عصفورة جرف (نساء من فولاذ)

تكملة البارت ال٢

.تكملة البارت ...♥️

بعد تعبي وحسرتي وبچيي بالغرفة
تمنيت الكسرني انسان ماعرفةه ♥️

..................جواهر

جواهر : مر يومين وهو حابسني بالغرفه ، اسمع صوت كيان يبجي ، اضل ادك بالباب واعيط محد يفتحلي الباب ، اضل ابجي اموت روحي من البجي ، يدخلون الاكل ويطلعون..

..بليل انفتح الباب ، دخل سرمد وقفل الباب ، كعد على طرف الجرباية ،
اني سويت نفسي نايمه ، شويه واجه تمدد بصفي وحظني واحس بي يشم بشعري حسيت بي نام ،
جنت مستغربه تصرفات عبالك واحد مو بوعيه ..

... نص اليل اني كاعده وهو غاط بالنومه ، فز اني غمضت عيني ، فتحت شويه بدون ميحس ، باوع عليه ، كعدني ..

سرمد : كومي ، اكعدي ، جواهررر ..

جواهر : ها كعدت ، باوع عليه و تلمس شعري ، ويباع بوجهي ، خلا ايده ورى ركبتي ، لأول مره اشتم بي ريحه مطيبه ، شنو هاي الريحه ، حجى وعبالك سكران ، انت شارب ، عصر ركبتي و هو يحجي ...

سرمد : اي من وراج ، حتى انسى السويتي بيه ، وارجع مثل قبل ...

جواهر : الله يخليك افتح الباب بس اشوف كيان ..

سرمد : هاج هذا المفتاح روحي شوفي ...

جواهر : جريت المفتاح من ايده وركضت ، فتحت الباب وطلعت ادور بالغرف ، دخلت الغرفه شوق لكيتها منومته يمها ، جانت كاعده تگلب بتلفونها ...

شوق : جواهر ، شلون طلعتي من الغرفه ..
جواهر : ابوج كالي روحي شوفي كيان ..

شوق : كيان نايم بالكوه نومته الله عليج لتكعدي ..

جواهر : لا والله مااكعده بس ابوسه واشم عطره بدون ميحس ، تقربت منه ، شميت عطره وبوسته بركبته ، رفعت شعري من وجهي وهي تحجي ...

شوق : هذا بابا مسوي هيج بوجهج ...؟

جواهر : اي ..

شوق : اني صح جنت اضوج منج و مااحبج ، بس والله لان بيج شبه من امي ماردت ابويه ينسى امي بيج ..

... ابويه تزوج ثنين ومنسى امي ابد ، بس من يوم التزوجج نساهه ، حتى جان كل سنه يسوي ثواب بيوم وفاتها صار اربع سنين ممسوي ...

...حقدت عليج وكرهتج كره العمى ، بس من جنت اشوفه يأذيج ويضربج جنت انقهر عليج ، منا لمن عرفت ان اني حبيتج مثل ما خالاتي حبوج واخواني ...

جواهر : لزمت ايدها ، صدكي اني مكرهتج ابد ، لان مالحكت اعرفكم ، طول الوكت ابوج لو حابسني لو ميخليني اختلط بيكم ، اني اسفه لان خاف بيوم ضوجتج ...

شوق : لا انتي تضوجين ، اني الي اسفه ، لان من وراي ابويه ضربج واذاج ،
اني كتله من خابرتي اهلج ، اني اسفه اني كل يوم احقد على نفسي ، لان سويت هيج ..