‎امــرأة الرجـــل الشــــرقي (باللـــهجـة الجـــزائريـــة)

16

           امراة الرجل الشرقي ❤️16

طلعت شمس وكي عادة نفس روتين قهوة شغل فطور .... صونا تيليفون تع لينا ولا يصوني ههههههه علاجال باتمان بسك علابالها لوكان ماتردش يطلع ليها للدار هههه الخوف يجري شيوخا هيا كانت تغسل ماعن رغوة في يدها شعرها طوماطيشة مكورة روبة تع دار كلاكيطة رفدت عليه
لينا : عسلامة السكر بلا ما
ادم :  كي راكي
لينا : همم الحمد الله  
رشا : لينااااا كملتي
لينا : درك نكمل
ادم : واش راكي ديري
لينا : نغسل فالماعن روح روح ابري عاود
ادم : مهم يوم تروحي معايا تشوفي ماني
لينا : بأي صفة
ادم : ........
لينا : كي نكمل شغل نلبس صاحا
ادم : صاحا كوبا
لينا : حطت يدها على قلبها يمه خلعني علابالي دار وحدة من نظرات هادوك انا خاطيني مشاكل كملت واش كان في يدها
رشا : معامن كنتي تهدري
لينا : ياااا يمه زيدي عليا نتي ....ادم عيطلي
رشا : باتمان نسيبي العزيز واش قالك
لينا : يديني نشوف جداتو اللي رباتو بصح علاه
رشا : مي نتي حمارة والله سيد باين طايح فيك نتي في بالك علاه يديك تشوفي جداتو
لينا : بلعي نروح نلبس ثاني يجي يلاقي ماشي واحدة ..... بصح واش نلبس
رشا: اللي جا في راسك
لينا : بصح ماجا والو في راسي
رشا : والله لوكان نجي ليك ا الينا
لينا : خفت علابالك ههههههههههههه
لبست  جين بلو شوميز بلو سيال طويلة من لور شوية ماكياج اول مرة لينا تلبس طالون ماشي طويل مي مهم لبساتو ههههه شعرها ربطاتو دخلت عليها رشا
رشا : بابابابابابا راكي زلة اذا كاش ماصرى في برا مع باتمان تاعك دبري راسك
لينا : ههههههههه اسمعي نروح نشري كاش باتيسري من جيهة فوق عيب ندخل يدي فارغة
رشا : ماتنسايش قازوز بلا بيه ماتفوتتش اييه او حقي تاع باتيسري
لينا : ماكاشه عصام سينن يجي معايا عشية نجيبلك صاحا باستها من خدها
رشا : بالاكي تنساي
لينا : ايه ماننساش  علا كرشك تخلي عرشك

طلعت جيهة فوق باش تشري كي خرجت من باتيسري عيطلها ادم اللي قاتلو وين راهي وراه يغلي علابالو تم كاين عادل وصح كان تم اللي ملي شافها وزيد وحدها دار شوية كوراج قدم لعندها
عادل : سافا لينا
لينا : تشوكات مي ردت عليه حمد الله وانت
عادل : حمد الله وليتي زلة دراهم بدلوك
لينا : هممم الله يسجي الجنسية
عادل : الجنسية ولا هاداك اللي معاك
لينا : شافت فيه فهمت يمعني على ادم ..... اللي جاتك قريبة على قلبك افهما
عادل : وليتي تهدري شوف كونتي حرف ماترديهش
لينا : واش تحب
عادل : تشفي كي ك.....
لينا : عادل كنا يعني هاد 6 سنين اللي فاتو ولا نقولك واقيل انا اللي كنت نزطل ماشي نتا بسك قبلت نخرج معاك
عادل : شدها من يدها علاه انا واش بيا ماشي ااااااه كيما هاداك قارد اللي عندك زير على يدها جا يكمل حتى شكون شدو من تريكو من لور دورو لعندو
ادم : قارد تاعها راح قدامك اهدر معاه قابلني انا
عادل : عاود شاف فيها وليتي جيبي رجال ي....
ادم : عاود دورو شاف فيها روحي ركبي
هيا مازادتش راحت ديريكت
ادم :دار ليه ايه واش كنت بغيت تقول مقبل ما عادل يهدر ادم عطاه زادلو وحدة ...مازال مازاد وليد مرا اللي يحط يدو عليها نزيد نشوفك حطيت عينك عليها برك تشوف ادم حمداني واش يدير  دار ولا طونوبيل ركب شاف فيها ديمارا بلا مايهدر  وصلو هيا حبطت اللولة رفدت باطة تع قاتو
ادم : هادي علاه جايبتها يرحم باباك
لينا : او ندخل يدي فارغين عيب اخدعتي
ادم : جا يوز عليها شاف حوايجها حتى درك باش شافها مليح ....خرجتي  هاكدا
لينا : مالا كيفاه
ادم : ماكيفاهش ابري نتفاهمو مازال تع بارح امي برك
لينا : بصصصح....
ادم : ابري درك امشي
لينا تمتمت: سامط
ادم : سمعتك
دخلت حورية هيا اللي فتحت لهم الباب كوثر كانت تما هيا اللي شدت باطة على لينا حورية ماللي دخلت لينا او هيا تشوف في ادم كيفها يشوف فيها تهدر معاها
حورية : ايهي ماقتليش شكون هادي
ادم : غمزها مرتي
لينا : شرقتلها بدات تسعل ...
حورية : يا يمااا بغا يقتل طفلة
لينا : مي سافا پا
ادم : نضحك برك الغالية هادي اللي علاجالها دخلت دزاير
حورية : شافت فيه مصدومة شوف ا وليد الكلب انا كي قلت نقولك ادخل ماحبيتش وعلاجال طفلة حبطت
لينا : هههههههههههههههههه خالتي انا والله ماقتلو احبط ماقتلوش أصلاً بلي حبطت حتى غدوة منداك لقيتو قدامي كي شبح ههههههه
حورية : شافت في لينا يعطيك الصحة ابنتي لوكان ماشي  نتي مايحبطش موكتا خطبة ايهي  لينا جات تهدر قطعها ادم : قريب الغالية قريب
كوثر: حطت سنيوا صافي قريب نشوفوك عريس ههههههه عمتي خديجة تندب على نهار اللي زادت فيه ههههههههههههههه
حورية : علاه
كوثر : ماقتلكش ناوية تلقى كيفاه تربط وليد العم مع بنتها ذيك رتيلا الميتة ههههههههه راينا
لينا : ههههههههههههه
حورية : زعما راهي تستنا نمدلها وليدي لبنتها جامي
ادم : علاه انا راني قابل جامي
كوثر : ههههههههههههههه
قطعلهم هدرة باب يصوني ناضت كوثر لقات سارة وحدها كيفاش هادي كوثر قالت في روحها هادي جامي جات تطل على ماني يوم زعما جات نشوفو واش بغات تحيك ثاني اذا ماشي يماها هيا خلاص الصوف زمر
علقت باب تبعتها موراها سلمت على حورية

