‎امــرأة الرجـــل الشــــرقي (باللـــهجـة الجـــزائريـــة)

14

           امراة الرجل الشرقي ❤️14

‎لينا: بوڤ
‎بعد ما دخلت لدار لقيت رشا تستناني قدام باب واقفة كي شمعة تع مولود
‎رشا : مرحبا مرحبا عجباتك الجزاير ... كيفاه ماتعجبكش او باتمان اللي داك اااه
‎لينا : بلعي بغيتي تسمع ماني و الله مانخرجو غدوة مانشريلكش
‎رشا : انااااا موكتا هدرت والله مانطقت تعرفيني
‎لينا : ههههه ادخلي ادخلي
‎رشا: قولي وين داك
‎لينا : داني للخلى .. من نيتك رشا وين بغيتي يديني يرحم باباك
‎رشا : علابالي وين داااااك .... اللهم الجنة ورجلاًمثل باتمان تاعها
‎لينا : هههههههه بدلت حوايجها ...وين ابهرينا بعقلك الصغير
‎رشا : داك ريستو كنت علابالي ....واش كليتي وراه حقي
‎لينا : جابلي لاكريم بصح ماكليتهاش خليتها فوق طابلة زعفت نضت خرجت
‎رشا : ضربتها حمارة ماخممتيش فيا
‎لينا : بلعي دك نبعث عصام يجيبلك باطة كبيرة
‎رشا: هكذا نحبك
‎لينا : كلبة بون ابري شرالي شيبس شيكولا ما و وليت
‎رشا: ايييه زهرر ماشي كيما انا نعيطلو يكوبيلي
‎لينا : هشام نورمال
‎رشا: بففف احقا مازالش بزاف يجو كامل
‎لينا : شكون
‎رشا : عائلة الكريمة
‎ عايلة لينا من جيهة الام كبيرة شوية

