" အင်း .. ဟုတ်တယ်။ အဲ့လို ဘေးတစောင်းလေးပဲ ငေးနေပေးနော် "
နေဝင်လုမတတ် ဖြစ်နေပေမယ့်လည်း Cherry က သူမထိုင်ရာ ထိုင်ခုံလေးမှ လုံးလုံးမကြွဘဲ ပုံတူပန်းချီကိုအားကြိုးမာန်တက် ဆွဲနေသေးပြန်တော့ Arthit က လှုပ်စိစိနဲ့မို့ လှမ်းအော်ပြောရှာတယ်။
သစ်ပင်အကြီးကြီးရဲ့ထိုင်ခုံအောက်မှာ အဝေးတနေရာ ထိုင်ငေးနေတဲ့ကောင်လေးကို ချစ်သူလာဖို့မျှော်နေတဲ့ စိတ်ခံစားချက်မျိုးထည့်ထားဖို့ ပြောတုန်းက ထိုကောင်လေးရဲ့ရှက်သွေးဖြာသွားပုံကြောင့် Cherry က အငေးသား။
" Arthit .. တို့ စပ်စုတယ်လို့မထင်နဲ့နော်။ Arthit မှာ သဘောကျရတဲ့သူရှိနေပြီလား ? "
" ဗျာ ? အဲ့လို အဲ့လိုလည်းမဟုတ်ပါဘူး။ ဟူး .. ကျွန်တော် သဘောကျလည်း ဘာမှ မဖြစ်လာနိုင်ပါဘူး "
နားရွက်လေးတွေပါနီလာရင်း ရယ်ကျဲကျဲနဲ့ခေါင်းငုံ့သွားတဲ့ Arthit ပုံစံကြောင့် Cherry က မျက်နှာကို အတင်းလိုက်ငုံ့ကြည့်ရင်း
" Woa ဘယ်လောက်တောင်ကံကောင်းလိုက်လဲနော် ? တို့ဆို Arthit ကို မနှစ်တည်းက သဘောကျလာခဲ့တာ။ အခုတော့ Arthit သဘောကျတဲ့သူရှိတယ်ဆိုတာ သိရုံနဲ့တင် လက်လျော့လိုက်ရမလိုဖြစ်နေပြီ "
" ခင်ဗျာ ? "
ရယ်ကျဲကျဲလုပ်ရာကနေ အံ့အားသင့်သွားတဲ့ Arthit ပုံစံကိုကြည့်ပြီး Cherry က တခိခိနဲ့သဘောတကျရယ်ပြန်တယ်။
" အဲ့လောက်ကြီး မလန့်ပါနဲ့ Arthit ရယ်။ တို့က အခွင့်အရေးမရှိဘူးထင်ရင် နောက်ဆုတ်မယ်။ Arthit နားကပ်မနေဘူး။ အခွင့်အရေးရှိလောက်တယ်ထင်ရင်တော့ တို့ဆီ Arthit စိတ်ရောက်လာအောင် တို့ကြိုးစားဦးမှာပေါ့ "
" Cherry က ဘာမဆို တအားကြိုးစားမယ့်ပုံပဲ။ ပြီးတော့ အခုလိုတွေ ပြောလိမ့်မယ်လို့ ကျွန်တော်မထင်ထားခဲ့လို့ပါ "
" ဘာလဲ Cherry လို ပုံစံလေးက အရမ်းဖြူစင်ပြီး ရှက်တတ်တဲ့သူလေးဖြစ်လိမ့်မယ်လို့ ထင်ထားတာလား ? "
ပုခုံးချင်းတိုက်ရင်း မေးလာတဲ့ Cherry ကြောင့် Arthit က နောက်လေးဆုတ်သွားရင်း အသံခပ်တိုးတိုး ရယ်မိတယ်။ ဒီလိုမိန်းကလေးမျိုး တခါမှမတွေ့ဖူးဘူး။ Kong ဆီကို လာတဲ့မိန်းကလေးအများစုကို မြင်ဖူးခဲ့ရတော့ ဆွဲဆောင်မှုရှိတဲ့ပုံစံတွေကပဲ ရဲရင့်တက်ကြွမယ်လို့ထင်ထားခဲ့တာ။
YOU ARE READING
FRIEND ZONE
FanfictionOngoing / Start Date: March 30 , 2020 " ငါ မင်းနဲ့သူငယ်ချင်းမဖြစ်ချင်တော့ဘူး။ သူငယ်ချင်းဖြစ်နေရတာကို သည်းခံရတာ ပင်ပန်းလာပြီ။ ငါတို့ တွဲကြည့်ကြမလား? " " ငါ မင္းနဲ႕သူငယ္ခ်င္းမျဖစ္ခ်င္ေတာ့ဘူး။ သူငယ္ခ်င္းျဖစ္ေနရတာကို သည္းခံရတာ ပင္ပန္းလာၿပီ။ ငါတို႔ တြဲၾက...