ရှုဟန်ယွီသည် စိတ်သက်သာရာရသွားပြီး မိန်းမပျိုလေးအား အလိုအလျောက်ပွေ့ဖက်လိုက်သော်လည်း သူ၏ဒဏ်ရာများကိုမထိဝံ့ပေ။ သူ့ခြေထောက်များကိုသာသုံးပြီး ရှုကျင်ထျန်း၏ခြေထောက်နှစ်ချောင်းကို ရစ်ပတ်ကာ လက်နှစ်ဖက်က သူ့ခန္ဓာကိုယ်ကိုဖွဖွထိကိုင်ထားသည်။
မိန်းမပျိုလေးသည် အစကတည်းက ပိန်သွယ်သည်ဆိုသော်လည်း ယခုမူကားအသားအနည်းငယ်သာ ကျန်တော့သည်။ မိန်းမပျိုလေးကို ပိုကြီးလာအောင် သူအစားများများကျွေးရမယ်!
ရှုကျင်ထျန်းသည် ရှုဟန်ယွီ၏လုပ်ရပ်များကြောင့် အနည်းငယ်ထိတ်လန့်သွားသည်။ မြွေကြီး၏အေးစက်သောလက်များက သူ့ခန္ဓာကိုယ်ပေါ်ကိုထိနေသောအခါ ရှုဟန်ယွီက သူ့ကိုအသားဘယ်နှပိဿာလောက်ရှိနေပြီလဲဟု ခန့်မှန်းနေသလို ခံစားနေရသည်။
"ထျန်းထျန်း အရမ်း ဗိုက်ဆာနေတာလား။ ဒီရက်ပိုင်းမင်းသေချာ မစားရဘူးမဟုတ်လား"
'ထျန်းထျန်း' ဟူသည် သူ့နာမည်ကို ရှုဟန်ယွီက ဘယ်လိုပြောရမလဲဆိုတာကို သိပြီးနောက်ခေါ်လာသည့် နာမည်ပြောင်ဖြစ်လေသည်။ သူ၏အားနည်းသောဆန္ဒပြမှုနှင့် ပတ်သက်၍ တစ်ကြိမ်ငြင်းဆန်ခံရပြီးနောက် သူ့ကိုယ်သူသဘောတူရန်သာ တွန်းအားပေးနိုင်တော့သည်။
(TN: တစ်ကြိမ်ငြင်းလိုက်ပေမယ့် နောက်တော့အဲ့လိုခေါ်တာကို လက်ခံလိုက်ရတယ်လို့ပြောတာပါ)"အမ်း! နေ့တိုင်းအသားမကင်ရင် အသီးပဲစားရတယ်...ငါကောင်းကောင်းမစားနိုင်တော့ဘူး...အခုငါတစ်ခုခု တွေ့ရင်ကိုက်ချင်တယ်...အဲ့ဒါက ငါစားလို့မရရင်တောင် စားချင်စိတ်ဖြစ်လာတယ် ”
အထူးသဖြင့် မင်းကိုကိုက်ချင်တယ်...
ရှုကျင်ထျန်းသည် သူ၏စိတ်ထဲတွင် ထိုစကားကိုလျှို့ဝှက်စွာဖွင့်ဟလိုက်သည်။ရှုဟန်ယွီ၏ ရှည်လျားသောခြေထောက်များသည်အရိုးမရှိသကဲ့သို့ ရှုကျင်ထျန်း၏ခြေထောက်များကို ရစ်ပတ်ထားပြီး တစ်ဦးတည်းဟုပင် ထင်ရလောက်အောင်မခွဲခွာဘဲ အကြိမ်ကြိမ်ရစ်ပတ်ထားသည်။
အဲ့တော့ မိန်းမပျိုလေးက တကယ်ကြီး ဗိုက်ဆာနေတာလား? အဲ့တာကြောင့် သူပိုပြီးပိန်လှီလာတာ အံ့သြစရာမရှိတော့ဘူး။
YOU ARE READING
မြွေသားရဲ၏ဇနီးသည် 【MM Translation】
FantasyTitle - Beastman Forcefully Raising a Wife (Unicode) ချမ်းသာသော ဒုတိယမျိုးဆက်သခင်လေး ရှုကျင်ထျန်းဟာ ပြန်ပေးဆွဲခံရပြီးနောက် ရုတ်တရက်တခြားကမ္ဘာသို့ရောက်သွားခဲ့လေသည်။ သူသည်ရက်စက်သော စပါးအုံးမြွေအသိုက်သို့ ပြန်ပေးဆွဲခံခဲ့ရသည်။ သို့သော်သူသည် သူ့ကိုမစားရု...
(15.1)
Start from the beginning