في خصرها الناحل مجاعة مساكين وفي ردفها شعب من العز بطران

Part 9

.شهقت بقووة وبكت.
بومطلق:علامك تبكين يامرة وانا جاين ابشرك..
شريهان:تبشرني ف اية ، ف انو بنتي حتتقوز قوز اوختها اللي لسة ماتت ابل شهرين؟ دا حتى ابرها مانشفش ، ضربت خدودها ، تبشرني ف اية فاكر اني حفرح وحزغرط لبنتي انها حتاخذ قوز اوختها؟ ، اااة ي بنتيي اااة ، سامعة ابوكي بيئول اية ، عوزني افرح بؤختك عاوز يقوز اوختك لقوزك ااااة ااااة ، شدت جلابيتها بقوة لدرجة مزعتها وصارت تلطم خدودها وتبكي وبومطلق يحاول يهديها..
.
.
صحت من النوم مسستغربة من المكان اللي اهي فية؟ ناظرت الخيمة وقامت وهي عاقدة حواجبها ومومتذكرة متى رجعت للبادية ، طلعت من الخيمة وتدورة بعيونها شافتة جالس بعيد ومتسند على شجرة ، راحت لة وهي تمشي بهدوء وشهقت بعد ماشافت الجروح اللي بكل مكان بجسمة وكلة دم ، ركضت لة وطاحت على ركبها وصرخت وهي تهزة وترجحف:عبدالعززززيززز..
رمشت بعد مامال وطاح على جنبة اليسار تمت فترة تناظرة مومستوعبة بعدها صرخت بقووة بأسمة..
شهقت وفزت من نومها وفز عبدالعزيز معها ، ناظرها وهو عاقد حوجبة ، شافها حاطة ايدها على صدرها وتتنفس بقوة:وشبلاك؟ ، صنم بعد ماطبت علية وضمتة بقوة:حسبتك مت صدق ، وربي ان الحلم اللي حلمتة حسبتة حقيقة ، بعدت ورفعت ايدينها ، شوف كيف ارجف ، رجعت ضمتة..
بلع ريقة وتم ساكت..
بعدت عنة واخذت نفس ورجعت تسطحت وعينها عالسقف ، تنهدت ولفت ، شافتة يناظرها ، عدلت قعدتها وقامت الحمام توضت وصلت واخذت لها جلابية حمرا لبستها وطلعت ، جلست قبال التسريحة واخذت المشط وبدت تسرح شعرها اللي زاد طولة وكل شوي ترفع عينها وتناظرة من المرايا وتشوفة جالس يناظرها ، حطت لها ميك اب خفيف ولفت الطرحة اي كلام وتعطرت وقامت ، شافتة قام وقرب منها كثثير لدرجة لصق فيها ، حبست انفاسها من قربة ، شافتة بعد شوي بعد مااخذ منديل من العلبة اللي وراها وبدون اي كلام مسح الروج وهي تناظرة وفاتحة ثمها ، غمضت بعد ماحط المنديل على عيونها وبدا يمسح الكحل بشويش ، فتحت عيونها بعد ماسمعت باب الحمام يتسكر وتوها تستوعب انة راح ، لفت للمرايا وشهققت بصدمة ، عيونها محيوسة بالكحل وحول شفايفها ملطخ بالروج ، بسرعة اخذت مناديل وصارت تفرك وجهها وهي منحرررجةة لان شافها بهالشكل المرععب..
.
.
جالسة تناظرهم وهم يفطرون وهي عاقدة حواجبها ، صدت بعد همس لها:وشفيك ماتاكلين؟..
لوت شفتها وقامت:مالي نفس..
تم فترة جالس بعدها قام وراها للصالة ، جلس جمبها:وشفيكك؟..
رهام بدون ماتناظرة:مافيني شي..
بوراجح:زعلتك ف شي وانا مدري؟ ، شيخة مضايقتك؟..
رهام بضيق:حسبت البيت بيكون لنا لحالنا ، ناظرتة ومسكت ايدة ، انا وانت بسس ، ابي اخذ راحتي معك ابي البس اللي ابي واسوي اللي ابي..
بوراجح:البيت بيتك مثل ماهو بيتها ، اخذي راحتك محد رح يقدر يحكرك او يضايقك..
