မွှေးထုံကြွယ်ကြွယ် ပန်းငုံငယ်
ရေစင်ဖြန်း မနွမ်းစေချင်ပါဘိ..
သည်းစိုင်ဖလှယ် သက်လျာငယ်
မေတ္တာဆမ်း အနမ်းဝေချင်ပါဘိ..
×××××
"စစ်သူကြီး သတိုးလက်ျာငယ်ကို ရာထူးအဆောင်အယောင်ချက်ချင်း ရုတ်သိမ်းပြီး ထောင်သွင်းအကျဉ်းချစေ "
ဘုရင်မင်းမြတ်၏ အာဏာသံဆုံးလျှင်ဆုံးချင်း ညီလာခံနန်းက ကျွတ်စီကျွတ်စီဖြစ်သွားသည် ။ တစ်ယောက်မျက်နှာတစ်ယောက်ကြည့်နေကြသော မှူးကြီးမတ်ရာတို့က အခြေအနေကို နားမလည်နိုင်ကြဟန် ။
ဟင်္သာသနပလ္လင်တော်ထက်က ဟံသာဝတီအရှင်သခင်ကား အံကိုတင်းတင်းကြိတ်လျက် မျက်နှာတော်နီမြန်းလာသည်အထိ အမျက်တော်ရှလျက်ရှိလေ၏ ။
ရှေ့တော်မှောက်တွင်တော့ အခစားဝင်လာသည့် အင်းဝသူလျှိုက ဝပ်ဝပ်တွားတွား ။
"ကိုယ်တော် စစ်သူကြီးအပေါ်ဘယ်လောက်အထိ စိတ်ချယုံကြည်ခဲ့လိုက်သလဲဆိုတာ ဟံသာဝတီတစ်ပြည်လုံးသိရော့တယ်"
သစ္စာဖောက်ခံရခြင်း ၊ နှမြောတသခြင်းနှင့် ဒေါသအမျက်တို့ ရောနှောကိန်းအောင်းနေသောဘုရင့်အာဏာသံက ဒဏ်ရာရခြင်္သေ့တစ်ကောင်သဖွယ် ၊ မိုးထစ်ချုန်းသည့်နှယ် ဟိန်းခနဲထွက်သည် ။
"လျှောက်တင်ပါရစေ ။ စစ်သူကြီးက အဘယ်သို့သောအပြစ်ကို ကျူးလွန်ခဲ့တာကြောင့်များလဲ အရှင်"
တရားရေးဝန်မင်းက လက်နှစ်သွယ်ကိုယှက်မြှောက်ထားလျက် မေးလျှောက်သည် ။ အလုံးစုံသောသူတို့သည် ဘုရင်မင်းမြတ်၏အဖြေစကားကို ဆိတ်ဆိတ်သာငံ့လင့်လျက် ။
"သတိုးလက်ျာငယ်ဟာ လုလင်ပျိုတစ်ယောက်ဖြစ်ပါလျက် အင်းဝအိမ်ရှေ့စံနဲ့ မေတ္တာမျှနေရော့တယ် အမတ်မင်း"
ရာဇဣန္ဒြေကိုထိန်းစောင့်ထားရသော ဟံသာဝတီပြည့်ရှင်က လှိုက်တက်လာသောအမျက်တို့ကို လက်စွဲတော်ဓားရှည်ကိုသာ တင်းတင်းဖိဆုပ်လျက် ထိန်းသည် ။
"အလို..."
''ဒါဟာ ဟံသာဝတီပဲခူးကို သစ္စာဖောက်ဖျက်လိုက်တာပဲ"
BINABASA MO ANG
ဟံသာဝတီ မျက်ပြေလွှာ (ဟံသာဝတီ မ်က္ေျပလႊာ ) [Completed]
Romanceဟံသာဝတီအရှင်သခင်၏ အမျက်တော်တို့ကား ဤစာသဝဏ်အားဖြင့်ပြေစေ... ဟံသာဝတီအရွင္သခင္၏ အမ်က္ေတာ္တို႔ကား ဤစာသဝဏ္အားျဖင့္ေျပေစ... #This is just a work of fiction with no real historical incidents involved. All the characters and events included are simply the i...
![ဟံသာဝတီ မျက်ပြေလွှာ (ဟံသာဝတီ မ်က္ေျပလႊာ ) [Completed]](https://img.wattpad.com/cover/285526016-64-k942525.jpg)