Unicode💜
ကောင်းကင်ဘုံတစ်ခုလုံးက အဆောက်အဦ တွေရစရာမရှိအောင်ပျက်စီးနေချေပြီ။
တိုက်ကိုကသူကိုယ်တိုင်ဆောက်ခဲ့တဲ့ ပင်မနန်းဆောင်ကြီးကိုပါ သံယောဇဉ်မဲ့စွာဖျက်ဆီးလိုက်သည်။
ကောင်းကင်ကြမ်းပြင်တွင် ယခင်လိုတိမ်အခိုးအငွေ့များမပြေးတော့..။
မကောင်းဆိုးဝါးများ ဘဝလွန်၍ အနက်ရောင်အခိုးအငွေ့များသာပျံ့နှံ့နေသည်။
နတ်များကတော့ စိတ်ငြိမ်ရာတောင်တွင်တိမ်းရှောင်နေရသည်။
ဒီချိန် တိုက်ကို့ ကိုတားလျှင် သူတို့ပါနတ်သက်ကြွေနိုင်သောကြောင့်ပင်။
ယခင်လိုအခြေအနေဆို နတ်ဘုရားများပေါင်းကာတားစည်းနိုင်ပေမဲ့ ယခုမှာတော့ကိုယ်စီဒဏ်ရာများရလာကြသည်။သန့်စင်ခြင်းတောင် အားခဲလုပ်ဆောင်ထားရသည်မလား။
ချိတ်ပိတ်ထားသောဓားကြီးကိုကိုင်ကာ အပျက်အစီးတွေထဲ လျှောက်လှမ်းနေတဲ့ အနှီနတ်ဘုရား မြင်မြင်သမျှ ဖျက်ဆီးချေမည်။
လျှောက်ရင်းလျှောက်ရင်းနဲ့ ပြိုကျပျက်စီးထားတဲ့ခန်းမကြီးအလယ်တွင် ထီးထီးကြီးရှိနေသော သူ၏ရုပ်ထု။
သူ့လမ်းတွင် ခံနေ၍ထိုရုပ်ထုကိုပါ ဖျက်ဆီးပစ်မည်လော။ဓားကိုကိုင်ဆုပ်ကာ လက်တစ်ဆုံးလွှဲလိုက်ပြီး..ပိုင်းရန်ပြင်လိုက်လေသည်။ထိုဓားက ၄င်းရုပ်ထု၏ အနားရောက်ခါနီးတွင်...
"ရပ်တော်မူပါတော့..အရှင်မြတ်!!!"
ကြည်လင်ပြတ်သားတဲ့ ထိုအသံ
တိုက်ကိုလည်း တုန့်ကနဲရပ်သွားချေသည်။
အနောက်ကိုလှည့်ကြည့်တော့ သူနဲ့ခပ်လှမ်းလှမ်းမှာ ပြုံးပြီးရပ်နေတဲ့အမျိုးသမီးကား...
ရာမီ(Rami)
"ရာ..မီ??.."
သူမကိုမြင်လိုက်တာနဲ့အသိစိတ်ပြန်ကပ်လာတဲ့ အနှီနတ်ဘုရား..
"ကောင်းကင်ဘုံရော လူ့ပြည်ပါဖျက်ဆီးတော့မလို့လား အရှင်မြတ်.."
"မင်း..သေသွားပြီလေ.."
ထိုအမျိုးသမီးအားကြည့်ကာ ရင်ထဲစို့လာလေသည်။
"ကျွန်တော်မျိုးမက သေသွားတာဟုတ်ပါတယ်။ဒါပေမဲ့ အရှင့်ရဲ့နှလုံးသားထဲမှာ ဆက်ရှင်သန်နေတယ်လေ..အရှင်ကကျွန်တော်မျိုးမကို မမေ့သရွေ့ ကျွန်တော်မျိုးမမသေပါဘူး..ဟီးဟီး.."
YOU ARE READING
Stuck With You (မင်းနဲ့ငြိတွယ်မိပြီ)
ParanormalThis fiction is my first creation.. Script(except from true story) and dialogues are just my imagination..I have no idea to insult anyone
