‎امــرأة الرجـــل الشــــرقي (باللـــهجـة الجـــزائريـــة)

11

امرأة الرجل الشرقي ❤️11

سيداتي وسادتي اسعد الله مسائكم بكل خير..تستعد الطائرة للهبوط التدريجي نحو مدرج مطار هواري  بومدين الدولي...

لينا بوڤ
حمد الله وصلت بخير نستنا ناس يجوزو ناس باش نقدر نوض نرفد فاليزا تاعي غاشي بفففف مي مهم وصلت كملت الاجراءات زدت جزت رفدت باڤاج اللي قعد خرجت نحوس على بابا و ماني خالتي هوما اللي يجو يدوني فرحت كي شفتهم وخاصة بابا عام ماشفتوش طرت عنقتو بكا وماقدرتش مانبكيش زدت عنقت ماني وخالتي كي خرجنا فطريق تفكرت ادم وتيليفون غلقتو مانقدرش نشعلو راني معا لافامي نتبهدل لا نخلي حتى عشيا او صايي حتى هدرت معايا خالتي ، علاقتي معا خالتي مفتوحة بزاف يعني حرية كي بنتها

حياة: قولي عجبك حال تم
لينا: بيان سيور راهي روما شبيك
حياة : لعقوبة لينا
لينا : وش دخل اسمي
حياة : قلت لينا
لينا : ايه اسمي علابالي مانعرفوش ول هههه نلعبلها شوية على مورال
حياة : قلت لينا يعني حنا لعقوبة لحنا
لينا : نتي مافهمتيش هدرتك
حياة : زعما ماتفهميش الكلبة ولا بدلاتك طليان
لينا : هممم ماوليتش نفهم عربية
حياة : اوي نعلمهالك من جديد او ....
لينا : لالالالا داين نعرفها مليح او نكتبها او نقراها غير ماتكمليش
حياة :هههههههههههه
لينا : او نتا ا بابا راك مليح
مراد : كي شفتك وراكي قدامي راني كثر من مليح
لينا : والله مام انا ابابا
حطت راسها على كتفو او غمضت عينها فاقت غير على باباها يقول بلي وصلو دخلت للدار سلمت على باقي لينا عندها بنت خالتها رشا مقربة منها بزاف وكبيرة عليها بعام

رشا : عنقتها توحشتك كلبة
لينا : جامي تكون معاكم حنانة ياك و كلبة علاه
رشا : اااه علابالك فالدم ههههههه
لينا : فالدم كاينة صح علابالك عيت ندمت اللي جيت
رشا : اوييي ندمتي
لينا : لالا زعما على ڤوياج وزيدي تيليفون غلقتو وسيور تكون ماما عيطت فالفايس و ادم مايقدرش يحكمني بسك لابيس ماتمشيش هنا
رشا : دك طاطا صاحا وادم شكون ا لالة اوييي ويليتي ديري لزافير مو رايا انا لا خير
لينا : بدات تمتم اش داني نحل فمي دك ندخل فتحقيق امريكا ماتديروش.... هههه ادم ....صديق
رشا: من موكتاش عندك نتي اصدقاء انطقي شحال في عمرو واش يخدم بوقوس ديريلي افير
لينا : نديرلك زمر والله نقولو هشام نبيع نقول للدولة
رشا: انا قتلك ديريلي لافير لا لا بالاك ماسمعتيش مليح قتلك ديري لافير ليك اييه
لينا : همممم قلبي هدرة تخافي هشام حاطر يعطيك دق  بقرة شافو في بعض او قعدو يضحكو
رشا : عيطتلي شمس قاتلي بلي غدوة جي معا قمرة
لينا : توحشتهم
رشا : عنقتها لالا توحشتيني انا بررك
لينا : علابالك بلي راكي عصرتيني خليني نتنفس اووو
رشا : ههههههههههههه

