Glistening Lantern (Gazellian Series #7)

Chapter 6

Chapter 6: Escape

"A prince..."

Umawang ang bibig ko at ilang beses akong napalingon sa magkabila ko upang higit na makita ang reaksyon ng kapatid ko.

Seriously? Can't they visibly see the pretention?

He is a farce! He is not a prince!

Dahil nakikita ng magaling na bampira ang reaksyon ko dahil sa nakikita ko sa mga kapatid ko, nanunuya na ang kanyang mga mata sa akin. Higit pang nakaangat ang isa niyang kilay na parang sinasabing ako ang hindi nakakakita ng katotohanan.

Bago pa niya tuluyang bitawan ang kamay ni Ate Amie, ako na mismo ang siyang humablot ng kamay ng kapatid ko mula sa bampira.

"He's just pretending. He's not a prince but an actor."

Ngumisi sa akin ang bampira, inirapan ko siya at mabilis kong dinala ang dalawa kong kapatid sa lamesa kung saan doon na nakalatag ang mga impormasyon na maaari namin gamitin sa sandaling malaman namin na walang mapa na siyang tutulong sa amin para makabalik ang bampira sa kanyang mundo.

Halos ipagtulakan ko ang dalawa kong kapatid upang tanggalin ang paninitig nila sa bampira na tila nawiwili sa reaksyon ng mga kapatid ko at sa pagkairita ko sa pangyayari.

"I thought you have the same taste?" mabilis niyang bulong sa akin nang makaroon ng distansya sa amin ang mga kapatid ko.

I sharply looked at him.

Pinili kong maupo muli sa pagitan ng mga kapatid ko at naupo sa unahan namin ang bampira.

"Tulad nga ng sabi ko. We need to find the map inside the main library. At mabubuksan lang ang aklatan sa pamamagitan ng susing may mahika o mismong mahika mula sa ating angkan. Humingi ako ng tulong sa inyong dalawa dahil alam n'yo ang kakayahan ko. I can never open the main library," bahagyang humina ang boses ko nang sabihin ko ang huling kataga.

Sabay hinawakan ng mga kapatid ko ang dalawa kong kamay na nakapatong sa lamesa. Dahil alam kong nararamdaman din nila ang nararamdaman ko. I've been frustrated with my power. I've been a burden to my family.

Alam kong hindi lang ako ang humihiling araw-araw na sana'y bigla nang magpakita ang kapangyarihan ko. My parents have been doing their best to send me support just to awake my power, but no matter how we tried my power is failing me.

At dahil nga ang bampirang ito ang siyang maging dahilan ng posible kong pananatili rito sa mundong ito na hindi na kailangan humantong sa pagiging alay, handa ang dalawa kong kapatid na sumalungat sa batas ng aming angkan.

We're helping an outsider.

"Tama ba ang sinabi sa amin ni Anna na magagawa mo siyang matulungan sa sandaling siya'y isalang na sa kanyang pormal na pagpapakilala?"

I knew that it was an empty promise. Ngayon na nagkaroon na ako ng ideya sa kakayahan ng mga bampira, alam kong malayo na iyon sa nasasakop ng kanyang magagawa. We will get caught if he will to use his power and make it appear like mine.

Tumango ang bampira sa mga kapatid ko. Ramdam ko ang mas lalong paghigpit ng mga kamay nila sa akin.

"Alright. We will cooperate."

Napahinga nang malalim ang bampira. "Now, we need to get the map as soon as possible."

"We should use the key. We steal it and bring it back," ani ni Ate Amie.

"You should be aware, Anna. Since the main library is well-protected even the familiar presence of our power can trigger its magic and alert the elders. Kaya mas mabuti nga na gamitin natin ang opisyal nitong susi," dagdag ni Ate Maya.