‎امــرأة الرجـــل الشــــرقي (باللـــهجـة الجـــزائريـــة)

24

           امراة الرجل الشرقي ❤️24

لينا: رشااااااااااااااا
رشا : تاكلي راس دين باباك واش بيك تسوغي
لينا : باتمان
رشا: واش بيه ماتقوليليش لبس اللون الابيض ماتخلعينيش
لينا : زمر ننن
رشا : وشن مالا
لينا : ربيع هادا يجي يخطب
رشا: هادا غلب بوطي تع السريع يا بابا
لينا : بارح نتفت هاديك حمارة ورديتها لوحة فنية لا تقدر بثمن
رشا : واش قال باتمان
لينا : واش بغيتيه يقول والو جيست رمالي بومبة تع خطبة لا قالك يفتح ثاني
رشا : يويويويويويويويويو ماني خطبو بنت بنتك
ماني : شكون
رشا : واحد بوڤوص ا ماني لالجيري تحريقيها على جالو
ماني : نحرقها على راس باباك هاداك سوكارجي
رشا : غير بابا اللي جاك على عين عورة ماني
ماني : لينا شكون هادا
لينا : واحد ماني قالك نخطب ونفتح
ماني: يجي لهنا قبل
لينا : هيه ربيع يجي لدزاير
ماني: ياك ماشي يهودي
لينا : هههههههههه لا ماني من دزاير
رشا : لوكان خير يهودي
لينا : اديه نتي ولا احممممم
رشا: ايه احمم احممم البقرة
لينا : انا نروح نرقد
رشا : مغرود
لينا : سلمي على نسيبي
رشا : يبلغ

الياس: اددددم اددددم
ادم: واش كاين تاكل راسك
الياس: ماشي بنين ذقتو ديجا ماعجبنينش وو ماكاين والو
ادم : مالا عياط ذاك
الياس: نمرن في احبالي  الصوتية ومالقيت غير اسمك هههههههههههه
ادم قعد من جيهة ثانية : ربيع هادا نخطب او نفتح
الياس: اللهم ان كان سحراً ابطله ماتقوليش بهاديك رتيلا ميتة
ادم : نن لينا
الياس: مانعرفش نزغرت دوماج ، ناض عنق ادم ... كلشي مبروك
ادم : يسلمك
الياس: صافي جيب عليا ضرة ماشي هاكدا تفاهمنا هئ هئ هئ
ادم : او بدا هبال تاعو
الياس: هههههههههههه
ادم : ههههههههه
الياس ناض الكوزينة : انا نطيب اليوم
ادم تبعو: والله ماتصرا باش تحرقلي كوزينتي
الياس: راك كي هاديك تع سميرة تيڤي ههههههه
كملو يقسررو حتى كل واحد طلع يرقد

نهار جديد مطر برد كي العادة ادم والياس كل واحد لخدمتو رانيا اللي ولات لدزاير اما لينا كي العادة راقدة فيقها جيست تيليفون .. مدت يدها رفداتو
لينا : ههههممم وي
ادم : راهي 11مازالك راقدة
لينا : عيطتلي باش تقلقني رقاد ماشي حرام
ادم : نوضي نوضي ناس ناضو خدمو نتي مازالت راقدة
لينا : داين نضت اسامط نضت
ادم : ايا صاحا باي كوپالها
لينا : نوضني باش يكوپبلي ماعليش... ناضت غسلت وجهها سقمت شمبرا تاعهاراحت الكوزينة لقات يماها طيب .... صباح الخير
صليحة : لوكان زدتي شوية حاسبك ربي
لينا تثاوب: والله ادم اللي نوضني سينون مازالني
صليحة : معاه تنوضي يالكلبه بنت الكلب
لينا : تزوجتي هاداك كلب ههههههههه حقا نقولك حاجة
صليحة : وشن
لينا : ربيع هادا نحبطو لدزاير
صليحة : علاه
لينا : ادم يجي يخطب قالي نخطبك من داركم فدزاير ويفتح ثاني
صليحة : يويويويويويويوو
لينا : لا زغاريت لاه مازال ثلث شهور
صليحة : المهم حط اليد
لينا : حط الزمر بالاك غدوة يبدل رايو
صليحة : بففففف نوضي منا نوضي

