"ခရီးတော့မသွားသေးပေမဲ့ အစ်ကို့ကို အကူအညီတောင်းစရာတော့ရှိတယ်"
"ပြောလေ ရသလောက်ကူပေးပါ့မယ်"
"ကျွန်တော် blog အတွက် အပြင်တွေသွားတဲ့အခါ ကူပေးဖို့
လက်ထောက်တစ်ယောက်လောက်တော့လိုချင်တယ်
ဟိုတစ်ခါလို ခရီးစဉ်တစ်ခုတည်းအတွက် အချိန်ပိုင်းမဟုတ်ဘဲ အမြဲတမ်းလက်ထောက်လိုချင်တာ""ဟိုတစ်ခါခေါ်ပေးတဲ့ကောင်လေးက အဆင်မပြေဘူးလား"
"သူက ကျွန်တော့်ကိုတော့ ကူပေးနိုင်ပါတယ်
ဒါပေမဲ့ ဘာသာစကားသိပ်မကျွမ်းတော့ အဆင်မပြေဘူးဗျ
ကျွန်တော့်ဝေယျာဝစ္စလုပ်ဖို့ခေါ်တာမဟုတ်ဘူးလေ
အဓိကက Blog အတွက် အထောက်အကူဖြစ်မဲ့အချက်တွေ စုပေးနိုင်တာကို လိုချင်တာ""အိုကေလေ..အစ်ကိုနည်းနည်းစုံစမ်းကြည့်ပါ့မယ်
ရရင်ပြောမယ်ကွာ""ရရင်ပြောမယ် မလုပ်နဲ့ အစ်ကို
ရမှကိုဖြစ်မှာ.. ကျွန်တော်က နှစ်ကူးပြီးတာနဲ့ ဆက်တိုက် run တော့မှာ""အေးပါကွာ"
"ဒါဆို တစ်ခုခုသွားစားကြမယ်လေ
လာပါ အလုပ်တွေခဏထားခဲ့"ချန်ယောလ်လို တဇွတ်ထိုးကို ငြင်းလို့မရမှန်းသိတော့ ဂျွန်မြောင်လည်း ငြင်းမနေတော့။
အလုပ်တွေကို ပစ်ထားခဲ့ပြီး နေ့လည်စာစားဖို့သာလိုက်သွားလိုက်သည်။
တကယ်ဆို သူ့လို့ နာမည်ကြီး Freelance Blogger တစ်ယောက်က Agency ကို ဝင်ထွက်နေတာကိုက ဂုဏ်ယူစရာပင်။
သူ့ Blog မှာ recommend ပေးလိုက်လို့ လုပ်ငန်းက ရည်မှန်းထားတာထက်ပိုပြီး ကြီးမားလာခဲ့တာဆိုတော့ သူက ကိုယ့်ရဲ့ကျေးဇူးရှင်လေးပင်ဖြစ်သည်။
အလုပ်နဲ့ပတ်သက်ရင် နည်းနည်းအရွေးလွန်တတ်တဲ့ကောင်လေးဆိုတော့ သူ့အတွက် လက်ထောက်ရှာပေးရမှာ မျက်ခုံးတော့ ခပ်လှုပ်လှုပ်ပင်။
သို့ပေမဲ့ ကိုယ်နဲ့ personal အရလည်း ရင်းနှီးပြီး အလုပ်သဘောအရလည်း အဆက်အဆံရှိသူဆိုတော့ လုပ်သင့်လုပ်ထိုက်တာကို အကောင်းဆုံးလုပ်ပေးရမည်ဖြစ်သည်။🌍
"ဂျွန်..."
တိုက်ခန်းထဲကို ဝင်လိုက်တာနဲ့ လုံးခနဲကိုယ်ပေါ်ခွတက်လာတဲ့ ခန္ဓာကိုယ်တစ်ခုကြောင့် အနောက်ကိုယိုင်ကာ နှစ်ယောက်လုံး ကြမ်းပေါ်ဖင်ထိုင်လျက်ကျသည်။
ရုတ်တရက်မို့ နာသွားတဲ့ ဂျွန်မြောင်က ဒေါသတကြီးလှည့်ကြည့်လိုက်တော့ သွားဖြီးပြနေသည့် အငယ်ကောင်လေး။
ဟိုတလောကပဲ ထိုင်ဝမ်က အမျိုးတွေဆီရောက်နေသည်ဆိုပြီးတော့ ရုတ်တရက် ဘယ်လိုဖြစ်ပြီး အိမ်ထဲရောက်နေတာပါလိမ့်။
YOU ARE READING
BLOGGER
Fanfiction🌍ကမ္ဘာအနှံ့က စိတ်ဝင်စားဖို့ကောင်းတဲ့နေရာတွေကို စူးစမ်းရှာဖွေနေတဲ့ Freelance Blogger ပတ်ချန်ယောလ်နဲ့ ကလေးစိတ်မကုန်သေးတဲ့ Blogger လက်ထောက် ဒိုဂျောင်ဆူး ❤️ Unicode + Zawgyi
Part 1
Start from the beginning