Reincarnated as a Stupid Daughter of the Mafia Boss

Chapter 47

Nang makarating sa loob ng kotse niya ay pinanindigan ko na ang pagiging pipi sa gabing 'to. Pagpapahingahin ko muna si Vile sa mga banat na natutunan ko sa mga mahaharot kong kasamahan sa military camp.

Puro kasi lalaki ang kasama ko sa kampo at kokonti lang din ang babae. Ang iba pa sa kanila ay tomboy kaya ang ending yung mga sundalo doon ay uhaw sa mga babae. Hindi lang talaga nila ako magalaw dahil sabog ang mukha nila sa'kin kapag hinawakan nila miski kamay ko.

Naalala ko pa noon na kapag oras na ng labas namin sa kampo ay agad silang magyayaya na mag-bar para makahanap kuno ng chicks. Ewan ko nga kung anong utak meron sila at parang hindi sundalo kung umasta. Tsk! Tsk!

Mabuti pa ako, matino hehe! Wala kasi akong oras sa mga lalaki dahil una sa lahat ay kailangan kong mag-aral ng mabuti dahil pagagalitan ako ni mom. Masyado kasi silang mahigpit sa'kin kaya naging ganito tuloy ang nangyari sa'kin. Naipon lahat ng kabaliwan ko kaya nang mabuhay ulit ako ay bigla na silang naglabasan!

"Hayys!" Naiiling ko na lang na buntong hininga habang nakatingin sa labas ng bintana.

Bigla kong naalala ang mga nakita sa pool area at tinanong ang sarili kung ano talaga ang nangyari kanina? Lalo pa't mukhang normal lang ang reaksyon ni Vile na parang sanay na sanay na nga talaga siya sa eksenang 'yon.

Sa nobela kasi ay hindi sinabi kung anong 'special hobby' ang ginagawa nitong si Venom. Hindi naman din ako nagtaka dahil point of view ni Lilian ang nababasa ng lahat, kaya kung ano lang ang nalalaman ng female lead ay 'yon lang din ang nalalaman ng mga readers.

Isa pang katangian ni Lilian ay napakatalino niya pero hindi niya nagagamit ng maayos dahil sa mga interruption na binibigay ng mga male characters. They think Lilian is a flower vase that is needed to be protected. My reaction at that time when I read this is priceless!

'Like duh? Lilian is a fucking assassin, okay? She is not a normal girl out there so what's the use of being so overprotective?!'

Geez! Ngayong nandito na ako sa mundo nila ay ngayon ko lang din nalaman na mahirap pa lang maging female lead kaysa sa role ko na villain. At least ako pwede ko pang mabago ang kapalaran ko, pero ang kapalaran ni Lilian ay hindi na.

'Siya na ang pagod at wasak kapag natapos na ang istorya na 'to! As in pagod at wasak emotionally at physically! Pfft ehem!'

Napailing na lang ako sa naiisip na kalokohan. Siguro kung may makakabasa ng laman ng isip ko ay malamang magmumukha na akong baliw sa kaniya. Sa dami ba naman ng iniisip ko ay baka pati siya mabaliw.

"Get down."

Napatingin ako kay Vile nang marinig na magsalita siya. Wait, nandito na ba kami?! Bakit hindi ko man lang namamalayan? Nilibot ko ang paningin at nakita na nasa isa kaming hotel.

'Okay? What are we doing here? Don't tell me he's going to do something to me?!'

Agad kong nayakap ang sariling katawan sa naisip. Oh my god! This is so scary because I'm not ready!

"Tsk! Stop thinking nonsensical thoughts, young lady. We're just going to stay here for a night." malamig na sabi niya na agad na nagpatigil sa imagination ko. 

"Why?" mahina kong tanong dahil nakakapanghina ang mga nangyayari.

Ang gusto ko lang naman ay makauwi na! Bakit ang daming mga extrang scenes sa nobelang 'to? Sigurado ako na balak lang akong pahirapan ng tadhana dahil sa isa akong villain. Tsk!