Unicode 💜
"ဟုတ်ပြီ ညီ..ခါးပတ်ပတ်လိုက်ပါဦး"ဟယ်ရီက ခါးပတ်ကြိုးကိုယူပြီးပတ်လိုက်ချိန်မှာ ဟယ်ရီ့လက်ဒဏ်ရာကို မြင်သွားတဲ့ ခီယန်။
"ဟာ..လက်ကဘာဖြစ်တာလဲ တော်တော်ပွန်းထားတာပဲ မဖြစ်ဘူးဆေးခန်းသွားရမယ်"
ဟယ်ရီကလက်ကိုပြန်ရုတ်ကာ
"ရပါတယ်အကိုရဲ့ ကျတော်နောက်မှဆေးထည့်လိုက်မယ်"
"မရပါဘူး ဒါကအခက်မသင့်ရင်လက်ဖြတ်ရမှာ"
"ဟင် !!"
"ပြစမ်းအကို့ကို"
လို့ပြောပြီး လက်ကိုဆွဲလိုက်တဲ့ခီယန်
မတော်တဆ အနာကိုထိသွားကာ
နာသွားတဲ့သူကခီယန်။
ဒဏ်ရာရတဲ့လူထက် နာသွားရခြင်းမှာ တိုက်ကို့၏အစွမ်းကြောင့်ပင်။နတ်ဘုရားလက်နှင့်ထိပြီးရလာတဲ့ ဒဏ်ရာမှန်းသူနားလည်သွားချိန်မှာ ခီယန့်စိတ်ထဲတွင်
("ဒီဒဏ်ရာအရဆိုသူကကောင်းကင်ဘုံနတ်ဘုရားပဲ ။ ငါ့ကိစ္စကိုစုံစမ်းမယ်ဆိုလဲတခြား နတ်ဆိုရတာပဲ ဒီလိုနတ်တကာ့နတ်ထိပ်ခေါင်ကိုယ်တိုင် လူ့ပြည်ဆင်းလာဖို့လိုလို့လား မဟုတ်မှလွဲရော ဟယ်ရီ....")ခီယန် ဟယ်ရီ့လက်ကိုကိုင်ရင်း ပြတင်းပေါက်ကိုပြန်ကြည့်တော့ ထိုနတ်တုတ်တုတ်မျှမလှုပ် သူ့အားစိုက်ကြည့်နေသည်။
ခီယန်ရှိန်သွားသည်မှာအမှန် ဒီနတ်ဘုရားနဲ့ရင်ဆိုင်ဖို့ရာ သူအတွက်ခက်ခဲမည်ဟုသာစိတ်ပြင်ဆင်ရင်း....
"အကို ဘာလို့လဲ ကျတော့်အခန်းက"
ဟယ်ရီမေးသာမေးနေတာ မျက်နှာတစ်ပြင်လုံးခရမ်းချဥ်သီးအရည်ညှစ်သလိုနီရဲနေသည်။မသိမသာလက်ကလေးကို ပြန်သိမ်းရင်းဆိုခြင်းသာ။
"အော်မဟုတ်ပါဘူး ကဲ...အကိုတို့သွားမယ်နော်"
"ဟုတ်ကဲ့"
ဟယ်ရီစကားဆုံးတာနဲ့ ကားစက်နှိုးကာ လမ်းမကြီးတစ်လျှောက်မောင်းလာတော့သည်။
သို့သော်ခဏအကြာ ကော်ဖီဆိုင်သွားတဲ့လမ်းမဟုတ်တာကြောင့် ဟယ်ရီကခီယန့်အားမေးသော်
"အကို ဒါဆိုင်ကိုသွားတဲ့လမ်းမှမဟုတ်တာ"
"ဘယ်သူကဆိုင်သွားမယ်ပြောလဲ"
YOU ARE READING
Stuck With You (မင်းနဲ့ငြိတွယ်မိပြီ)
ParanormalThis fiction is my first creation.. Script(except from true story) and dialogues are just my imagination..I have no idea to insult anyone