رشا تكون بنت خالت لينا 20 سنة عايلة كبيرة منبعد نتعرفو عليها

لينا ناضت بدلت وغسلت وجها شغلت تيليفون عيطت ليماها

لينا : الو
صليحة : راكي فدار
لينا : وي ماشي بزاف ملي وصلنا
صليحة : حمد الله سلمي على كامل دار  شويا هاكدا نعيط صاحا
لينا : همممم صاحا

راحت لعند رشا
لينا : عندك بيس زيادة
رشا : وي علاه
لينا : راكي تستناي ينزل الوحي يقولك مديهالها
رشا : ااااا ارجاي  راحت جابتها هاكي
لينا : نقول لماني تعطيلي نفليكسي هههههههه
لينا : ماااااني عطيلي نفليكسي باش نعيط
خديجة : هاكي عشرين الف
لينا :صاحا ماني
راحت تجري تحوس على ولاد خالها صغار باش يروحو
لينا : عصااااام
عصام : وييي
لينا: تعيش نبعثك تفليكسيلي
عصام: اعطيلي
لينا : هاك و دراهم
عشر دقايق ولا عصام ردلها نيميرو و صرف
لينا : هاك هادو
عصام : صاحا لينوش
دخلت تجري لشمبرا دارت نيميرو تع ادم يدها ترجف علابالها تتخلط وهيا تسمع يصوني

ادم : الو
لينا : ادم ....
ادم : وين راكي يرحم ربك من صبح او انا نعيطلك  ميساجري علاه عندك تيليفون نتي فهميني
لينا : ههه كنت فالطيارة
ادم : وين عاودي
لينا : راني فالدزاير ماشي بزاف ملي وصلت للدار بغيت نديرهالك سيربريز
ادم : تمسخري بيا ياك
لينا : نن
ادم : كي نتشاوفو نتفاهمو على هادي مليح عندي خدمة
لينا : اد....  كوبالها في وجها

زعف واقيل صح غلطت .. لا ماغلطتش واش يكون باش نقولو وين نروح بففففف
حطت تيليفون يتشارجا ودارتو صونري باش كي يصوني ترفد قعدت مع عايلة جو ضحك بصح عقلها بعيد قرصتها رشا
رشا : من الارض الى لينا وين رحت اقعد هنا
لينا : هههه والو عيطت لأدم او زعف كوبالي في وجهي
رشا: ههههههههههه عندك زهر لوكان انا اللي درتهالو لهشام دفني فالمريخ وندخل موسوعة غينيس كأول بشرية تندفن فالمريخ  ملا حمدي ربي
لينا : ههههههههه بغيت نشوف كيفاه تدخلي موسوعة غينيس
رشا : والله هنا نقعد لاصقة فيك بغيتي تهناي مني ياك باش تلاقاي راحتك مع توام وحق معبود ماتصرى
لينا : عنقتها وعلاه انا نقدر نبدلك ناضت وناضت معاها رشا راحو الشمبرا بسك يرقدو كيف كيف مالا رشا تخلي لينا ترقد مع توام جامي
رشا : علابالي ماتقدريش بصح قولي كيفاه داير هاد ادم نسي نتخيلو
لينا : ههههههه قعدت على سرير جاي طويل سمر عندو نظرة حادة والله عاد نخافها ههههه حاجة مهمة يلبس بزااف كوستيم كحل حتى فالدار يلبس كحل ولا ڤري شعرو كحل طويل شوي سبورتيف اخ....
رشا: داين داين فهمنا عاد تحبي باتمان تاعك
لينا : باتمان ؟؟؟
رشا : هيه بسك قلتي يلبس دائما كحل على باتمان يلبس بيض
لينا : هههههههههههه ضربتها بالمخدة
رشا : صاحا قولي من هو اكبر خفاش في العالم ؟؟
لينا : ؟؟؟؟
رشا : باتمان ههههههههههههههه
لينا : ادخلي ترقدي يعطيك ضرسة
•
•
•
•
•
•
احدااااااث جديدة رأيكم بشخصية رشا ،بالاك تكمل ف 25 بارتي ماتعطلش وتخلاص جيست نكمل نكتب اللي بقا نحطها كامل 💕بيزو 😘