كحل عرب

الحلقة 63

#كحل_عرب
(الفوضى )

((( بقلم زينب ماجد )))

الحلقة_63
(زيان شارب )

ولو جاسك براد بطارف الليل
أوج نارين الك بطراف الچفوف ..
لـ عريان السيدخلف||

وسن : نايمة بالغرفة وجهالي يمي ، حسيت على امي من طلعت ما كمت وراها ظليت امدده شوية ما رديت لنومتي .. كلت "خل اكومن" وكمت نظفت البيت ومسحته وسويتلي ريوك وكعدت كدام التلفزيون جان قناة روتانا سينما ليل نهار مسلسلات مصرية تخبل واني كلش احب المسلسلات المصرية ، مكابلة التلفزيون وكاعدة .

رن جرس الباب، نصيت التلفزيون وكمت ، باوعت من العدسة مالت الباب ، رحمن واكف ، دك الجرس مرت اللخ ، صحت : ياااهو ؟

رحمن: اني رحمن

- ها خوية شرايد

- جبتلكم المسواك فتحي الباب

- عوفه يمك اني اخذه

- عيب هاي السوالف ترا فتحي الباب خل نحجي

- محد بالبيت اعذرني

- دفتحي الباب

- ما اكدر ، واخذ المسواك مشكور عدنا خير من الله .

باوعت على ملامحة ضاج شالهن ومشى ، رديت شلت صينية الريوك نظفتها ورجعت اكمل الفيلم .. طفت الكهرباء ، كلت : لااا جا هسه وكتها ، خلص هالفلم تكطع مو نصيبي اشوفه

كمت فتحت الشباك مال الشقة وظليت اباوع للشارع والناس التروح وتجي ، اباوع اكو كلوبات بالشارع كدامنا تشتغل بس ع الوطني .. انتبهت طافيات !
كمت من مكاني فتحت باب الشقة ، العمارة بيها كهرباء واحنا كلشي ماكو .

اضطريت البس وانزل للحارس مالت العمارة : عمي شو كلها عدها كرباء بس شقتنا

باوع على الميزانية مال العمارة ، وكف رحمن : خاف الخلل من شقتكم

باوع بالميزانية ومدري شحجه ويا الحارس ، وكاله : اصعد شوفها الهم 

صعد رحمن واني صعدت وراه لكيت نور كاعدة ، و رضاوي يبجي من الحر ، فتت الهم و رحمن راح يتفحص الكهرباء .. اجت ..

اجاني للغرفة وهو يكول : سويتها

ارتبكت واني اكوم وابني بيدي : ها خوية شكرا يطيك العافية
ووكفت ورا الباب

- قبل شوي اجيتكم وجايب مسواك ليش شتلتيني على الباب

- مو محد بالبيت وصعبة شوية

- وهسه اكو احد

- لا حتى هسه وياريت تقدر يعني

- ها يعني على مصلحتج اطلبيني

- مو هيج .. بس خوية اني مو مثل امي

- انت تبيعين شرفيات هواي