... حطي نفسج بمكاني ويزوجوج غصب ،
كل الديصير بيه عقلي مدا يستوعبه ،
بيوم وضحى يتبدل حالنه ، اني مدفونه وناهي عليه ابن عمي ، وماسه خسرت اغلى شي عدها ،
وريحانه ومجتبى مبهذلين بالبيوت ...... ترى صعب الدنعيشه ،احنه عائله اتشتتنه ، وترديني افرح وعادي ، ولج ابوية وامي ثنينهم سوى راحو ، وترديني عادي احب و اتزوج وامثل دور الفرحانه ، ماكدر ابد مااكدر ...
رسل : احمدي ربج غيرج انكس عايشات ،
اندك الباب ،صحت تفضل ...فيروزة : دخل عباس باوعلي صفح ورجع ابتسم الرسل ويحجي وياهه ...
عباس :امشن لبيت رحمه ما امن عليجن هنا ، على الاقل هنا كدام عيني ، رسل خوما تأذيتي
من هذاك الملعون ...رسل : لا ابن عمي مأذاني ، بس حصلتلي كفشه من شعري ...
عباس : هسه مابيج شي مو ...
رسل : لا ابن عمي تسلم ، والله مابيه شي ..فيروزة : مدري ليش ضجت تمنيت يسألني، حاولت اجذب انتباهه حركت راسي ماكو ، نحن هنا ، ابد ولا دار اليه باله
، باوعت على نفسي اني شبيه ساعه اريده وساعه اكرهه .......نار وشبت بصدري هو يضحك وكأنو كولشي مصاير يحجي برود اعصاب ويضحك عادي يعني ...
عباس : يله اني انتظركم بالباب ..
رسل : ماشي شوية ونازلين ...فيروزة : كمت لبست جبه من رفل وشال ، طلعت لكيتهم بعدهم يحجون ، باوعت عليهم بطرف عيني طلعت وطبكت الباب حيل وراي ، وكفت باب البيت ، اجه وكف بصفي وهو عصبي دنگ عليه وهمس
...عباس : مرة ثانية تأدبيي ..
فيروزة : شنو تأدبي ، ناقصني انت تعلمني الادب ، لزمني من زندي حيل ..عباس : فيروز لسانج طولان ، احترمي نفس ، ترى والله اندمج ...
فيروزة : هد ايدي ومشى اجت رسل لزمت ايدي وتتمشى وياي وتضحك ، شبيك تضحكين ..
رسل : يمه الغيرة يمه تحرك ..
فيروزة : رسل شبيج ياغيرة ...رسل : مو على اساس متحبي ، وگلبج ميريده ومغصوبه عليه ، وعدي احلام ...
فيروزة : ليش شكو شتغير ..
رسل : اويلي شوف الغيرة تتطافر من عينها وتكلي شتغير ، يمه الحب يمه ...
فيروزة : دولي ياغيرة ، رحنه البيت رحمه هوسه والعالم طابه طالعه ونعادت الفاتحه عبالك من جديد ، رحمه جانت متدده وتون ، هي مصارلها هواي من جابت هملت ابنها الصغير وضل من ايد الايد ...
رحمه : يمه وينج شوفي بتج شصاير يمه ، يمه لو انتي يمي هسه والله محتاجتج ...
فيروزة : اسمعها وعيوني تصب عليها ، لزمت ايدها ، گبل كامت حظنتني وكامت تبجي ..
YOU ARE READING
عصفورة جرف (نساء من فولاذ)
Short Storyالكاتبة⚜️فاطمة علي اخذني وياك ⚜️عصفورة جرف⚜️ بلل جنحها الكيض اخذني وياك 🔆 جملني بعد كطره وخذني وياك هناك 🔆الفيض كلبك حتى روحي تنام عصفورة جرف🔅بلل جنحها الكيض اخذني وياك امشي ابغير واهس 🔅 والطواري كصار وعيوني غرب 🔅 وجفوف اديه اوداع واسمي 🔅 ...
البارت التاسع
Start from the beginning