#كحل_عرب
(بيت بيوت )
((( بقلم زينب ماجد )))
الحلقة_19
(وقع ما ليس في الحسبان)
انطوها خل ترتاح رايدها بحلال
لا يطخ براسها ووياه تنهزم
هي البنية التحب تصير طير
لو تحطوها بقفص ما تنلزم
لو چتفتها اچتاف وتعصب العيون
تطلع من الشباچ لو رادت تخون
تطلع من الشباج مثل الهوى الهاب
للي اجا من الباب وانطرد بالباب
تحبها وتشوف الضيم
وونها اعلى ونك
وع الحاضر ابن القوط ياخذها منك ؟
طلعت من الباب الرئيسي ونزلت للشارع اشرت لسيارة جيب وكف ، كضيت وصعدت ليورا .. الساعة جانت بحدود ال٦ ونص .
انا جنت مواعدة خنجر اعلى ال٨ ونص بس ما اكدر اظلن جان لازم اطلع كبل كعدت ابوي، وصلتت للكليه غاد .. توني وكفت على الشارع وكعدت على الرصيف ونعلي اشوفن خنجر اجا ، كمت اعلى حيلي .
عبر الشارع مسرع علي .. اجا عدي : هلا يروحيتي ... شماله وجهج هاذ
- خنجر خلي نروح
- شنهو الصاير
- مروان ما سولف لك ؟
- لا بس كالي جمارة تكول اني اختاريت وباجر ناطرتك ب٨ ونص شني صاير شي ياهو الطاكح
نزلن دموعي : الف مرة كتلك انا مغصوبة والله وحدة يعلم الجاي اعانيه ابيت ابوي
- احركهم وعلي الكضج ياهو
- ما اريدك تحرك احد .. اخذني منا انا تعبانة كلش
- نروح وين
- لمكان ما ارد منه
ظل يعاين علي : تشردين وياي تريدين
- ليش مو هاذ الردته انت ؟
- ومن سنين اتمناها
دنج على العلاكة البيدي و خذاها مني ، ووكف سيارة و صعدني وصعد ليكدام ، امشي وانا اتخايل اهلي شحالهم عكبي .. ابوي شراح يسوس ، شراح يعمل ، هم الما اطوني .
فزيت على ضربت خنجر للكرسي المتجي عليه عاينت عليه بالمرايا الجانبية ، اشرالي ... ابتسمي وانسي .
ظليت كاعدة اعاين عليه وما رديت و ظل بالي يجرخ، وصلنا للكراج مشاني لسيارة وكعداني : وين راح نروح
- للكوت بيتي هناك .
- وشلون نروح للكوت ؟
- شني شلون دصعدي والله كريم .
صعدت وياه ، وكعدت: شغلك تكدر ترد ليه
- اي اكدر بس لا تشغلين بالج
حطيت راسي على الجامه وانا اعاين اهل الكراج يصيحون .. نجف طالع نجف طالع.. كربلاء كربلاء .
الليل كله ما نايمته جيف اعلى بالي اطلع ، نعست كلش وعيوني كامن يغفن لوحيدهن .
أنت تقرأ
كحل عرب
General Fictionجيل بعد جيل .. يولد حبا جديد يواري خبث العادات و التقاليد بين نهوة و فصلية هدية و دية اولاد ضحية وشيوخ ظالمة لا تجد للإمور حلاً غير السلاح .. من العراق وعلى ارض السماوة اقدم لكم (كحل عرب )
