Unicode
"ဘာမှအများကြီးမတွေးပါနဲ့...ကျွန်တော့်ကို ခေါင်းလေးတစ်ချက်ပဲညိတ်ပြီး အဖြေပေးပါ...အဲဒါဆို ကျန်တာအားလုံးအဆင်ပြေေစရမယ်လို့ ကျွန်တော်ကတိပေးပါတယ် ကျွန်တော့်ကိုယုံနော်"
"ငါ..."
"ဟန့်ဟန့် ဘာတွေကိုစိုးရိမ်နေလဲဆိုတာ ကျွန်တော်ကောင်းကောင်းသိတာမို့ ၊ အဲဒီအခက်အခဲတွေအားလုံးကို ကျွန်တော်ဖြေရှင်းနိုင်တာမို့ ဘာမှတွေးပူမနေနဲ့တော့နော်...ကျေးဇူးပြုပြီး ကျွန်တော့်ကိုသဘောကျနေတာကိုမရပ်တန့်လိုက်ပါနဲ့"
"....."
ရင်ခုန်သံတွေမြန်နေဆဲအလှလေးဟာ ကုန်းကျွင့်ရဲ့ရင်ခွင်ထဲမှာ မလှုပ်မယှက်ရှိနေဆဲ။ ကုန်းကျွင့်က သူ့ရဲ့ ဆုံးဖြတ်ချက်ခိုင်မာနေပြီးသားဖြစ်တဲ့တည်ကြည်လေးနက်လှတဲ့မျက်နှာထားကို အလှလေးထံ ပြသနိုင်ဖို့အရေး ပွေ့ဖက်ထားရာကနေ အနည်းငယ်မျှ ခွာပေးလိုက်၏။
"ဟန့်ဟန့် ကျွန်တော့်ကိုယုံပေးမယ်မှတ်လားဟင်?"
"ငါ......အင်း"
ရှက်ရွံ့တွေဝေနေသည့်တိုင် မဝံ့မရဲခေါင်းညိတ်ကာအဖြေပြုလာသည့် ဒီအလှလေးကို ကုန်းကျွင့်အသည်းယားလွန်းလို့ရူးရပါတော့မည်။ အသည်းယားလွန်းလို့ ၊ ပျော်ရွှင်လွန်းလို့ အလှလေးကို အရိုးတွေကျိုးကြေလုမတတ်ပွေ့ဖက်လိုက်မိတော့ အလှလေးက အားပိစိလေးသုံးကာရုန်းဖယ်သည်။
"အရမ်း မဖက်နဲ့လေ"
ကုန်းကျွင့်က အပြုံးတစ်ပွင့်နဲ့အတူ နာခံစွာဖြင့် အလှလေးရဲ့ခန္ဓာကိုယ်ကိုလွှတ်ပေးလိုက်၏။ သူကဆိုသည်။
"ဒါဆို ကျွန်တော်တို့နှစ်ယောက်က တစ်ယောက်ကိုတစ်ယောက်သဘောကျနေကြတဲ့ဆက်ဆံရေးတစ်ခုဖြစ်သွားပြီပေါ့နော်"
အလှလေးက ခေါင်းကိုခပ်ဖြေးဖြေးငုံ့ချကာဖြင့် ကုန်းကျွင့်ရဲ့မျက်လုံးတွေဆီကနေအကြည့်လွှဲလိုက်ပြီး တိုးလျစွာအဖြေပြန်ပြု၏။
"အင်း"
အသံက အနည်းငယ်ဆောင့်ခနဲထွက်လာသည်မို့ အလှလေး အရှက်သည်းနေသေးမှန်း ကုန်းကျွင့်သိလိုက်သည်။
YOU ARE READING
302 (Completed)
Fanfiction302(စန်းလင်အာ့)ဆိုတဲ့အရှုပ်ထုပ်လေး စီစဥ်တဲ့ ကျွင့်ကျွင့်နဲ့ ဟန့်ဟန့်လေးတို့ရဲ့ ပေါ့ပေါ့ပါးပါးအချစ်ဇာတ်လမ်းလေး 💙~ ❌ SYSTEM နှင့် မသက်ဆိုင်ပါ ❌ 302(စန္းလင္အာ့)ဆိုတဲ့အရႈပ္ထုပ္ေလး စီစဥ္တဲ့ ကြၽင့္ကြၽင့္နဲ႕ ဟန့္ဟန့္ေလးတို႔ရဲ႕ ေပါ့ေပါ့ပါးပါးအခ်စ္ဇာတ္လမ္...