‎امــرأة الرجـــل الشــــرقي (باللـــهجـة الجـــزائريـــة)

12

امرأة الرجل الشرقي ❤️12

نهار اخر جاز حطيت راسي على مخدا غمضت عيني جازت تصويرتها قدام عيني حليتهم خزرت للسقف قال في نفسو جات اللي تنحي ظلمة ماض خرج لبالكون شعل قارو قعد فوق كرسي يخزر ف سكا وعقلو بعيد حتى افكر الياس كلب هاداك نساني عيطلو
ادم : الو
الياس: شوفو شكون عيطلي مون غاجلي
ادم : سافا وين راك
الياس: سافا وانت راني فدار
ادم : صافي لوكان ماعيطلكش ماتعيطش يااك اااا سوسو
الياس: سوسو سوسو ايه رانا رجال هنا شبيك حسباتلك اشباه ماميدو
ادم: سوسو
الياس: وي عمري هههههههه
ادم : ههههههههههههه
الياس: قولي كي راهي لينوش
ادم: اسمها لينا وعلاه راك تحوس
الياس: بوه عليك حرام نسقسي
ادم: هممممم
الياس: واقيل صح طحت على راسك ونقولك طيحة تاع كلاب ههههههههه كلاب بصح هادوك الغاليين
ادم : صح طيحة تع كلاب بصح راهي صغيرة عليا
الياس: جامي كان حب مشكلتو عمر ديرها في بالك كاين بنات قدها يحبو اللي عمرهم 60 سنة نتا راك تهدر بلع يرحم باباك
ادم: يعني هنا عندك حق
الياس: او براكا من دخان ونوض فتحلي باب
ادم: وشنو طل من بالكون شافو تحت دارلو الياس باي باي بيدو ، واش جابك
الياس: راجلي قالي ماتعطليش تدخلي للدار ههههههههه
ادم: افتح لباب ادخل ا مصيبة عندك مفتاح نن
الياس: نسيتو صافي كي تنفتح باب دخل قالو ...قريب نشوفك عريس
ادم: قولي خممت في كلام خالتي
الياس : تكسل فوق مطرح علامن
ادم : عروسة
الياس : شاف فيه هاديك تع من نيتك مانزوجتش مازالني صغير
ادم : ڤغغش ماما مازالو صغير قال هاد كلام دخل يدوش
الياس: لالا بغيت نقول على زواج مازالني صغير
ادم : عيط ...ماتبدلش هدرة
الياس: بونوي ندخل نرقد
كي خرج ادم لقى الياس راقد ماعلابالوش قاع بالدنيا
مام هو دخل يرقد