رانيا اللي ملي وصلت هيا تبكي غلقت على شمبرتها يماها تحاول فيها تفتح حتى فتحت
خديجة : واش بيها پوپيا تاعي
رانيا : هئ هئ هئ ادم عندو وحدة قالي غير هيا اللي ندي
خديجة : نهدر معا مانك اسكتي دك ماتبكيش بنت عمتو احق بمنصب زوجة الحمداني على وحدة برانيا هيا نوضي روحو لعندها

حورية كانت قاعدة فالصالون مع كوثر وريتاج اللي كوثر من صبح هيا تمسخر في حورية
كوثر : حوحو زوجيني
حورية : بسم الله الرحمن الرحيم
كوثر : شفتي جن
حورية : قولي برك شكون هادا اااي راح يقبل بيك
كوثر : ماني زوجيني الياس بوڤوص والله لا بقلاوة معسلة بعسل حر
ريتاج : روحي قوليلو
كوثر : هه لالا انا استحي هههههههههههههههههه
حورية : حقا ربيع هادا وليد عمك راح يخطب او يفتح حمد الله ياربي
ريتاج : ماني ادم.. ماتقوليليش
كوثر : من لينا ياك ...يويويويويويويويويو.. صونات باب
حورية : نوضي حلي باب راسي وجعني منك
كوثر : ماني يقولو الحجرة من عند حبيب تفاحة نورمال ... فتحت لقات رانيا خديجة
كوثر : اوووو عمتو جيتي... ماني جات بنتك
حورية : عسلامتها شافت في رانيا عينيها منفخين من بكا
واش نتي باينة تعصري في عينيك واش بيه وجهك زرق
خديجة : هاد هاديك سوڤاج تع اللي زعما خيرها وليد وليدك
حورية : لينا
كوثر : اوااه طفلة هادي خطيرة
ريتاج : علاه
كوثر : ماحكيتلكش خطرة اللي فاتت كي جات هيا جات مام سارة اللي بغات تاكل ادم بعينيها ايا لينا ناضت ليها رشتها بقهوة هههههههههههههههه زادتها لهاد رتيلا ميتة
ريتاج : اايه هوما شكون قالهم دورو بيه غزاتلهم دارت لعمتها تسمعها واش تهدر
خديجة : انا برك كي نشوفها نوريلها كيفاه ترفد يدها على بنتي ... وانتي قبلتي يجيب وحدة كيما هاديك لعائلة الحمداني
حورية : هو خيرها ماشي انا بسك ماشي انا اللي راح نعيش معاها هو علاه نخيرلو ماراهش طفل صغير يعرف صلاحو وصلاح لڤاه مع هاديك طفلة خلاصت الحكاية
خديجة : صافي يخلي بنتي ويدي هاديك
حورية : علاه واش فيها بنتك ... قلبها من الذهب ولا كليتها من الالماس ونعاود الكلام هو اللي خيرها بغاها داها واصلاً شكون قالك بلي راح نقبل بنتك تدي وليدي
خديجة : يديها بسك هيا احق بمنصب الزوجة لعائلة الحمداني ماشي جي وحدة من برا تدي مكان هادا
حورية : خديييجة... ماعندك اي حق تديسيدي في حياة ادم ولا تسي تفرضي رأيك عليه وعلينا ... ديجا منين تعرفي ادم نتي نهار كي كان وحدو كامل دورتو وجهكم عليه دك جاية تعرفي ادم سكتلك بزاف بصح خلاص
خديجة : صاحا يما صاحا
حورية : Discorso finito, puoi andare a trovare un uomo adatto a tua figlia
(خلاص الكلام ، تقدري تروحي تشوفي راجل يليق لبنتك )
خرجت خديجة من تم تغلي
كوثر : اووووووه ماني تهدري طلياني ماحلبتينيش
حورية : علابالك بلي عشت 14سنة تم
كوثر : نشاء الله نتزوج بإلياس نروح نعيش تم
حورية : احلمي تم
كوثر : تحبطو مورال بففف دارت تيليڤيزيون اكمل مسلسل مع حورية وريتاج