في خصرها الناحل مجاعة مساكين وفي ردفها شعب من العز بطران

Part 7

.
.
جالسين بالصالة وكلهم متكدرين ويبكون بصمت الا صيتة اللي تنوح وتضرب فخوذها وشريهان تهديها:اشربي ماية ي حبيبتشي مينفعش تعملي بنفسك كدة ، متخفيش سدأيني حيرقع ومفيهوش ولا حاقة..
صيتة:اااة يمة وليدي اااة ، رفعت ايدينها ، انولد على يديني ، هذا ضضناي انا اللي شلتة وكبرتة وبرمشة عين يروح مني!!..
شريهان:ي ست استغفري ربك مينفعش تؤلي كدة ، وبعدين الولد مامتش ماتفوليش علية ، بللت ايدها بالماي ومسحت على وجة صيتة وضمتها وصارت تسمي وتقرا عليها..
ناظرتهم الهام اللي امها ضامتها وتمسح عليها وزاد بكيها بصمت ، ناظرت خواتها وحتى امها تبكي ، طاحت عينها على ميرال الوحيدة اللي كانت ساكتة ومنزلة راسها..
دخل صقر وتم ماسك الباب:ياهلا ياهلا بالعروس تو مانور البيت ، دخلت وهي منزلة راسها وساكتة..
ناظرهم وابتسم:اووف كل هالحزن عشاني عرست ، مابفارقكم تراي بعيش معكم بنفس البيت اللهم اني سكنت فالدور الثالث ، اختفت ابتسامتة وحس ان في شي صاير ، وش بلاكم؟؟..
انخرش بعد مافزو كلهم وقامو لة بسرعة ، تراجع على ورا وانتبة ان ابوة واخوانة تو داخلين البيت ، شافهم كلهم تجمعو حوالين عبدالعزيز:ترا انا المعرس موب اهو ، عقد حواجبة لما انتبة للدم اللي مغرق ثوبة وشوي من ثياب اخوانة..
مسكت صيتة ايدينة وباستهم وباست كتفة وصدرة ودفنت راسها بصدرة وشمتة ورجعت تبوس فية وهي تبكي..
بومطلق:يامرة اتركي عنك الولد مافية حيل ياقف طويل..
طنشتة صيتة ومسكت ايدين عبدالعزيز وباستهم وضمتهم ورجعت باستهم وشمتهم:ككذا تسوي فمك! ، وربي انجنيت يوم عرفت باللي صابك ، تحسست صدرة بطرف صبعها ، كيفة جرحك! يألمك؟؟ ، بكت ، جعلة فيني ولا فيك ، خفت افقدك وانا ماعندي غيرك ، انت عيوني اللي اشوف الدنيا فيها ، باست ايدينة وبكت..
مسح دموعها وباس راسها وبتعب:مافيني الا العافية لاتسوين بنفسك كذا..
ابتسم بعد ماجت الهام ودفنت راسها بصدرة وضمت كتفة اليمين وبكت ، مسح على راسها وتلافت بعيونة يدورها ، ماشافها بينهم ، رفع راسة شافها واقفة بأول الدرج تناظرة..
شريهان:الف سلامة ي حبيبي ان شاءالله فاللي يكرهوك ، عين ماصلتش عالنبي اللهم صل وسلم علية..
فريال:الحمدلله على السلامة..
صقر وعلامة الاستفهام بوجهه:وشصاير؟؟ ي عالم احس اني مانيب فاهم شي..
بومطلق ناظر ظافر:اسند اخوك وخذة لجناحة لجل يرتاح ، ناظر مطلق وبحدة ، وانتتتت ، وراي للمكتب..
صعد ظافر وهو ساند عبدالعزيز ووصلة لجناحة:اذا بغيت شي رن لي ، والحمدلله على سلامتك..
دخل الجناح ووقف فترة ، اخذ نفس طويل وضغط على صدرة ، رص على اسنانة من الالم اللي يحس فية ، زفر ودخل الغرفة ، جلس على اطرف السرير وحط كيس العلاج والمسكنات عالكومدينة ، شافها طلعت من الحمام ولابسة بيجامة ناعمة وقفت مكانها فترة تناظرة فجاة ركضضت ورمت نفسها بحضنة وطاح بالسرير ، غمض يحاول يكتم صرختة من الالم ، شدت علية بقوة وبكت..
عبدالعزيز بصعوبة:م مير ااءل المتينيء..
بعدت عنة ومسحت دموعها:اسفة ، اسفة ، خفت عليك كثثير ، ماقدرت استوعب لما شفت الرجال يشيلونك والدم مغطيك حسبتك مت ، سكتت فترة وهي تناظرة ، كيف تصوبت؟..
صد:احمم هاتيلي كاسة ماي لجل اخذ العلاج..
سكتت وقامت راحت جابت لة ماي ، دخلت وشافتة يحاول يفصخ ثوبة بس موقادر ، راحت لة وساعدتة ، فتحت الدولاب وطلعت لة فانيلة داخلية بيضة وحطتها على السرير وساعدتة يفصخ فانيلتة ويلبس الثانية ، جلست قبالة:يوجعك كثير!..
تم يناظرها وهو ساكت..
قربت ودفنت راسها بصدرة اليمين:اول مرة اخاف بحياتي كذا ، ماقد شفت منظر الدم وو ، خفت كثير ، همست ، خفت افقدك..
ضمها بتردد بذراعة اليمين وتم ساكت..
حاوطت خصرة وضمتة ، تم يمسح على شعرها فترة بعدها باس راسها وغمض يحاول يتجاهل الالم وينام وهو موداري ان هالبوسة لخبططتها ، ماتدري لية نسست كل اللي صار وكل اللي تبية انها تبقى بحضنة ، غمضت وهي تتجاهل شعورها بأنها حبتة..
.
.
طلع من المكتب وهو منزل راسة..
بومطلق:حسسبي الله عليك من ولد كانك ناوين تذبح اخوك ، رح ماابغى اشوف وجهك يااسود الوجة..
وقفت صيتة وعقدت حواجبة:انت المصوبة!..
نزل راسة ومارد..
رفعت صبعها وبرجفة:كنت ناوي تذبح ولدي ، كنت ناوي تذبح ولدددي ، ردد ، مسكتة من جيبة ونفضتة ، كككككنت ناوي تاخذ مني ضضنااي يالنجس ، مااقول الا حسسبي الله عليك ماكفاك انك ذبحت روحة ودمرتة وجاي الحين تذذذبحة وتخلص على مابقى منة من روح!..
مطلق:اقسم بالله العلي العظيم انة الرصاصة جتة بالغلط وحء..
قاطعتة بعصبية:تقسم بالله؟ ، لية اللي مثلك يعرف الله؟؟ انت وشمنة مخلوق منت من البششر انت شيطانن رجيم ، ماكفاك اللي سويتة جاي تذبحة هالمرة!..
شريهان:ي ولية كفاية بأة ، الكيش مكنش يؤصد ، اهوة الواد بخير ومفيهوش حاقة ملوش لزمة تعملي كول دة..