးလို လမ်းလျှောက်လာတာ သူမဟုတ်သလိုပါပဲ၊
"အယ် လန်ဒန်ဘွိုင်းကြီးတော့် ဟီးဟီး"
ဖက်ထားတဲ့ကလေးကို လွှတ်ပြီး ကျွန်တော့်ကို တဟီးဟီးရယ်ရင်း စပြောလာတဲ့စကားက အထူးအဆန်းမို့ ကျွန်တော့်မျက်ခုံးတစ်ဖက်က အလိုလို ပင့်မိသွားရတယ်။
"အယ် အကိုဂျေး..မိတ်ဆက်ပေးရဦးမယ်၊ဒါ ကျွန်တော့်သူငယ်ချင်း 'စိမ့်'တဲ့
စိမ့်..ဒါ ငါအခုနေ,နေတဲ့ တိုက်ခန်းက အကိုလေ၊အကိုက မြန်မာစကားလည်း တတ်တယ်"
YOU ARE READING
Soulmate(Completed)
RomanceStart date:25Sep,2021 End date :19Dec,2021 ဆန့်ကျင်ဖက်အုပ်ထိန်းမှုတွေနဲ့ ကြီးပြင်းလာတဲ့ ကောင်လေးနှစ်ယောက်အကြောင်းပါ ထရော်မာတွေအပြည့်နဲ့ ကောင်လေးရဲ့စိတ်ကို healingလုပ်ပေးရင်း အနားမှာအမြဲရှိနေပေးချင်တဲ့ Jaydenရဲ့အကြောင်းပါပဲ။ P.S I'd li...