ကံကြမ္မာဖန်တတ်ပါ့လေ စာစဥ် ၆
ဘာသာပြန် *** Fortuna
အခန်း (၈၆)
မသွားလို့ ရမလားဟင်
ဒါက စီနီယာအစ်ကိုကြီး ရှာချင်နေတဲ့ ကောင်လေးလား …
အထွတ်အထိပ်ရှင် ကျီယန်က စိတ်ထဲ ကျိတ်တွေးလိုက်သည်။
ခပ်ချောချောကောင်လေးပါ့လား … သူသာ ငါတို့ ထိုက်ပိုင်ချိုင့်ဝှမ်းကို ဝင်လိုက်ပြီး ငါတို့ ဓားပညာရပ်တွေကို သင်ယူလိုက်ရင် အရမ်းကို နာမည်ကြီးလာမှာပဲ …
အဲလေ … အရင်ဆုံး အစ်ကိုကြီး ဓားအောက် အသက်ရှင်ဖို့ လိုသေးတယ် …
ဘယ်လိုဖြစ်ဖြစ်ပါ အစ်ကိုကြီးက သူ့ကို တကယ် မသတ်လောက်ပါဘူး။ ဓားပညာရပ်ပေါ် သင်ခန်းစာပေးရုံလောက် နေမှာပါ … အဲဒါကလည်း ရှန်ထျန်းအတွက် ရေရှည်ကျ အကျိုးရှိမှာပဲလေ
ချန်းဟယ် ဓားအသျှင် လီခန်းလန်က အကျော်ဇေယျ ပုဂ္ဂိုလ်ပဲလေ …
အထွတ်အမြတ်မြေက တပည့်များတောင် သူ့ဆီကနေ သင်ယူဖို့ စိတ်ဝင်စားနေကြသည် မဟုတ်ပါလော။
အထွတ်အထိပ်ရှင် ကျီယန်က ရှန်ထျန်းနှင့် လီလျန်အာတို့ စကားဝိုင်းဆီ ဝင်ရောက်လာသည်။
ရှန်ထျန်း၏ လီလျန်အာအပေါ် အပြုအမူကို ကြည့်ကာ မဲ့ရွဲ့သွားလေ၏။
သူက လီလျန်အာကို တစ်ဖက်ဆွဲခေါ်လိုက်ပြီးနောက် ပြောလိုက်သည် “ ဒီတစ်ခါ မှန်ရင်တော့ မင်းက ဆရာနတ်မင်း ရှန်အောင်းထျန်းပဲ နေလိမ့်မယ် ဟုတ်တယ်မလား ”
အထွတ်အထိပ်ရှင် ကျီယန်က ဤတစ်ကြိမ်၌ အရမ်းသတိထားနေသည်။
ရှန်ထျန်းက ကူကယ်ရာမဲ့စွာ သက်ပြင်းချလိုက်ရင်း “စီနီယာ ထာဝရကျင့်ကြံသူက ကျွန်တော်ကို ဘာလို့များ ရှာနေတာပါလဲ။ ကျွန်တော်က ထိုက်ပိုင်ချိုင့်ဝှမ်းနဲ့ တစ်ခါ ကံပါပြီးပါပြီ … ဒီအတိုင်းလေး ထားလိုက်သင့်ပါတယ် ”
ရှန်ထျန်း စကား ထွက်ပေါ်လာသည့်အခါ အားလုံး အံ့အားသင့်ကုန်ကြသည်။
ဘယ်လို ဘယ်လို … မင်းသား (၁၃)က မငြင်းဘူးလား …
အထွတ်အထိပ်ရှင် ကျီယန်နှင့် လီလျန်အာတို့က သူ့အား မှတ်မိလိုက်ကြသော်လည်း ဧည့်သည်တော်များက ရှန်ထျန်းကို မယုံနိုင်သေးပေ။ အထွတ်အထိပ်ရှင် ကျီယန်က အမှားတစ်ခါ လုပ်ထားဖူးသူ မဟုတ်ပါလော။
KAMU SEDANG MEMBACA
ကံကြမ္မာ ဖန်တတ်ပါ့လေ Book I [MM Translation]
Pertualanganဒါလေးက အရမ်းကံဆိုးလွန်းတဲ့ ဇာတ်လိုက်အကြောင်းပါ .... ကံဆိုးလွန်းပေမဲ့ အားလုံးက သူ့ကို ကံကြမ္မာသားတော် ထင်နေတဲ့အခါ ... သူတော်စင်ရာထူးကိုလဲ အလွယ်လေး ရသွားပြီးတော့ နောက်ဂိုဏ်းချုပ်အဖြစ် ယာထားခံလိုက်ရတယ် ဆရာနတ်မင်းကို ကိုးကွယ်ရင် ရွှေမရှား ငွေမရှား အထ...
![ကံကြမ္မာ ဖန်တတ်ပါ့လေ Book I [MM Translation]](https://img.wattpad.com/cover/281376639-64-k379653.jpg)