شرفي عندك

البارت الرابع عشر

جاوبها يزن / هو هذا المطلوب انه بس تفحصين وتگليلي

اخذتني وياها لغرفه وگالت / نزعي يله خلي أفحص
بس شنو تحچي بنتر اني خفت منها بس ما أگدر احچي شي من دى تفحصني اذتني من عطت
وجان تگول بصياح/ صوتچ شو يمه ما چنتي تعيطين شنو ما تستحين

سكتت غصباً عليه هي كملت فحص وخلصت وطلعنه على يزن الي

گالتله الدكتوره /اي اكو ممارسة قريبه يعني تمت هذا اليوم وأكثر شي حدود على الأقل 3ساعات والأكثر 5 خمس ساعات

رجع يزن سألها/ اكو شي يثبت هاي الممارسة

چان تگله / شايفني گدامك ابيع خضره غير دكتوره عدها توسع + مني رجل يعني اكو ممارسة

انصدم يزن من كلامها ورجع
گاللها / بس أستفسار واحد اذا اكو مني رجل يعني احتمال يصير حمل صح

گالتله/ اكيد واحتمال يصير واحتمال ما يصير مو شرط

گاللها يزن /على أسوء الاحتمالات إحتمال يصير شلون نمنع الحمل قبل ما يصير

گالتله / لحظه هسه أكتب هاي العلاجات وان شاء الله ماكو حمل

وصدگ كتبتهن بورقة وجبناهن من صيدلية من خارج المستشفى واجينه وبيهن ابره ضربتني هاي الابره وأخذت حبوب هي كتبتهن  وطلعنه ويزن يجيب ويوصي بيه إنه ما أجيب سيره لأحد
وخصوصًا بيت اهل خطيبچ ابو فلاح لآن راح يفتح علينه أبواب جهنم

لإن طلبچ وعگد راية أبو فاضل عليچ واذا نعرفت السالفه مال اليوم تنفتح علينه عشاير اكبر واحد ما يسدها سدي موضوع مال اليوم وروحي ازوجي وخلصيني هسه بعد حتى قضية على سجاد ما أگدر ارفع لان من نخطبتي وصارت عشاير ما من الممكن نرجع نفتح جبهة ثانيه علينه ويا ابو فلاح وبعد ما بينه حيل ندفع فصول بعد ولا عدنه فلوس للفصول وهسه صائب زوجچ الهم حق بكل شي حتى يگدرون يذبحوچ لان انتي هسه چنتهم يعني العار عليهم سدي الموضوع آيسن وخلي عرسچ بوقته واخلصي

هنا من خوفنه من الموت والفضايح نريد اي گشايه نتمسك بيها مثل الغريق بالضبط واني تمسكت بكلام يزن وما اگول اني ما غلطانه لا غلطت من ضميت هاي الحادثه لان جرت وراها ويلات عليه

ورجعني يزن لبيتنه واني چنت اخذت قراري ما احچي حتى أخلص بي الي يعيش بالحيله يموت بالفگر واني قررت اعيش بالحيله وبالفعل سكتت وعلى ثاني يوم چان على اساس يوم حنتي بس ما عندي احد يفرح بيه لهذا ما سويت حنه واني الخوف ملازمني ويايه بس زوجة يزن وأتعجب شلون دموع شلون امي ومكتوب اسمها بجنسيتي هي امي وهي متدري بيه والله الحقد الي شلته على دموع أكثر من على سجاد

اخذتني زوجة يزن ماسكات على ترطيب بشره وگالت ام صالون / عيني طالما شعرچ ولادي يعني مو تسريحه بس مكياج العريس بيا ساعه يجي عليها