‎خالتها كبيرة خديجة
‎أوس 26سنة
‎بسمة23
‎امير 20

‎خالتها نورة
‎توأم قمرةوشمس 18 سنة

‎خالتها حياة
‎رشا : 20سنة

‎ خالتها مروة
‎سيف 21سنة

‎خالها عبد الله
‎عصام 15 سنة
‎ايوب 17سنة

‎خالها بدر الدين
‎امال 14 سنة
‎ايناس 10
‎حسام 5

‎رشا: جاو مي شكون ناضت تطل لقات خالها بدر الدين ولادو وخالتها مروة مع سيف ، بابابابا وليد خالتو ولا شباب اروحي تشوفي لوكان شفت هاكدا نخلي هاداك بهلول اللي عندي ونشوف وليد خالتي لعزيزة علابالي تحطني فوق راسها الحق يقال
‎لينا : ماتسكتيش ياك والله اذا مادرتلكش فوكال وانتي تهدري وبعثتو لبهلول تاعك تشوفي
‎رشا: ماتدريهاش je sais
‎لينا : تشوفي
‎رشا : ديجا وين راهي باطة تع لاكريم تاعي حسباتلك ننسا
‎لينا : ربي عطالنا عملاق فالدار ناضت تعيط لعصام ، عصام ارواح وليد خالي لعزيز كي بلانا ربي وحدة كيما رشا هاك شري باطة تع لكريم كبيرة ارجا.... وا رشا واش بغيتي ڤو
‎رشا: شيكولة الحب
‎لينا : جيبها شوكو وشري ليك واش بغيت وااش بغيت سمعت
‎عصام : صاحا
‎لينا : اسمع اذا راك مشغول دك ماعليش موكتا فرغت شريها هيا ماراحش تاكلها دك
‎عصام: ايه علابالي هاديك على كرشها تخلي عرشها
‎لينا : ههههههههه والله
‎ولات لشومبرة لقات رشا تسقم في روحها
‎لينا : جايين يخطبوك
‎رشا : نن انا رايحة نخطب ههههههههههه
‎لينا : حمارة خرجو كيف كيف راحت لينا تسلم على خالها وخالتها بدون نسيان ولادهم لينا حشمت تسلم على سيف مي لازم زادت جات خالتهم خديجة مع بسمة وامير و اوس حتى يكمل خدمة ويجي
‎رشا : لوكان تشوفي اووس تخلي باتمان تاعك هاداك خفاش لكبير بوقوس والله
‎لينا : خلي باتمان طرونكيل
‎رشا : مام امير شباب دوماج صغير هههههه
‎لينا : شكون او يطبطب
‎رشا : ماما معا خالو عبد الله ناضت تحل
‎حتى جا عندها حسام وليد خالها (بدر الدين ) سلم عليها
‎حسام : خالتو جامي ثفتك
‎لينا : رفداتو حطاتو في حجرها روح خالتو بسك ماكنتش هنا وراني جيت
‎ادم : تعاودي تلوحي
‎لينا : هيه
‎حسام : بابا بابا قولها لخالتو ماتلوحش ثابة
‎لينا : هههههههههه نتا شباب مشاء الله ، الله يخليهملك خالو
‎بدر الدين : نشاء الله ابنتي
‎طبطب باب وكل مشغول حطت ادم ناضت تفتح لقات راجل وسييييم حدًا بصح ماشي لباتمان (ادم )
‎اوس: اوووووو باربي تع دار جات
‎لينا : اوس ناضت عنقاتو
‎اوس : الله يبارك سلم عليها كبرتي بارح كونتي صغيرة
‎لينا : حشمت ،صح مام نتا وايت راجل باقي برك عروسة
‎اوس : شوفيلنا وحدة ايهي هههههههه
‎دخل سلم على دار كامل لحق وقت عشا تعشاو كاين اللي باتو كيما بنات خديجة مروة حياة اما رجال راحو
‎ناضت رشا للشمبرة معا لينا يقسرو يسمعو طبطيب ناضت حلت رشا لقاته عصام في يدو صاشي
‎عصام : شدي الكريم تاعك شدي
‎رشا : صحا رجلة تاعنا ياك شوكو
‎عصام : لالا ڤاني هاكي صرف مديه للينا
‎رشا : خليهم عندك ماعندها مادير بيهم صحا صوصو صحا
‎عصام: دار رايح شحال من قتلك على الاسم هادا
‎رشا: هوالي
‎رشا دخلت او هيا تضحك او يصوني تيليفون بهلول تاعها يعيط رقدت تيليفون طلعت للسطح قعدت لينا وحدها جات تحط عينها ترقد صونا مام هيا ريبونادت بلا ماتشوف
‎لينا : الو
‎ادم : سافا
‎لينا : ادم .... سافا و نتا
‎ادم : حمد الله حمد الله
‎لينا : جداك راهي مليحة
‎ادم : راهي مليحة
‎لينا : همممم
‎ادم : كليتي لسانك
‎لينا : ههه نن جيست اااا ... كي يلحق ليل مانعرفش نهدر فتيليفون
‎ادم : واش راكي ديري
‎لينا : ماشي بزاف ملي راحو لافامي وكملنا شغل كل واحد دخل فراشو
‎ادم : شحال كاين نتوما كبار ولاد خوال
‎لينا : اصغر واحد عندو 5 سنين و كبير عندو 26
‎ادم : سافي كاين دراري بزاف
‎لينا : وي ماشي مقربة منهم بزاف من بعيد برك كي كنت صغيرة كنت مقربة منهم مي ابري سيبون من غير الكبير قريبة ليه
‎ادم : بهمس خير هاكاك ومزوج
‎لينا : سمعاتو واش قلت دارت روحها ماسمعتش ... نن
‎ادم : همممم معامن راكي
‎لينا : وحدي بنت خالتي تهدر معا بهلول تاعها فالسطح
‎ادم : طلي
‎لينا : فتحت عينها نن مايكونش جا لهنا خرجت طلت لقاتو متكي على طونوبيل لابس كامل كحل وقالت هو يسمع نسات روحها
‎لينا : ماكذبتش رشا كي قالت باتمان
‎ادم : باتمان ياك
‎لينا : فاقت على روحها .... ااااااا باتمان مليح والله نحبو انا اوف بغيت نقصد
‎ادم : داين فهمت
‎لينا : شافت فيه وحلت في راسها تدير مغامرة علاش دك ماتحبطش و تروح معاه تحويسة في ألجي مزال حال راهي جيست 10:30 تع ليل ، اصبر راني جاية
‎دخلت تجري زادت برك جيلي على روبة تع دار اللي لابسة وكلاكيت طلعت عند رشا
‎لينا : راني خارجة مانعطلش
‎رشا : وين .... راااه ليل سيور مع باتمان هاداك يخرج غير فالليل ماقدرتيش جيبي سوبرمان مثلا ً
‎لينا : نبغي باتمان قالتها او هيا تحبط دروج خرجت لعندو ركبت
‎لينا : يالله
‎هيا قاتلو هاكاك ديمارا سرررررعة
‎دورها كامل تحويسة وعليها كلام ( ماشي كيما حنا شكون يجي يخرجني يعمل مزيا هههههههه)
‎ ردها حتى باب دار
‎ادم : بصحتك
‎لينا : كانت تنحي سنتورا تع طونوبيل لوكان ماشي نتا شكون يخرجني نعيط لأوس يخرجني ولا امير ههههههه
‎يقولك مثل زوج وثالث شيطان
‎ادم : يهدر في روحو قالت يجي راجل يخرجها موكتا نص فليل دار لعندها
‎هيا شافتو ساكت دارت لعندو لقاتو يخزرلها هاديك تع واش راني رايح ندير فيك دك وفاقت ثاني اللي قالتو حاجة تاع خوف خافت الحق يقال
‎ادم : اطلعي لدار بسك راني خاف نغلط معاك روحي
‎لينا : ادم
‎ادم : هيا لينا باسها من جبهتها تصبحي بخير
‎لينا : تصبح بخير وخرجت ، سلكت شعرة من عجين
‎دخلت لقاتهم كامل راقدين مام رشا دخلت مام هيا ترقد

