သီအိုရီမဲ့သော ... ချစ်ခြင်းပုစ္ဆာဝယ် [ ZG & Uni ] သီအိုရီမဲ့သော ... ခဈြခွငျးပုစ်

Episode ( 21 )

[ Zawgyi ]
---------------

အဝေးပြေးလမ်းမကြီးထက်တွင် တရိပ်ရိပ်ပြေးလွှားနေသော Express ကားတစ်စီးပေါ်၌ ပြတင်းပေါက်ကနေတဆင့် အပြင်မြင်ကွင်းကိုငေးပြီးလိုက်ပါလာတဲ့ကောင်လေးကို ရှိန်ဝါ ငဲ့ကြည့်လိုက်သည် ။

ငါနဲ့အတူတူဘယ်နေရာဖြစ်ဖြစ်လိုက်ရဲလားဆိုတဲ့မေးခွန်းကို တွန့်ဆုတ်ခြင်းမရှိသောအမူယာဖြင့် ခေါင်းညိတ်ပြသည့်ကောင်လေး ။ ထိုမျက်လုံးတွေရဲ့ယုံကြည်ချက်က သူ့ကိုတမင်စိန်ခေါ်လိုက်သလိုပါပဲ ။

မင်းတကယ်နေနိုင်ပါစေလို့ ဆုတောင်းပေးတယ် Dawn !

မရောက်ဖြစ်တာ ၁၀ စုနှစ်တစ်ခုစာကျော်သွားတဲ့နေရာလေးကို ရန်ကုန်မှာဘာပစ္စည်းမှမကျန်တော့အောင် ကားကအစ အကုန်ရောင်းပစ်ပြီးထွက်လာခဲ့တာ သူ့ဘဝကိုရေစုန်မျောပစ်ဖို့ထက် တစ်စုံတစ်ယောက်ကို သူ့အနားကနေ သည်းမခံနိုင်စွာထွက်သွားစေချင်တဲ့စိတ်ကပိုသာနေသည် ။ တဖြည်းဖြည်းနဲ့ရောက်ဖို့နီးလာသောထိုနေရာလေးက သူ့ကိုမှတ်မိကြပါ့မလား ။ သူတွေ့ချင်တဲ့သူတွေ အဲ့နေရာမှာကောဆက်ရှိနေကြပါအုံးမလား အတိအကျမသိပေမဲ့ သူ့ဆီမှာတခြားသွားစရာနေရာဆိုလို့ စဉ်းစားမရခဲ့ ။ 

သူ့အနီးနားကလူတွေနဲ့အဝေးဆုံးနေရာ ။
မကြားချင်တဲ့ သတင်းတွေဆိုးတွေနဲ့ကင်းတဲ့နေရာ ။
သူ့ကိုမသိတဲ့သူတွေပဲရှိမဲ့နေရာ ။
အထူးသဖြင့် သူနဲ့ဟိုကောင်လေးအကြောင်းကိုပေါ့ ။

ပြင်ဦးလွင်မှကြိုဆိုပါသည်ဆိုတဲ့ဆိုင်းဘုတ်လေးကိုမြင်တော့မှ အတွေးလွန်နေတာတွေကိုရပ်ပစ်လိုက်သည် ။ ညကတည်းကထွက်လာတာမို့ မနက်ခင်းအချိန်ဝေလီဝေလင်းဖြစ်နေသော ပြင်ဦးလွင်မြို့ရဲ့အလှတရားဟာ မြူတွေကြားထဲဝိုးတိုးဝါးတား ။ အေးချမ်းပြီးတိတ်ဆိတ်လွန်းတဲ့မြို့ငယ်လေး အနားယူအပန်းဖြေချင်စရာကောင်းတဲ့မြို့ငယ်လေးကို သူကတော့ မအေးချမ်းခြင်းတွေသယ်ဆောင်လို့ အနားယူဖို့လာတာထက် ကိုယ့်ဒုက္ခကိုယ်လာရှာတယ်ပြောရင် ပိုမှန်ပါလိမ့်မယ် ။ သူနဲ့အတူ ဒုက္ခကကပ်ပါလာပြီးသားပဲမဟုတ်လား ။

" အဟမ်း ! "

အိပ်ပျော်နေတဲ့သူရဲ့အသားကိုမထိချင်လောက်တဲ့အထိဖြစ်နေတာမို့ တို့ပြီးလည်းမနိူးချင် ။ ဒါကြောင့် ကားဂိတ်မရောက်သေးခင် ချောင်းဟန့်သံပေးလိုက်တော့ အိပ်မှုန်စုတ်ဖွားပုံစံဖြင့် အိပ်တစ်ဝက်နိုးတစ်ဝက် မျက်လုံးဖွင့်ကြည့်လာသည် ။