قلوب تحترق

الواحد وثلاثين 🙂🤨

نبدأ 🤨

كان يجلس جون وهو ينظر إلى ظافر الذى يتطلع إليه بضيق ويقول :- يعنى ايه الكلام ده
جون ببرود شديد :- إللى سمعته احنا هنرجع بكره البيت
قال ظافر بضيق وهو يتطلع لبرود جون :- جون انا مش هسمح ليك انك تمشى من هنا غير باذن من رؤسائي فى الشغل
قال مراد بضيق لظافر :- ظافر احنا لازم نرجع انت اكيد شايف حالة جهاد عامله ازاى
ظافر بتأكيد وهو ينظر لمراد :- مراد انا فاهم حالة جهاد كويس بس جيلان موجوده معه وفاهمه حالته كويس
جاك بضيق :- فاهمه ايه هى طول الوقت بتقول إنه لازم يتحمل كل الوجع لوحده انا مش هستنى إني اخسر صاحبي وانا قاعد
ظافر وهو يمسح وجهه بغيظ :- ياجماعه انتو بتتكلموا فى ايه .. جهاد الحمد لله كويس ... انتو عايزين تمشوا من هنا طيب والمافيا الصينيه اكيد بيدورا على قاتل كيو ولو عرفوا انك انت ياجون هيخلصوا عليك
مراد وهو ينظر له بنفى  :- مفيش حاجه هيقدروا يعملوها المهم دلوقتى جهاد
ظافر وهو يضرب الطاوله أمامه بغضب :- وايه يعنى جهاد قولت أنه كويس ومش هيحصل له زفت حاجه
نهض جون وهو يمسك ملابس ظافر وينظر له بعيون تحمل الغضب :- انا سمعت كلامك للآخر  .. وكلمه كمان عن جهاد ممكن أخلص عليك دلوقتى ....يمكن انت مش عارف يعنى ايه اخوك بيموت قدام عينك ومش عارف تساعده ..... انا عارف كويس انك مش بتحب اخوك بس ده مش معناه إني اسيبك تتكلم عن جهاد بطريقه ده ...جهاد عندى بعمرك كله ياظافر

توم وهو يبعد جون عن ظافر بقلق :- جون لو سمحت اهدا ظافر ميقصدش حاجه هو بس متوتر من المهمه دي ومن اللى بيحصل
ظافر وهو ينظر لجون بضيق :- جون انا فاهم انكم بتحبوا جهاد بس انت بتعرض الكل للخطر علشانه
جون وهو يترك ملابس ظافر ويقول بجمود :- وأنا مش بخاف من حد بكره الصبح هنكون فى روسيا برضاك أو لا
استدار وهو ينظر لمراد قائلاً :- مراد حاضر كل حاجه للسفر
مراد بتاكيد وهو يهز رأسه :- اعتبر كل حاجه جاهزة
توم بقلة حيله :- جون بلاش استنا على الأقل يومين لوقت ما توصل الأوامر برجعتكم
جاك بلا مبالاة :- احنا مش بناخد أوامر من حد انتو طلبتوا مساعده واحنا قدامنها اي حاجه تاني لا
ظافر وهو ينظر له بضيق :- جون إللى بتعمله غلط
جون وهو ينظر له بحدة :- مش مهم
تقدم منهم كين وهو يركض من الخارج و يقول بذعر :- جون جهاد حالته مش كويسه وجيلان طلبت انكـ..
لم يستمع جون لباقى كلام كين وهو يركض للداخل بسرعه وهو ينظر لجيلان التى تقف بجوار غرفة جهاد ويبدوا على ملامحها القلق وقف أمامها وقال بخوف :- فى ايه؟ جهاد ماله
مراد وهو ينظر فى اتجاه الباب بخوف :- حصل ايه
جيلان وهى تنظر له بنفى :- مش عارفه فجأة بدأ يصرخ ويتحرك بهستيرية انا طلبتك علشان تتحكم فيه هو مش قابل حد
مراد وهو يتقدم من غرفة جهاد بسرعه :- انا هدخله
امسك يده جون وهو يهز رأسه ويقول بقلق :- لا خليك انت انا هدخل
مراد بخوف :- جون
جون برجاء :- لو سمحت خلينى ادخله
هز مراد رأسه بصمت وتقدم جون من غرفة جهاد التى يجلس فيها منذ أخذا هذا الدواء ولا يتحرك منها، فتح الباب وهو ينظر إلى جهاد الذى ينظر إلى الفراغ بجسد يرتجف ودموع تهطل كالمطر وعيون تحملق فى الفراغ بزعر وهو يحمل هذه السكينه التى بين يديه التى ترتجف بشدة وهو يقول بصرخ :- ابعد عنى ابـــعدددد عنى ابعد .. ح حد يساعدنى يابابا .. ابعد انا م.معملتش حاجه ابــعــــد عنـــــى