ពួកគេទាំងពីរក៏ធ្វើដំណើរមកដល់ផ្ទះវិញ មកដល់ភ្លាមជុងហ្គុកក៏ប្រញាប់ទៅក្រុមហ៊ុនភ្លាមព្រោះ 1 អាទិត្យមកនេះគេនៅដេហ្គូទុកការិយាល័យចោលយូរពេកហើយ ។
លោកតាចននិងលោកចនគាត់មិនបានដឹងទេថាពួកគេទាំងពីរត្រឡប់មកវិញលឿនយ៉ាងនេះទេទើបលោកចនកំដរលោកតានាយទៅជួបមិត្តចាស់ដោយអ្នកស្រីចនគាត់មិនបានទៅជាមួយនោះទេព្រោះតែបន្តិចទៀតគាត់ក៏ទៅជួបមិត្តរបស់គាត់ដែរ ។ បន្ទាប់ពីរៀបចំខោអាវដាក់ចូលទៅខាងក្នុងទូហើយរួចរាល់ហើយ ថេយ៍ក៏ដើរចុះមកខាងក្រោមសម្ដៅទៅរកទូរទឹកកកក្នុងផ្ទះបាយយកទឹកញុំាហើយក៏ដើរត្រឡប់ទៅវិញ ។
« មួយថ្ងៃៗចង់តែនៅក្នុងបន្ទប់ឬក៏យ៉ាងមិច??! » អ្នកស្រីចនចោទសួរទៅកូនប្រសារពូកែខាងតវ៉ារបស់គាត់ ថេយ៍ក៏បង្អាក់ជំហានហើយងាកមកសម្លឹងគាត់ទាំងចងចិញ្ចើម ។ តាំងពីគេជាមកគេហើយនឹងអ្នកស្រីចនហើយនឹងពេលមកពីបារាំងវិញគេកម្រនិយាយជាមួយអ្នកស្រីចនណាស់ព្រោះគិតថាបើនិយាយមានតែរឿងប៉ុណ្ណោះ ហើយចំណែកឯអ្នកស្រីចនវិញសង្កេតឃើញគាត់មិននិយាយស្ដីជាមួយថេយ៍បែបនេះមិនមែនគាត់ឈប់ខឹងនឹងគេនោះទេប៉ុន្តែមកពីលោកតានិងប៉ារបស់ជុងហ្គុកនៅប៉ុណ្ណោះ ។
« ម៉ាក់មានការអីឬ?? »
« ទាល់តែមានការទើបយើងហៅបានហ្ហេស?? »
« មិនមែនទេម៉ាក់ គឺខ្ញុំគ្រាន់តែចម្លែកចិត្តប៉ុណ្ណោះដែលម៉ាក់មកនិយាយជាមួយខ្ញុំមុនបែបនេះ »
« គ្រាន់តែយើងនិយាយរកចម្លែកហ្ហេស ជាស្ដេចឬក៏យ៉ាងទើបនិយាយជាមួយមិនបាន »
« មិនមែនទេអ្នកម៉ាក់ក្មេក »
« ឡើងម្ញ៉េក លោកអេឺយ មិនដឹងជាមាយាស្អីខ្លះទេរាប់រយជំពូក » និយាយស្រួលបួលក៏ខុសនិយាតមាត់ក៏ថាផ្គើន ម៉ាក់ក្មេកគេនេះពិតជាពិបាកនិយាយស្រួលគ្នាមែន ។
« តែខ្ញុំនិយាយស្រួលទេតើស៎ម៉ាក់ »
« ហ៊ើយ មកទៅផ្សារជាមួយយើង »
« បាទ?? »
« ថ្លង់ទេឬ?? មកអោយឆាប់ឡើង »
« បាទ » ថេយ៍ក៏ងើបចេញពីសាឡុងដើរទៅតាមក្រោយអ្នកស្រីចនហើយក៏ឡើងអង្គុយក្នុងឡានបើកចាកចេញទៅ ។
YOU ARE READING
✯ លង់ស្នេហ៍ភរិយាក្លែងក្លាយ ✯
Fanfictionរត់គេចពីការផ្គូរផ្គង់ តែបែរជាមកធ្លាក់ក្នុងអន្លង់ស្នេហ៍ភរិយាក្លែងក្លាយ*ម្នាក់នេះទៅវិញ.... ។ #គ្រាន់តែបោកបញ្ឆោតថាត្រឹមជាសង្សារក្លែងក្លាយ តែពួកគាត់ក៏បង្ខំអោយរៀបការ !!! # តាមហួងហែងគេ តាមបារម្ភខ្វល់ខ្វាយពីគេ តើបានអ្វីមកវិញ?? #ស្រលាញ់គេ តែបើជាមិនព្រមសា...
