မသိဘူး...ချစ်တယ်
Unicode
Part 4
"လူကြီး မနက်ဖြန် ချယ့် မွေးနေ့နော် ။ ဆက်ဆက်လာဖြစ်အောင်လာရမယ်နော် ။ စောစောလည်းလာရမယ် ။ နောက်မကျနဲ့ ..သိလား ။ "
ရင်ခွင်ထဲတွင် တတွတ်တွတ်ပြောနေသော သာလိကာမလေး၏ ဆံသားပျော့ပျော့လေးအား အံ့ လက်ဖြင့်သပ်ကာဆော့ကစားလိုက်သည် ။
"လာရမှာပေါ့ကွာ ။ မွေးမေ့လက်ဆောင်ကောဘာလိုချင်လဲပြော ။ "
"တကယ်ပြောရမှာလား ။ "
ဖက်ထားသည့်ရင်ခွင်ထဲမှရုန်းထွက်ကာ မျက်နှာခြင်းဆိုင်ပြောလာသည့် ချာတိတ် ။ မျက်လုံးတောက်တောက်လေးတွေကလည်း လှုပ်ရှားနေသည် ။
"ပြောပါဗျာ ။ ဖြစ်စေရမယ် ။ "
"အနမ်းပေး.."
နှုတ်ခမ်းဖူးဖူးလေးအား ရက်ရက်ရောရောပေးကာ အနမ်းတောင်းဆိုလာသည့် ချစ်ရတဲ့ချာတိတ်လေး ။ အံ့ မနမ်းရဲလို့ မကျူးကျော်ခဲ့တာမဟုတ် ။ တန်ဖိုးထားလွန်းလို့သာ အလှကြည့်ရုံလေးဖြင့်သူကျေနပ်ခဲ့သည် ။ အခုတော့ ချာတိတ်ဘက်မှ တောင်းဆိုလာသည် ။ အံ့ ဘယ်လိုလုပ်ရပါ့...။
ချစ်သူသက်တမ်း ၆ လကျော်လာသည့် လက်လေးနမ်းရုံ ၊ ဆံနွယ်လေးတွေ ဆော့ကစားရုံသာ လုပ်တတ်သည့် လူကြီး ကြောင့် ချယ် နည်းနည်းတော့ အားမလိုအားမရ ။ ကိုယ်မြင်ဖူးကြားဖူးတဲ့ ချစ်သူရည်းစားစုံတွဲ တွေဆို အမြင်ကတ်ချင်စရာကောင်းလောက်သည်အထိပင် သည်းသည်းလှုပ်ချစ်ကြသည် ။ လူကြီးကတော့ ထိုကဲ့သို့ လားလားမှမဟုတ် ။ ကိုယ်ချစ်တဲ့သူထံမှ အနမ်းတော့ ချယ် လည်း ရဖူးချင်တာမို့ အရဲစွန့်ကာ ပြောလိုက်သည် ။ ဒါတောင် လူကြီးက ချယ့် အား စိုက်ပဲကြည့်နေသေးသည် ။
"ကဲ..ရပြီလား ။ "
"ချာတိတ် ! "
စိတ်မရှည်တော့၍ ချယ့် ဘက်ကပဲစတင်ကာ လူကြီး၏ ကကြီးပုံ နှုတ်ခမ်းသားလေးအား ထိကပ်တယ်ဆိုရုံနမ်းလိုက်သည် ။ လူကြီး ကတော့ မျက်လုံးများ ပြူးကာ အံသားသင့်သလို တုန့်ပြန်လာသည် ။
"ဘာလဲ..ချယ် က နမ်းချင်စရာမကောင်းဘူးလား ။ "
"ဟင်းးး "
YOU ARE READING
မသိဘူး...ချစ်တယ်[ GL Short Story Completed ]
Short StoryUnicode GL Short Story လေးပါ ။ ဖတ်ကြည့်ပြီးဝေဖန်ပေးနိုင်ပါတယ်နော် ။ ❣️❣️❣️ ဆယ်တန်းဖြေပြီးကာစ နှင်းချယ်ရီ နှင့် Transman ဒေါက်ဒေါက် သုအံ့စိုင် တို့ကြားကအချစ်ရေးလေးပါ.. ပေါ့ပေါ့ပါးပါးလေးပါပဲ ။ သုအံ့စိုင် နှင်းချယ်ရီ Zawgyi GL Short Story ေလးပါ ။ ဖတ္ၾက...
![မသိဘူး...ချစ်တယ်[ GL Short Story Completed ]](https://img.wattpad.com/cover/295116102-64-k785373.jpg)