سارة 27 سنة بنت عمت ادم (بنت خديجة عمتو الكبيرة ) مزوجة عندها طفلة تع عامين مالقري مزوجة وعندها طفلة بصح طمعت في ادم هههههه ولينا ..... لينا عندها حاجة دايمن تخبيها ماتحبش حد يعرف هيا متملكة تجاه شي تحسو تاعها مهما كان .... واي حاجة حباتها تجيبها من سما ولا من الارض سارة راح تخليها تخرج هاد شي

سارة : سافا ماني
حورية : حمد الله وانتي ( في قلبها من موكتا هادي سقسيتو عليا كي نتي كي يماك ولا هادي رتيلا صغيرة )
سارة : حمد الله سافا نتا ادم ...لينا شافت فيها
ادم : الحمدالله سوال عليك
سارة : ايا بيان .....وماعرفتش تحوس شكون هادي لي قادمو وقت كامل اللي كانو فوق طابلة يشربو قهوة يقسرو هيا كان عينيها على ادم لينا وكوثر فاقولها لينا شافت فكوثر اللي دارتها ايه براسها نطقت
لينا : طاطا سارة هيا نطقت شافو فيها كامل
سارة : طاطا ؟؟
لينا :شدت وجه ادم في يدها وقالتها كاشما ضيعتي هنا
حبطي عينيك شوية لقدر
كوثر : ماقدرتش نشد روحها طرطقت من ضحك ماكانش علابالها بلي راح صح تهدر
لينا : علابالنا صح شباب بصح راني هنا
سارة : شافت فيها من فوق تحت علاه شكون نتي
لينا : ادم قولها بسك جنون اللي فيا بغاو ينوضو يسيقو بيها كامل هاد دار اللي علابالي خالتي حورية راح تقولي صاحا نقيتي دار
سارة : تسيقي بيا دار  علاه داركم
لينا : ادم و شافت فيه بواحد خزرة جامي شافها من جيهتها
سارة : واش راح  يدير ادم الاثبات بلي مايهتمش بيك راه ساكت
لينا : لالا راه يستنا واش ندير فيك تم رفدت بقراج تع قهوة فتحاتو رماتو عليها ماهتمتش اذا كان سخون او لا

1 قاعدة :
جامي تستفز ولا تنيرڤي لينا بسك اللي كاين قدامها تضربك بيه الزعاف يسيطر عليها
2قاعدة :
اتبع قاعدة 1
سارة : عيطت ااااااعع
لينا : شافت ف ادم وعاودت دارت لعندها خطرة خرا شدي عينيك عندك ولا .... دارت عند حورية سمحيلي ماكنتش باغية توصل لهنا مي نكره اللي يخلط فحاجتي
كوثر بدات تصفر اقول راهي في سينيما ادم شاف فيها يسي يشوف اذا صح واش صرا درك وعلا واش قالت حاجتها يعني هيا ......

•
•
•
•
توحشتوها علابالي سمحولي كونكسيون راحت و كي ولات ولا ميتة المهم ان شاء الله يعجبكم تع اليوم 💕