‎امــرأة الرجـــل الشــــرقي (باللـــهجـة الجـــزائريـــة)

03

            امرأة الرجل الشرقي ❤️3

نفس روتين لحقت 17 خرجنا كي العادة بعدت عليهم نمشي وحدي حابة نبكي بصح ماشي قدامهم منحب حتى واحد يشوف ضعفي ولا دموعي مهما كان الامر ، كنا نمشوا بون حنا ربع بنات وطفل واحد انا كبيرة فيهم كامل صراحة نحس روحي مع ذراري صغار تقول جامي خرجوا يشوفوا شجرة يخلعوا كامل عاد نتنيرفا علابيها نحب نقعد وحدي هوما كامل قدام انا لور وصلنا للجحيم مرة ثانية مي وش ندير معنديش حل طلعنا كيف فتحوا باب رحت ديريكت شومبر تاعي الي مشاركيتها مع وحدة رحت طاقة قعدت نبكي حتى نشوف راجل يشوف فيا ماشي حق كامل نقول عليه الزين برك حتى نشوف فيه يقولي ماتبكيش واستناي مافهمتش رحت تكسلت ونحيتوا من راسي شكون هو باش يقولي هاكا يعرفني لالا بصح شباب بففف

ادم بوف
تبعتهم حتى دخلوا كامل وقعدت نحوس وين نقدر نشوفها دخلت لهاداك بارك صغير تع ذراري صغار باش نقدر نشوف طواقي اللي من فوق حتى نشوفها واقفا فالطاقة تبكي تم عرفت بلي ماهيش مليحة والمشكل هو انا وش دخلني علاه كلاني قلبي شفت فيها وشافتني قلبي ضرب قلتلها ماتبكيش خزرت فيا كيما تع شكون نتا ابري راحت

- ادم:شفتها قلبي ضرب لالا واقيل اعجاب برك، هاديك قطة خلات قلبي يهيج اللي حتى ***
ماخلاتوا يشوف فيها لازم نشوف كيفاه نشوفها

خرج تيليفون يعيط لصاحبو اللي عندو مكانة عالية بالتخصص تع سبيطار هاداك وراح يولي لطونوبيل تاعوا ويهدر
(بالايطالية)
- ادم: الو
- ألكس: كيفاش اصاحبي هادي مدة
- ادم: حمد الله وانت
- الكس: ايا بيان، كي عيطتلي صافي حاجة خاصة
- ادم: شفت كي تعرفلها ،اسمع بغيت نعرف اسم طفلة وعلاش كاينة تم مانعرفش اسمها مي دبر رايك
- الكس: وين
- ادم: سبيطار خاص بيدياتر اللي جاي من جيهة تحت
- الكس: اصبر تشوف نرفد دوسيات كوبي ودوك نعاولدلك
- ادم:ايا صاحا

كوبا وركب فطونوبيل وديمارا ويخمم في لينا اللي مايعرف حتى حاجة عليها وعجباتو قعد يخمم حتى صونا تيلفون رفد

- ادم:وش كاش ما لقيت
- الكس:كاين سبع حالات ست بنات وطفل 
- ادم: قولي اسمهم والعمر
- الكس: اصبر نتا جزائري وكاينة وحدة جزائرية ايطالية
- ادم:اسمها وقولي حالة تاعها
- الكس: دوك نبعتهملك فالايميل تاعك وامبريميهم صاحا
- ادم:ايا صحا

برك كمل خبط تليفون بالزعاف 15 دقيقة وصل لدارو دخل راح شومبر تاعو دوش بالماء بارد كي العادة باش ينحي العيا ويطفي نار اللي لهبت داخل قلبوا
كمل دوش خرج وفوطة على وصتوا بدل ابري راح ديريكت لبيسي تاعوا باش يخرج الوراق اللي بعثهوملوا الكس
قبل ما يفتحوا رفد كاس عمر فيه ويسكي 🥃 وقعد فالكرسي خاص تاعوا وبدا يقرى
_____
لينا 18 سنة قريب 19 ،
الحالة : الاعتزال
جنسية :ايطالية جزائرية
المدة المقيمة بإيطالية:3 سنوات

- ادم: وش فيها اذا ماتخرجتش من دار ماتحبش ماتحبش لازم تحب رب بني البشر بسيف يخرجوها بسيف النظام الاوروبي مقود كي ماتحبش تخرج يقولو مريضة نفسياً ماعلابالهومش بالعقلية تاع جزاير

رما الوراق مغشش رفد تيليفون باش يشوف كيفاه يشوفها بسك لوكان مايشوفهاش يهدم هاداك سبيطار على راسهم ادم اذا بغا حاجة يسعاها من سما ولا من الارض

- ادم: الو
- كمال :وش زين توحشتني
- ادم:بدينا تمنيك تاعك نتا ثاني اذا ماشي الياس نتا ماشي وقتوا شوف كيفاه تديلي رونديفو نشوف واحد عبد راه فسبيطار تع بيدياتر اللي جاي من جيهة تحت
- كمال:بلعقل اصحابي اووو ، شكون عبد هادا ماتقوليش كاش وحدة
- ادم:وعلاه راك تحوس دير شغلك ماتغششنيش
- كمال:خخخخخخخ صحا صحا دوك نشوف ماتكوبيش
- ادم:مادابيك لغدوة
- كمال:زيد شرط زيد ،بون غيرغدوة على11:00 تساعدك
- ادم:دين ر* لالا ماتساعدنيش
كمال: اصبر امصيبة حياتي اصبر كاين غدوة على 15:00
ادم: شفت كي شاطر المهم صاحا
- كمال:نسالك فطور وش حسباتلك باطل
- ادم: كي نشوفك نوريلك فطور كيفاه داير

كوبا في وجهوا ويسي يصبر في روحوا حتى غدوة
.......

وين نخبي وجهي وين 😹😹 انا هاد كرو راني نحط فيها ونكتب فيها جيست نفوت وقت بصح اذا عجباتكم بالاك نعاود نكتب ☺️😉