South Boys #2: Heartbreaker

Chapter 60

Napagod din siguro ako kakahabol kay Kulitis sa maghapon kaya noong bumabyahe na ay nakaidlip ako sa upuan ng kotse ni Jordan.

Naalimpungatan na lang ako sa sobrang tahimik at payapa ng pakiramdam. Hindi ko na nararamdaman ang malumanay na pagtakbo ng sasakyan at wala na rin iyong mga headlights sa kalsada na panaka-nakang sumisilaw sa akin.

Nang magmulat ako ng mga mata ay madilim ang paligid. Nasa kotse pa rin ako ni Jordan pero hindi na kami umaandar. Patay ang lahat ng ilaw at nakahinto kami sa kung saan.

Naka-inclined ang kinauupuan ko kaya kinailangan ko pang alisin ang seatbealt sa aking katawan para makatayo ako. Sumilip ako sa katabi kong bintana at nakita ko na nasa tapat na kami ng gate. Nakauwi na kami pero bakit hindi niya ako ginising?

Nilingon ko siya sa driver's seat kung saan siya nakaupo. Naroon siya at nakasandal sa sandalan ng upuan. Hindi ko masabi kung nakapikit siya dahil madilim nga.

"Hey, Jordan," tawag ko sa kanya.

Wala akong nakuhang sagot kaya umusod ako palapit. Pilit kong sinisipat kung nakapikit ba siya dahil baka nga natutulog siya.

Pero bakit naman niya dito naisipang matulog sa sasakyan? Nakauwi naman na kami kaya kung inaantok siya ay pwede naman siyang sa loob matulog. Pwede siya sa sofa o kaya sa kwarto ko tutal makapal naman na ngayon ang mukha niya.

Inalis ko ang suot niyang salamin sa mata at saka hinawakan ang kanyang pisngi. Marahan ko siyang iniharap sa akin. "Jordan, tara na sa loo—"

Hindi ko na natuloy ang sasabihin dahil nang maiharap ko siya sa akin ay agad siyang tumungo at hinalikan ang aking nabiglang mga labi. Nanlaki sa dilim ang mga mata ko.

It was a tender kiss. So tender that it momentarily swept away my sanity. His hand gently held my nape to support and stop me in case I'd try to pull away.

Jordan kisses deepened, and when I was about to kiss him him back, he ended the kiss by resting his forehead against mine.

"I hate you," humihingal at bitin na sambit ko.

"I know."

We were both panting for air while our foreheads were still pushed together. Ang mainit at mabangong hininga niya ay tumatama sa mukha ko at ganoon din ako sa kanya.

Marahan ko siyang itinulak sa matigas niyang balikat para lumayo sa kanya. Pinakawalan niya ako pero sumunod naman siya sa akin. Ang mukha niya ay kanyang isinubsob sa aking leeg.

Hinayaan ko lang siya hanggang sa siya na ang magsawa at umayos sa pagkakaupo. Panay ang lingon niya sa akin kahit nakapatay pa rin naman ang ilaw.

Niyaya ko na siyang bumaba na at pumasok na sa loob ng bahay dahil baka makita kami ni Nanette at magtaka pa iyon kung bakit hindi pa rin kami lumalabas ng kotse.