မြွေသားရဲ၏ဇနီးသည် 【MM Translation】

(24)

"ဟန်ယွီ ပင်လယ်အခွံမာလေးတွေသယ်သွားဦး။ ပိုများလေကောင်းလေပဲ။ အဲ့ထဲကိုသဲတွေမထည့်ဖို့လည်း သတိရနော်"

ရှုဟန်ယွီသည် မျက်ခုံးပင့်ကာသဘောတူလိုက်ပြီး ဂူထဲမှမထွက်မီ ရှုကျင်ထျန်းကို အပြင်မထွက်သင့်ကြောင်း သတိပေးခဲ့သေးသည်။

ရှုကျင်ထျန်းသည် လှည့်ပတ်ပြေးရန် အဘယ်မှာအင်အားရှိလိမ့်မည်နည်း။ ယခုအချိန်တွင် သူသည်မခံမရပ်နိုင်လောက်အောင် မောဟိုက်နေပြီး ငရဲကျနေသကဲ့သို့ ပူလောင်မူးဝေနေ၏။ သူမျက်လုံးတောင်မဖွင့်နိုင်တော့ဘူး။ သူ့တင်ပါးမှာ ရောင်ရမ်းနေတဲ့နာကျင်မှုကိုလည်း ဂရုမစိုက်နိုင်တော့ဘူး။

ရှုဟန်ယွီထွက်ခွာသွားပြီးနောက် ရှုကျင်ထျန်းက အိပ်ချင်လာပြန်သည်။ မြက်ခင်းပြင်ပေါ်တွင်ကွေးကွေးလေးလှဲနေပြီး မကြာမီပင် လျင်မြန်စွာအိပ်ပျော်သွားတော့သည်။

ရှုဟန်ယွီသည် ရှုကျင်ထျန်းကို တွေ့သောနေရာကိုရောက်သည်နှင့် ပထမဆုံးဆားအပြည့်ပါသောပင်လယ်ငါးခွံကိုယူကာ လေထဲတွင်အနံ့ခံ၍ ရှုကျင်ထျန်းပြောခဲ့သော မီးပုံကိုရှာလိုက်သည်။ အစားအစာအားလုံးကိုခွဲခြားရန် သူ၏လျှာကိုထုတ်လိုက်ပြီးနောက် သူသည်ရှာဖွေရန်တောထဲသို့ ၀င်လာခဲ့သည်။

ရှုကျင်ထျန်းပြောလိုက်တဲ့ကန်စွန်းဥက ဘာအနံ့ရှိမှန်းမသိပေမယ့်လည်း မြေပြင်ပေါ်မှာရှိတဲ့ ထိုအပင်များနှင့်အရွက်များကိုသူသိသည်။ ရှုဟန်ယွီက ဘယ်အမျိုးအစားမှန်းမသိတာကြောင့် ပြန်ယူဖို့အကုန်းလုံးကိုရှာဖို့ဆုံးဖြတ်လိုက်သည်။ အရင်ကစားဖူးတဲ့အရာတစ်ခုအတွက်နဲ့တော့ ပြဿနာမဖြစ်သင့်ဘူးလေ။
(TN:သူမှားယူသွားရင် ပြဿနာဖြစ်မှာစိုးရိမ်တယ်လို့ ပြောတာထင်ပါတယ်)

ရှုဟန်ယွီသည် သူ၏မွေးရာပါမှတ်ဥာဏ်ကိုအမှီပြု၍ရှာဖွေခဲ့ရာ မကြာမီအပင်အားလုံးတွေ့ခဲ့ရသည်။ ရှုကျင်ထျန်းက ကန်စွန်းဥသည်အသီးတစ်မျိုးနှင့်တူကြောင်းပြောထားသောကြောင့် ရှုဟန်ယွီက သူရှာဖွေသည့်အခါ အသီးများရှိမရှိအထူးဂရုပြုခဲ့သည်။

ရှုဟန်ယွီ၏ဂရုတစိုက်ရှာဖွေမှုအောက်တွင် ခရမ်းရောင်အသီးအမြောက်အမြားကို တူးဖော်တွေ့ရှိစေခဲ့သည်။ အသီးကမပျော့ဘဲ မာကြောသည်။ အပင်အားလုံးကို ရှာတွေ့ပြီးနောက် ရှုဟန်ယွီသည် ၎င်းတို့အားလုံးက အရွက်များနှင့် အသီးများဖြစ်ကြောင်း သိရှိလိုက်ရသည်။