كحل عرب

موعد وتفسير

مساء  الخير و المحبة على عيونكم
ويارب تكونون بخير

حبيت ابلغكم ان موعد نشر الجزء الثالث من كحل عرب هو يوم الخميس (باجر) إن شاءالله الساعة ١١ ونص .

النشر راح يكون بين يوم و يوم
لكن في حال ما عندي شي انشر يومي ، لكن للضرورة الاتفاق يكون على نظام يوم بيوم .

سجلت الستوري مالتي ع الأنستكرام الكم .. او للناس اللي ما عدهم انستكرام .

ورجوعا الى غلاف الجزء الثاني اللي متعودة بكل قصصي افسر الغلاف عند كل انتهاء ، بس كان الغلاف يحمل معاني الجزئين الثاني و الثالث كون انو مكان ابالي اسوي جزء ثالث، المفروض كله بجزء .. بس بعد شاءت الظروف .

الدم السايل فوك إنتحار جسام
والرشاشتين الجوا هم اللي انقتلوا بيهم جمارة و خنجر

الأسد الكبير سرحان .. اما الشبل فمأمون بتفسير ان هو الايد اليمنى الابوه ووريثه بحكمته وديوانه و الرجل الثاني بعد ابوه بالرواية

الدخان اللي طالع من ورا الشبل هو الحلم اللي بعد للإن ما تفسر ..

شجرة العائلة واللي مترابطة ومتشابكة بلا اوراق مثمر هم الشخصيات اللي بالرواية ، بس كان اكو جانب مرعب وعلى اساسه خلينا طابع رعب بالوجوه .. لإن جان في بالي اسرد قصة بنات ستار بس رفضوا .. وانلغت قصصهم ..

بس للتبليغ زمن بنت ستار جانت مخاوية الجن تشوفهم و تحجي وياهم واصلا عايشة بعزلة وكأنوا بيها توحد حسب ما يسولفون .. كله بعالمها عايشة متكابل احد .. بس جان عدها امر غريب وهو ان تكول الشي قبل ليصير .. جنت اتمنى اسرد قصتها وغرابتها بس رفضوا .. وما عليه الا احترم قرارهم .

لكن للتنويه بحالتها ساءت  بمطلع عام ٢٠٠٠ واتمرضت واتعلعلت بالمستشفيات لحد ما ماتت سنة ٢٠٠١

وهالأمر كان جدا مؤذي للحجية كواغد واثر بيها كلش هواية وزاد على ضيمها اضعاف كون هم وصية الشهيد ابنها .

بأنتظارنا احداث هواي و سنين هواية نرويها ونفصل احداثها .. ويا رب اوقات ممتعة نقضيها مع بعض ❤

#زينب_ماجد