ယခုမှာ ဝေးကွာခဲ့သော်လည်း
ဘဝသရာ ထိုတစ်ကွေ့မှာဖြင့်
ဆုံတွေ့ကာ ကျွမ်းဝင်လိုပါကြောင်း
တောင်းဆုခွန်းငယ်ခြွေသည်
စစ်မှန်ရာ မေတ္တာအားပေမို့
ပြည့်ရစေသား....×××××
ဟံသာဝတီနန်း၏ ညီလာခံသဘင် ။
စစ်သည်ငယ်လေးတစ်ဦးက မှူးမတ်သေနာပတိတို့အလယ် ရာဇပလ္လင်ထက်ဝယ် တည်ကြည်ဝင့်ထည်စွာစံမြန်းနေသော မွန်အရှင်သခင်ရှေ့တော်မှောက် ဝပ်တွားခစားလျက် ။
"အဘယ်အကြောင်းကြောင့် ညီလာခံသဘင်ကို အခစားဝင်ရသလဲ မင်းချင်းငယ်"
တည်ကြည်လေးနက်သည့်အမေးစကားအဆုံးဝယ် မင်းခလုလင်ပျိုလေးက ဆောင်ကျဉ်းလာခဲ့သော ပေလွှာတစ်ချပ်ကို ရေမြေ့သခင်ထံ ဆက်သလာပါ၏ ။
"ကွပ်မျက်ခံလိုက်ရပြီးဖြစ်တဲ့ ရတနာပူရအိမ်ရှေ့စံမင်းသားရဲ့ စာသဝဏ်ပါ အရှင်"
ရတနာပူရဆိုသည်နှင့် ချက်ချင်းပင်လျှင် အေးစက်မာကျောသွားခဲ့သော အရှင်သခင်၏မျက်နှာတော်က တင်းတင်းမာမာ ။ ခေါင်းထောင်လာကြသော မှူးမတ်တို့၏စကားသံအချို့နှင့် ညီလာခံနန်းက ခပ်ကျွက်ကျွက် ။
ယောက်ျားသားချင်းမေတ္တာမျှသည်ဆိုသော မနှစ်မြို့ဖွယ်အချင်းအရာ ။
ရုန့်ရင်းသည့် ဝေဖန်ပုတ်ခတ်စကားတို့ ။
ညီတော်ငယ်စစ်သေနာပတိကိုပင် ဆင်ခြင်တုံတရားကင်းခဲ့စေလေသော လွဲမှားသည့်ဖူးစာရေး ။ရတနာပူရအိမ်ရှေ့မင်းသည် သူ့အတွက်တော့ဖြင့် ရေစက်ဆိုးသာဖြစ်ချေ၏ ။
"ကိုယ်တော် မဖတ်လိုရော့ "
"အင်းဝဘုရင်ကတောင် မကန့်မကွက်ခွင့်ပြုပေးခဲ့မှတော့ နောက်ဆုံးသောဆန္ဒဖြစ်ပါလိမ့်မယ် အရှင်မင်းမြတ် ။ ကျွန်တော်မျိုးအရဲစွန့်လျှောက်တင်ရရင်ဖြင့် အကြီးလေးဆုံးသောအပြစ်ကိုကျူးလွန်သူအပြစ်သားတွေရဲ့ဆန္ဒကိုတောင် ဖြည့်ဆည်းပေးရိုးရှိပါလျက် သည်ကိစ္စ မျက်ကွယ်မပြုကောင်းထင့်"
မင်းတိုင်ပင်အမတ်ကပါ တောင်းဆိုလာသည်မို့ အရှင်သခင်က စိတ်ရှုပ်ထွေးစွာမျက်မှောင်တွန့်ချိုးသွားသော်ငြား စာလွှာကိုဖတ်ခွင့်ပြုခဲ့၏ ။
![](https://img.wattpad.com/cover/285526016-288-k942525.jpg)
YOU ARE READING
ဟံသာဝတီ မျက်ပြေလွှာ (ဟံသာဝတီ မ်က္ေျပလႊာ ) [Completed]
Romanceဟံသာဝတီအရှင်သခင်၏ အမျက်တော်တို့ကား ဤစာသဝဏ်အားဖြင့်ပြေစေ... ဟံသာဝတီအရွင္သခင္၏ အမ်က္ေတာ္တို႔ကား ဤစာသဝဏ္အားျဖင့္ေျပေစ... #This is just a work of fiction with no real historical incidents involved. All the characters and events included are simply the i...