شرفي عندك

البارت الواحد العشرون

گال / باعي لچ ممنوع تحچين ويا سجاد اي كلمه ومن شوفي گليله يزن يگول خلي يجي عليه أشوفه وأريد احچي ويا

ظليت متعجبه شنو شو گبل گلب الحچي وأحس عبالك آني نقلت تهديد سجاد ليزن بدون ما أدري بس ثبت وتأكدت أنه كلام سجاد صحيح واكو شي وما خفيه كان أعظم

وعافني وطلع يزن وآني ظليت افكر شلون المن أسأل ويجاوبني أروح اسأل ابويه أحسن حل لهذا قررت اروح ثاني يوم وما أداوم بالجامعه ولليل رجع يزن بس شنو نار واحسه يدورلي على زله بس ما يعرف شلون الى ما بالليل دى انيم بأيهم وگع جود عليه ساعتها لزم جود موته كتل حتى بيده سبحه يسبح بيها ضرب لجرد بيها ضربه والله شوغ روحه اني نثولت اريد بس اگوم اخلص جود من عنده بحيث عثرت وگعت وحتى نولت رجلي

بس گمت وذبيت أيهم على السرير مالتنه واجيت خلصت جود وبده يزن يغلط ويفشر عليه وعلى سجاد وخطيه هذا جود فاتح حلگه وشفايفه زرگ وأريد بس يطلع صوته فرفح خطيه واني انفخ بوجهه أريد بس ياخذ نفس بس ماكو سد عيونه وكأنهُ مات ظليت اعيط بس الحظ الاكشر وگع أيهم من السرير ونجرحت گصته وهاي ألي الله كتبها عليه لزمني الي بنفس السبحة والله شاغت روحي لله وأبني على أيدي مثل الميت وأيهم بالگاع گصته مفتوحه ورودينا تصرخ

واني عياطي ملآ الدنيا لم العالم علينه وكلها تسال شكو ويعرب اجى اخذ ايهم واني يصيح عليه يگلي / تعالي لچ بنت الأوادم الطفل راح يموت على ايدچ

خطيه جيرانه اخذت مني جود واني على السريع لبست وطلعت أركض وصعدت ويا يعرب ويزن هم صعد ويانه اخذنه لأقرب مستشفى ايهم خيطوا الجرح وجود ما اعرف گاموا ينطوا صدمات بسيطة كهربائية حتى ينشطون القلب من
سألته للدكتور/ شنو وضعه

گال / صارت بي شمره بمرور الوقت يصير عنده صرع

تخبلت وصحيح الي گال ربوني واني ابن هلي
بعدني واكفه أتفرج على جود وهو من الصعقة الكهربائية ينشال ويرجع يوكع على السديه ظليت ادگ على وجهي

ويزن ويعرب لكون جود موابن يزن اثنينهم ويا أيهم وأني وحدي يم جود التفتت لان اكو صوت
يگول / شبي جود شسويتليه والله اموتچ اذا صار عليه شي

چان سجاد هنا أعصابي انهارت والله تهسترت
گمت اعيط ما ادري ابچي ما ادري اغلط وأول مره ضربت بيها سجاد چانت هاي ضربته على وجهه بكل قوتي
وگتله بعياط/ شتريدون مني فهموني الله يكرفكم كرفة الوحده وياخذكم وبعد ما أشوف شكولاتكم الزفره

ظل بس ينقل بنظره بيني وبين جود الي بده شويه يفتح عيونه واجى يزن ويعرب وأيهم على ايد يعرب وهنا بس شاف سجاد يزن هجم على يزن ضربه على خشمه كله خله يزن خشم يزن ينزف دم وفقد توازنه وگع بالگاع ويعرب خله ايهم بالگاع وهجم على سجاد وصارت ملحمه بحيث أدخلت الآمن مال المستشفى وطلعوهم خارج المستشفى