ဒါက သူ့လက် မဟုတ်ဘူး! သူရဲ့လက်များသည် ဤကဲ့သို့ အရောင်ဖျော့ဖျော့နှင့်နူးညံ့ညံ့ မဟုတ်ပေ။
သူသည် လူနာဆောင်ထဲမှ အမြန်ပြေးသွားပြီးတံခါးနားမှာ ခဏရပ်လိုက်သည်။ ထို့နောက် သူ လုံးဝ မဆိုင်းမတွဘဲ ဘယ်ဘက်ကိုပြေးသွားလိုက်တယ်။သူ့ရဲ့ရှေ့ ညာဘက်မှာ ထောင့်ချိုးတစ်ခု ရှိသည်။ အားကောင်းသော နေရောင်ခြည်ထုကြီးသည် ထိုညာဘက်စင်္ကြံ မှ ဖြာထွက်နေသည်။
သူအခု နေရောင်ခြည် လိုအပ်တယ်။
အရှိန်ကိုမြှင့်ပြေးလိုက်ရင်း ထို အလင်းရောင်ဖြာကျနေသော ဧရိယာကို ငေးကြည့်နေမိသည်။ သို့သော် သူ ထောင်ချိုး အကွေ့နား မရောက်မီ တစ်ဖက်မှ တစ်စုံတစ်ယောက် ချဉ်းကပ်လာသည်ကို သူမြင်လိုက်ရသည်။ အော်သံတစ်ခုနှင့်အတူ စုလင်း သူ့ခန္ဓာကိုယ်ကို ဘယ်ဘက်သို့ ယိမ်းကာ တစ်ဖက်လူကို ရှောင်လွှဲလိုသော်လည်း ပြေးလာသည့် အရှိန်ကြောင့် သူ၏ခြေလှမ်းတို့သည် ရှေ့သို့တက်သွားပြီး သူ၏ခန္ဓာကိုယ်သည် ညာဘက်သို့ ပြိုလဲသွားသည်။ သူ အထိတ်တလန့်၊ သတိလွတ်သွားပြီး သူတိုက်မိလုနီးပါးပင် ဖြစ်သွားသောထိုသူအား လှမ်းဆွဲလိုက်မိသည်။
ထိုလူက စုလင်းရဲ့လက်ကို သူ့လက်တစ်ဖက်နဲ့ဖမ်းလိုက်ပြီး ခါးကို အခြားလက်တစ်ဖက်နဲ့ ထိန်းကာ စုလင်းကို သူ့ရင်ခွင်ထဲမှာ ခိုင်မြဲစွာ ဖက်ထားလိုက်သည်။ ထိုလူက အခိုက်အတန့်ခဏလေးအတွင်းမှာပဲ သူ၏လက်ကို ချက်ချင်းလွှတ်လိုက်ပြီး တည်ငြိမ်ကာ သာယာသောအမျိုးသားအသံ ထွက်လာသည်။
"သတိထားပါ"
"ဟိစ့် ... "(T/n -နာလို့အော်မိတဲ့အသံကွာ။Hiss ဆိုတဲ့ အသံ)
စုလင်း နာကျင်မှုကြောင့် ဘယ်ဘက်လက်ကောက်ဝတ်ကို ဆုပ်ကိုင်လိုက်မိပြီး ထိုအသံပိုင်ရှင်ကို အသိအမှတ်ပြုရန် အချိန်မရှိလိုက်ပေ။
တကယ် နာလှသည်။
သူ့လက်ကောက်ဝတ်ကို ပိတ်ကျဲစတစ်လွှာဖြင့်ဖုံးအုပ်ထားသည်ကို သတိပြုမိလိုက်ကာ ထိုလက်များကို ဖုံးကွယ်လိုက်ပြီး သူ့မျက်နှာသည်လည်း ပို၍ဖျော့တော့လာသည်။
YOU ARE READING
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasy▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...
Chapter - 1(U+Z)
Start from the beginning
