အင်း...မင်းနာရင်ငါလည်းနာတယ်။ ဘယ်လိုတွေကြောင့်လည်းသေချာမသိပေမယ့် ဒီကလေးကိုသူကဘဲကာကွယ်ပေးချင်သည်။ မိုးလင်းကနေမိုးချုပ်တစ်ဘုန်းပြည့်တည်းဘုန်းပြည့်နေတဲ့သူ့ရဲ့စိတ်အစဉ်ကိုလည်းနားမလည်နိုင်အောင်ပင်။ ငယ်ငယ်ကညီလေးကိုဆုံးရှုံးဖူးထားတော့ယခုဒီကလေးတစ်ခုခုဖြစ်သွားမှာကိုကြောက်နေတာဘဲဖြစ်ရမည်။
စပ်နေမည်မှန်းသိ၍ ဒဏ်ရာတစ်ဝိုက်လေအေးအေးလေးမှုတ်ပေးလိုက်တော့ ညီလေးကမျက်ရည်လေးဝဲပြီးကြည့်လာ၏။
"နောက်ဆိုတွေ့ကရာအကောင်လျှောက်မကိုင်နဲ့ အန္တရာယ်ဖြစ်တာမြင်ပြီလား"
"ဟုတ်..."
ပြောလိုက်ရင်တော့ ဟုတ်...လုပ်လိုက်ရင်တလွဲ။
============================
"မြေးကြီး...မြေးငယ် ! ထမင်းစားမယ်"
ထမင်းစားခန်းထဲမှဘွားမှုံအသံကြောင့် အိမ်စာလုပ်နေရာမှအတင်းကုန်းထပြီးလုံးလုံးလုံးလုံးပြေးထွက်သွားသူနောက်ထလိုက်သွားရင်းမှ ချော်မလဲစေရန်သတိပေးရပါသေး၏။
"ဖြည်းဖြည်းသွား ... လဲမယ်"
ဘုန်းပြည့်ချမ်းဟန် တို့ကအစားအသောက်အသံကြားရင်လျှပ်စီးကိုလက်နေတာဘဲ။ စားသလောက်ဖောင်းကားနေတဲ့ပါးတွေကလည်းမညှစ်ရမနေနိုင်အောင်အူယားဖို့ကောင်းနေရော...။
"ဖွားမှုံ ဘာဟင်းချက်..."
"ဖွားမှုံကဒီနေ့ ပဲရေပွနှပ်ရယ် မုန်လာပင်ပေါက်အချဉ်ရည်ဟင်းရယ် ငါးဖယ်ဆီပြန်ရယ် ဖရုံညွန့်ကြော်ရယ် ငါးပိရည်တို့စရာရယ်လုပ်ထားပါတယ်ရှင်"
"ပဲနှပ်သားအရမ်းကြိုက်"
"ဟုတ်ပါပြီ ကြိုက်ရင်အများကြီးစားပေါ့ မြေးငယ်လေးရဲ့"
ထမင်းစားခန်းထဲရောက်နှင့်နေပြီဖြစ်တဲ့ ဦးမြတ်ဟန်တို့ဇနီးမောင်နှံလည်းအိမ်ဆည်းလည်းလေးကိုပြုံးပြီးသာကြည့်နေကြလေ၏။ အသားငါးသိပ်မစားဘဲ အရည်သောက်နှင့်ပဲအမျိုးမျိုး အသီးအရွက်တို့ကိုသာခုံမင်သောဘဤကလေး၏အကြိုက်များသည် ချစ်ရတဲ့မေ,၏အကြိုက်များနှင့်တူလှပါ၏။မေ,ကသားငယ်ပန်းကန်တဲ့ပဲရေပွနှပ်များခပ်ထည့်ပေးနေချိန် သားကြီးဝင်လာပြီး...
YOU ARE READING
ဘုန်းပြည့်ချမ်းဟန် (Complete)
Fantasyဘုန်းပြည့်ချမ်းဟန်ဆိုတာ ချမ်း, တစ်ယောက် တည်းရဲ့အမည်နာမပဲဖြစ်စေရမယ်...။ 1.10.2021 >> 6.2.2022
Part - 7 (U+Z)
Start from the beginning