‎صبااااااااح جديد في بلادك ناضت لينا غسلت وجهها
‎شربت قهوة مع دار طواقي مفتوحين داخلة نسمة تع صبح (ماكاش كيما جو هادا والله ) يوم عندها پلان معا رشا يخرجو يشرو كل وحدة ناضت ندير حاجة هادي تخمل هادي تغسل هادي تسيق لحق وقت فطور ماني هيا اللي طيبت دارتلنا طاجين زيتون نقولك حاجة نحب تع ماني كثر من تع ماما هششش بالاكو تقولولها ههههههه ومسكينة رشا هيا غسلت ماعن فطور
‎بصح انا غسلت تع قهوة بدلنا خرجنا
‎ درنا فسونتر كوميرسيال ولينا حنا قدامنا كاين حوانت كي رحنا تم رشا ماقعدش حانوت مادخلتش كي خرجنا شفت الماضي اسود تاعي فففف عادل ، همممم عادل يكون وليد حومتي زطايلي او بنفس وقت كان صاحبي ماعلاباليش واش كان بيا نهار خرجت معاه بالاك انا اللي كنت نزطل ماشي هو مهم نهاية كانت ماشي مليحة بيناتنا ماكنتش مستنيا نشوفو دقيقة هادي صونا تيليفون ادم
‎لينا : وي ادم
‎ادم : وين راكي
‎لينا :راني برا نشري
‎ادم : راكي وحدك لينااا ؟
‎لينا : ننن مع رشا
‎ادم : وين
‎لينا : فالحكومة بصح من جيهة فوق
‎ادم : راني جاي كوبالها في وجها
‎لينا : راه جاي ادم
‎رشا : باتماااان خرج فالنهار معجزة
‎لينا : ماتبهدلينش
‎رشا : قاتلك ماتبهدلينيش هههههه انا ندي سلعتي ونروح للدار
‎لينا : اووي نكارة خير
‎رشا : شوفي شوفي اوووووو بقلاوة
‎لينا: شافت فيها
‎رشا : لا شراك مسكر ... لا عريان اووووف والو والو
‎لينا : هههههههههههههه
‎رشا : مهم انا نروح باي لعقوبة لدرية الصالحة نشاء الله
‎لينا : حمارة ، وراحت لعندو سلمت عليه ساڤا راك شباب يوم وين كنت بيها ( كان كلاسيك نوار بلا فيستا قفالي زوج مفتوحين سلسة تع فضة في رقبو يدو خاتم كان جيست برفكت )
‎ادم : خدمة
‎لينا : مام هنا خدمة هههههه
‎ادم : واش جيتي ديري هنا همم كامل رجال هنا
‎لينا : علاه حومت باباهم جيت نشري مع رشا خرجنا ندورو ماشي جيت باش نقعد فالدار نتا عيطت ورشا راحت
‎ادم : هيا ندورو مالا شدها من يدها ودخلو حانوت
‎كل وقت هادا و عادل يشوف ماعجبوش حال ادم فاقلو
‎كي خرجو سقساها
‎ادم : شكون هاداك اللي راه مابغاش يحشم ينحي عينيه
‎لينا : بنيتها شافت في عادل وشافت في ادم ،mon
‎‏ex copain امممم خطيك منو نروحوا ماعليش

‎ادم : داها لطونوبيل دك نولي راح شرا دخان ملي دخل دزاير ولا پاكي مور پاكي ولا عندها ديمارا وشاف لقا هاداك يشوفوهم من بعيد
‎عادل : هاكدا يا لينا ماعليش ليام بيناتنا .......

•
•
•
•
اليوم هداني ربي وكتبت حلقة طويييييلة نسربلكم رقم ههههههههه22 حلقة طويلة والله عينيا راهم ينغلقو 😂 تصبحو بخير 💕🍫