عصفورة جرف (نساء من فولاذ)

تكمــلة الـبــارت ٢٨

اني عبالي ناشره التكملة بس لكيتها ممنشورة
وطالبين تعديل للبارت سويتله استعادة
ونشرته......

تكــملة البارت ٢٨
الكاتبة : فاطمة علي ♥️

................. يوم الخطوبة ....

فيروزة : البيت كله مخبوص ونريد نطلع لبيت العروسه ، اي مظاهر فرح ماكو جنه كلنا لابسين اسود ، طلعت بين الهوسه حتى لا عباس يشوفني بالفستان ويضل يرزل بيه ...

.... هدوء يعم السيارات بس هورنات يدكون ، وصلنا البيت العروسه نزلنا ، وما شاء الله فيض حلوة ومدبدبه ، وجهه يفتح النفس مو مثل رفل الحيه ...

... لابسه فستان محجبات بس مكياج مخليه ، بوسناهه وكعدنه ، شوية سمعناهم قرو فاتحه ،
اجه السيد واخذوهم الغرفه ...

.... طب عباس بيده الكاميرا ولابس قميص ابيض وبنطرون اسود ، ومرتب وفدشي طالع ، باوعت داير مداير هذني جنگلن عيونهن عليه وكرايب العروس يتودودن بينهن هذا منو وهذا منو ...

... اني ابتسم بوجوهم بس جواي نااار محترگه حرگ ، عقدولهم ، طلع عباس يصور بيهم ، رحت وكفت بصفه ، باوع عليه بطرف عينه من فوگ ليجوه وخزرني ...

عباس : شفتها طالعه كلش حلوة ، باوعت عليها ، جانو واكفين اخوان العروسه ليغاد وهي حاله الشعر وبس ذابه الشال والمكياج تارسه وجهه ، شيخلص الخطوووبة ...

...همست الها ، روحي اكعدي ليغاد ، الزلم واكفين ، متشوفيهم ...

فيروزة : بقلبي والبنات هم وكفات ديباوعن عليك ، باوعت عليه ، اطلع ...

عباس : اخذت صورة ورجعت دنكت عليها ، غير اصورهم ، اكعدي ليغااد راح احرگ عشيرتج ...

فيروزة : كعدت ليغاد منه ، بس قلبي يرجف ،عمه دتشوفيهن شلون يباوعن عليه ...

هاجر : لتهتمين حبيبه ، اهم شي هو عليمن يباوع ..

فيروزة : معليه عمه والله راح اطك امووت ...
هاجر : اذا هلكد تغارين عليه ، لعد ليش متخلي يعقد عليج ...

فيروزة : باوعت عليها بعيون حزينه ، ديله شوفي ذيج شلون تباوعله ...

هاجر : هههههههه ، يمه الغيرة اكلتج اكل ....

فيروزة : خلصت الحفله ، ورجعنه البيت عمي عمار بس اخذنه هدومنه ولبست جبه فوك الفساتان وطلعنه بوجهنه لديالى ، مصعدت ويا عباس بالسيارة ، لان زعلانه منه ...

... وصلنا للبيت گبل طبيت يم بيبي ، طلعت تراك من الجنطه لبسته فرشت فراش طب عباس ...

عباس : فيروزة تعالي احجي وياج ..

فيروزة : عباس اجل سوالفك الباجر تعبانه حيل ، ذبيت روحي على الفراش وتلفلفت بالغطه ...

عباس : فيروووزة كومي ...
نشمية : كومي جده ، شني السالفه ناتسمعن الكلام ...

فيروزة : رفعت راسي باوعت عليه ورجعت باوعت البيبي، مااصعد ، رجعت خليت الغطه على راسي ونمت ...