صونا راڤاي على 6:30 ادم ناض مي الياس مد يدو باش يطفيه
ادم : نوض نوض تخدم
الياس: نزيد شويا برك والله
ادم : بروبلام نعرف شوية تاعك نوض
الياس: اووووف
ادم : بغيت خدمة جي ليك
الياس: جيبهالي وعلابالك تفكرت كي جيت ماجبت معايا والو دونك يوم يدبرو راسهم دكتور الياس في اجازة
ادم : دبر راسك كمل لبس خرج كي عادة نفس روتين فالشركة خدمة اجتماع لحقت زوج عيطلها لينا بصح ميساجري عاودلها كيف كيف لحقت ربعة رحت للدار فطريق عاودت لها ماكاش ثاني مازالها راقدة ماشكيتش
فاتت لعيشة وقلق فيني حتى صونا تيليفون نيميرو تع جزاير بالاك الغالية ( جداتو) بدات نيميرو بصح نن
ادم : الو
لينا : ادم ....
ادم : وين راكي يرحم ربك من صبح او انا نعيطلك ميساجري علاه عندك تيليفون نتي فهميني
لينا : ههه كنت فالطيارة
ادم : وين عاودي
لينا : راني فالجزائر ماشي بزاف ملي وصلت للدار بغيت نديرهالك سيربريز
ادم : تمسخري بيا ياك
لينا : نن
ادم : كي نتشاوفو نتفاهمو على هادي عندي خدمة
لينا : اد.... كوبالها في وجها
رمى تيليفون على فراش راحت للدزاير ومقالتليش لا وقاتلك سيربريز دك تشوفي سيربريز عاود شد تيليفونو عيط
ادم : تذكرة للجزائر غدوة وجد طيارة كوبا وخرج راح لدارهم طبطب فتحت لو صليحة
صليحة : ادم عسلامة ادخل
ادم : لا جيست عيطتلي لينا قالتلي بلي راحت للدزاير
صليحة : عيطتلك قالتلك ؟ حسباتلي كنت تعرف
ادم : اعطيلي ادراس وين راهي غدوة ني داخل
صليحة : هيه بصح ادخل قبل دخل معاها راح لصالون قعد جابتلو قهوة
ادم : يعطيك صحة
صليحة : بلا مزيا ا وليدي عطاتلو ادراس باسها من راسها
الله يرضى عليك
ادم : امين خرج ولا لدار وجد فاليزا تاعو دخل للفراش رقد واحد زوج سوايع من قلق عندو سنين مادخلش يوم بين ليلة وضحاها راح يدخل يشوف ثاني جداتو
ناض قبل راڤاي وجد روحو خرج ديريكسون مطار روما
ساعة برك ساعة كان وقت اللي دارو باش وصل كل فات بالخف لحق وقت كان وحدة تع عشية راح ديريكت لدار جداتو طبطب فتحتلو خدامة باب
ادم : وين راهي الغالية
ليندا: راهي فالصالون
حط فاليزا وتقدم راح موراها وعنقها هيا ماعقلتش حتى كي قالها واش راهي الغالية
حورية : ياا يمه خلعتني كي شافت ادم بدات تبكي
ادم : عنقها وعلاش بكى دك ماجيتش باش تبكي
حورية : يا واحد كلب ضرباتو لكتفو هاكدا دير لجداك
ادم : باسها من راسها سمحيلي لغالية قتلك نهار نكون واجد انا ندخل
حورية : شدت وجهو بين يديها كبرت وليت راجل علابالي حميد ونورة (والديه)رضاو عليك كيما انا رضيت عليك
ادم : باسلها يدها هاداك هو صح قعد معاها حطاتلو هيا ياكل لحقت لعشيا
ادم : نخرج لعشيا ونولي
حورية : روح وبالاك على روحك
ادم : ماتقلقيش
خرج وراح لدار جدات لينا فالوقت هادا هيا كانت قاعدة مع رشا وشمس وقمرة حتى صونا تيليفون نيميرو حسباتلها لرشا بسك بيس تاعها
لينا : اسمعي راهوم يعيطو ليك
رشا: نن نيميرو هادا مايعرفو حد من غير ميمي صاحبتي
لينا : مانريبونديش او فرات صونا صونا حبس عاود صونا ناضت راحت شومبرا
لينا : الو
ادم : احبطي
لينا : ادم
ادم : ايه احبطي
لينا : سافا پا وين نحبط
ادم : طلي من بالكون
لينا : خرجت وطلت لقاتو لتحت كي لعادة سروال كحل تيشرت كحل فيستا كوير بابيش يااا يمههه واش راك دير هنا ماشي خليتك تم
ادم : تحبطي ولا نطلع وراس ربي لعزيز
لينا : اوففف واش نقولهم انا زيد ناس علاه ديرلي هاكدا ادم علاه
ادم: نطلع مالا
لينا : لالالالالا صاحا نحبط استنا
عيطت لرشا
لينا : رشااااا رشاااااا
رشا : تاكلي راس باباك واش كاين
لينا : تلبس او تهدر اني خارجة
رشا : نجي
لينا : وين جي وين ادم راه تحت عيطلي قالي احبطي ولا نطلع نحبط خير بسك علابالي يديرها
رشا : باتمان راه هنا قولي والله خرجت تجري بالكون تطل تشوفو
لينا : بهدلتيني ادخلي ادخلي
رشا : بصح سلعة شباب
لينا : هشام ماعيطلكش يوم
رشا : سي مي خدام دونك شافت فيها راني نقسر برك هههه
لينا: شافك
رشا : شافني ايه
لينا : تفو راني خارجة
رشا : ديري بالاك على روحك طلت شافت فيه هو ثاني طلع راسو دارتلو بيدها بالاك عليها ادم هز راسو برك
•
•
•
•
•
كاين 899 كلمة ماتقولوش ماشي طويل نشاء الله يعجبكم برك
الياس/ ادم ؟؟؟
لينا / رشا ؟؟؟