ناظرت عمر اللي طلع من المطبخ وصدت والضيق باين بوجهها..
.
.
جالسين بالارض حول السفرة يفطرون بصمت بعدها الكل قام والبنات جلسو يلمون الصحون ، بومطلق اشر ل خولة تجلس:خلك ابغاك..
اشر لباقي بناتة وحريمة اللي يناظرونة مستغربين:وانتن توكلن..
تم ساكت ومتكي على عصاتة ويناظر الارض وخولة كل اشوي تناظرة وبسرعة تنزل راسها.،
حط ايدة على كتفها وابتسم وبحنية ماتبان علية الا نادر جداً:في ناس جو خطبوك..
ناظرتة وهي فاتحة ثمها وترمش بعدم استيعاب ، نفسها تسألة ممكن انها تتوهم او عندها مشكلة بالسمع ، قال ان جو ناس خطبوها؟؟ ، حسست بشعور جمميل ، ماتصورت بيوم من الايام انها رح تنخطب وتتزوج بسبب الاعاقة اللي فيها ، ماتخيلت ان في احد بيقبل ياخذ وحدة خرسسا ، نفسها يعيد هالكلام مرة ومرتين وثلاث تبي تسمعة يكررة ، نفسها تصرخ وتضحك وتبكي بنفس الوقت ، مو مصصدقة ، اكتفت انها تنزل راسها اللي اكتسى وجهها باللون الاحمر من الخجل..
بومطلق:ماودك تعرفين من اللخطبك؟..
تمت منزلة راسها من وموقادرة تناظر ابوها من الحيا..
بومطلق رمى قنبلتة:سهيل ولد عمك..
رفعت راسها بسرعة وشهقت..
بومطلق:الخميس رح يجون عندنا يخطبونك رسمي وتملكون وبعدها نحدد متى الزواج..
صد بعد ماشاف عيونها امتلت دموع واشر بأيدة:توكلي..
طلعت بسسرعة وشافت حريم ابوها وخواتها وحريم اخوانها كلهم واقفين عند باب المجلس يتسمعون ، ناظرتهم بضياع بعدها ركضت دخلت البيت وهي تبككي..
.
.
.
جلست على اطرف السرير:ابغى اروح السوق..
بدون مايناظر لها:ماعندنا حريم يروحن للسوق..
تكتفت:لا والله؟..
مارد..
ميرال:لا بروح موكفاية من جيت هالبيت وانا منطقة فية حتى فتحة الباب ماعتبتها ، عزيز ودني للسووق..
حط ذراعة على عيونة ومارد..
انقهررت وقامت ، وخر ذراعة عن عينة بعد ماسمعها تصفق بالاشياء وتسكر الدولاب بقوة ، شافها لبست عباتها واخذت شنطتها وجوالها:وين على الله؟..
فتحت الباب:للسوق ، طلعت..
قام بسرعة: هههي تععالي ، سفهتة ونزلت ، دخل بسرعة لبس فانيلتة وثوبة ونزل وراها ، شاف خواتة وحريم ابوة يناظرونة ، طلع بسرعة وشافها من بعيد ، لحقها وسحبها من كتفها بقوة وبحدة:ووووييين؟؟..
لفت وببرود:السوق..
عبدالعزيز:انا اوريك شغلك بالبيت ، ارجعي..
فكت نفسها منة:لا ماني راجعة ، ابروح السوق ، مهيب عيشة كلشي محرومين منة وكلشي ممنوع ولا وحرام ، بعد عني ، موكفاية معيشني شهر العسل ف بر بين الغنم والنياق وبعدها جبتني لبيت اهلك اللي مثل السجن وصابرة عليك وعلى اسلوبك الزفت معاي ، من اليوم ورايح ماراح اسكت لاني ملييت تعببت ماعاد فيني اتحمل ذا العيشة..
اخذ نفس وبهدوء: ارجعي البيت..
تكتف:ماراح ارجع وبطل تسحبني لان رح اصارخ والم الناس عليك..
تم فترة ساكت:ارجعي وانا اخذك للسوق..
ميرال بشك:كذاب؟؟..
مارد..
