عصفورة جرف (نساء من فولاذ)

البارت التاسع

🔅رواية🔅
🔸⚜️🔸🕊عصفورة جرف🕊🔸⚜️🔸
(نساء من فولاذ)
🕊الكاتبة🔸فاطمة علي 🕊
🕊🔸لايك ⚜️رأيكم🔸🕊
الجزء الثاني
الحلقة التاسعه

انه متعوب
بس تعبي
بدليلي ماتلمه
افياي
✨💛
...............

فيروزة : واكف گبالي ولازم ايدي حيل ، دمعتي تفتر بعيني ، ابد مينطيني مجال افتحله گلبي واحبه ،
دائما يسوي شغلات غصب عني المهم يتملكني ...

عباس : سمعتي ، وميحتاج اعيد ...

فيروزة : عافني وطلع من الاستقبال ، كرار شبيك ساكت احجي شي ...

كرار : لج بنتي متعرفين يعني شنو ناهي عليج اني راح اضل اعيد عليج ليش متفتهمين ، انتي جبيرة مو صغيرة ، عمامي وابن عمي مقررين مااكدر اكسر كلمتهم ، اخذو عهد على نفسهم كدام العالم ، منو بعد يگلبج ...

... العالم تخاف اتكلك هاي ناهين عليها ، يعني اليتقدملج يطردو من الباب ، واني ماكدر اكسر بعمامي ، هم ميكرهوج ...

جعفر : عباس يعرف مصلحتج اكثر منج ، انتي راسج يابس ، وعنودية حيل ...

فيروزة : محد يفتهم اني شريد ..

كرار : بله حظرة جنابج شتردين ، احجي ليش ساكته نسمعج ...

فيروزة : محد راح يفتهمني ابد ، عفتهم وطلعت من الغرفه صعدت فوك ، حظنت المخده وكمت ابجي ،
اني اريد انطي العباس فرصه بس بكل مرة تخرب وتصير سالفه ...

رسل : دخلت للغرفه لكيتها منتهية من البجي ، سحبتها واني امسح بدموعها...

فيروزة : تعبت واني اريد افهمهم ماريد هذا الزواج ، ماريده بهل طريقه ، شسوي كوليلي ..

رسل : فيروز ترى عباس يحبج ، مبين هذاك من عيونه وتصرفاته ، مشفتي شلون دخل مثل الاسد افترس نزار ، اتقربي انتي منه ...

فيروزة : احس صعبه ، بعدني ممستعده ان اتزوج واكون عائله ، هذا الشي صعب عليه ...

رسل : هو من غيرته عليج قرر تتزوجون ، شفتي تخبل من شاف هذاك يخنگ بيج ، حاولي مابيها شي ، وادري راح تنجحين بهذا الشي ..

فيروزة : شلون وهو يكلي العرس الاسبوع الجاي ..

رسل : يريد عرس هاهي عرس ، يمكن ورى العرس تحبي وتتعلقين بي ، ولج الحد هسه ميروح من بالي شلون دخل مثل البركان ، شلون رجف من شافج بذيج الحاله ، اويلي على الحب   ..

فيروزة : اني مو بحاله هسه ، رحمه الله والديج سدي هذا الموضوع راسي كام يأذيني ...

رسل : كبر يول كل هذا ومغزر بعينج ، بعد شيسوي
يكتل روحه حتى تصدكين يحبج وراح يسعدج ..

فيروزة : رسل اني هم عندي احلام حالي حال البنات ، يحلمن بهيج ايام خطوبه وحنه وعرس ،
بحيث هاي الايام نتذكرها ونضحك ...