تركتة ورجعت للبيت ، لحقها شافها واقفة عند سيارتة ومتكتفة ، طلع مفتاح سيارتة من جيبة وركب ، ركبت جمبة ومشو ، تمو طول الطريق ساكتين وقف قبال المول:غطي عيونك..
تأففت وفكت اللثمة وتغطت بالكامل ونزلت ، تم بالسيارة فترة بعدها زفر ونزل وراها..
.
.
:تتوقعين وين رايحين؟..
الهام:اكيد بيتمشون ، ااة ليت خذوني معهم بدل الحبسة بهالبيت..
شمايل:هء هء هء مالي نفس اضحك ، قال ايش قال بيتمشون ، صاحية انتي مصدقة ان اخوك الجلف ذا بيطلعها ويمشيها ، وبعدين باين ان في وراهم سالفة ماشفتيها كيف طلعت بسرعة وباين معصبة وهو نفس الشي طلع يجري وراها..
هيلة بضيق وتحاول تهدي الجازي وتهزهاعشان تسكت:بنات قومو نصعد نجلس مع خولة..
تنهدت شمايل:ترجتني ان مااخلي احد يدخل عندها تبي تجلس لحالها ، والله ان بكيها يعور القلب حراام والله اللي ابوي قاعد يسوية..
الهام:اسكتي لايسمعك والله ان يدفنك وانتي حية..
.
.
جلسو بالمطاعم بعد ماطلبو لهم وكشفت عشان تاكل..
فز بسرعة وهو يتلافت خاف ان احد شافها وبحدة:تغغغططي ي مرة..
انخرشت وتغطت بسرعة:وشفيك ، كيف اباكل؟..
عبدالعزيز وهو صاد:كلي وانتي متغطية..
تأففت وموعارفة تاكل ومتضايقة من غطاها ، بدت تاكل ورفعت راسها لة:لية ماتاكل؟؟..
عبدالعزيز:مالي نفس..
ميرال:كل هاذا عشاني كلمت البايع ، ترا ماسويت شي غلط عاادي..
عبدالعزيز: انتي كيف تقولينها كذا ، لا مو عادي ، كيف تتجرأين تكلمين رجال غريب وماهو بمحرمن لك ، وهاذي اخر مرة تروحين فيها سوق..
ميرال:اللي يسمع اني مطيحة وناقعة فية كل يوم..
خلصت اكل وقامو ، طلعو من المول وركبو السيارة وطول الوقت ساكتين وهي تلتفت لة كل شوي تشوفة عاقد حواجبة وهو يسوق وباين انة متنرفز ، وصلو البيت ودخلت ميرال وهي شايلة الاكياس وصعدت وصعد وراها..
شرقت شمايل من الصدمة والتمو خواتها حولها..
صارت هيلة تضرب ظهرها بقوة..
الهام:يمة اختي بتمووت ، شوفي كيف وجهها ازرق ، سوي لها تنفس اصطناعي..
هيلة بخوف:م م مااعرف..
الهام:بعدي بعدي خن اسويلها اياة..
قربت من شمايل ورفستها شمايل بقوة وهي تكح:بعدي ي الوصخة ، جت حسنا بسرعة وهي شايلة كاس ماي وشربتها وهي تسمي عليها..
بعدت الكاس:ش شفتو وين ماخذها؟ عز الجلف ماخذها للسسسوق؟ السوق اللي حرام نروحة السوق اللي اسمع بة بس مااعرفة ، شفتو الاكياس اللي بيدها؟ ، خامة السوق خم ماعاد بة بضايع بالسوق اشترتة كلة ، ضربت صدرها ، ااة ي حسرتي ااة..
جلست الهام وتنهدت وهي متضايقة:خاطري اشوف كيف السوق شكلة..
هيلة بخوف:اسسكتي لايسمعك ابوي..
الهام:من اليوم ماراح اسكت ، ابطالب بحقوقنا مايصير لي متى رح نتم ساكتين وراضيين باللي يسوية رح اواجهه و ، انخرشت بعد ماانفتح باب الصالة ودخل بومطلق وظافر معة..
شمايل بهمس:وشبلاك قامطة ام العافية انطقي وقوليلة عن التقولينة قبل شوي..
عطتها الهام كوع وتمت ساكتة وتبلع ريقها..
.