#قطعه_مني
#الحلقه_الخامسه_والثلاثون
#بقلم Ñř Ŕóhã ✍
إن البهجة التي يخلقها وجودك، تجعلني أتحمل أي شيء.❤
حولت المصليه وطبقت الصلايه طلعت من الدار بنمشي اندير فطور مع طقت الباب معش وقف طقطقطققططقططق وجررس
انا..شن نسو ضرف اخرا
من.جيت هيا فتحت الباب وقفت مصدومه.
رنده..اسفه علي الازعاج
انا..نشوفلها قاعده عوووود ملامحها غريبه غير اعيون بس قعدات هلات السود تحت اعيونها رنده شن ساير معاك
رنده..سامحيني نور
انا..عليش نسامحك شفت ل شاهين حبيبي شيهو نجك ليا اا نسيت تفضلي
رنده..لالا
اناا.تقعدي واقفه علي الباب خشي للمربوعه
رنده..عادي
انا..انتي ام الغالي شيهو خشي
رنده..خشت وشاهين في يدها يمشي
رنده..قعمزت علي الصالون
انا..مرايفه عليه شاهين
رنده..ح يقعد معاك العمر كله شاهين
انا..كيف يعني
رنده..ثاني يوم الفرح مش جيتكم
انا..اها
رنده..كنت مكتشفه سرطان الثدي عندي
انا..حطيت يدي علي فمي تحكي جديات
رنده..اها مشيت لمصر انعالج استأصلوه ليا وبيدت ناخذ في كيماوي مش ح نحكي ونوجع راسك المهم انا توا في مراحلي الأخيره يعني في اي وقت نموت اوليدي امانه عندك نور لو يجي واحد من خوتي ولا بابا ولااي انكان شاهين مايطلعش منكم مريت بضروف صعبه في حياتي ماننحسدش عليهن توا ربي ح يخذني وهذي ورقه من المحكمه متنازله علي شاهين ل جلال وبدت تبكي مش قادره نخليه لكن عارفه لو متت شاهين تحضنا ماما ارجوك ماتخليهم يخذوه شفت معاملتهم له من اول ماخذيته
انا..خنوني ادموعي لا ربي ح يشفيك وتردي تحضني شاهين بين ايديك وتفرحي بيه كان ناقصتك حاجه انا نعطيك مش جلال والله حتي جلال مايندري وتطلعي لدوله اخري مش مصر
رنده..سامحيني نور
انا..مسامحتك من كل قلبي اصلا مش شايله منك والله قبل ماتجي تخذيه ومعاك السجانه يشهد ربي علي كل كلمه قلتها اني نبي اندير المستحيل عشان نوصلك وتشوفي شيهو من اول ماشفت كاتبه علي الحكه عرفت انك درتي كله شي من ورا قلبك
رنده..طبست مش لقيتلك وجه وصوت سياره برا اتبيب
رنده..صبت نمشي هذي بنت عمي جايه معاها وعندها شغل ونزلت شاهين من كترها عينك منا نور
انا..لاح تشفي وانتي اللي اديري بالك عليه ربي إذا حب عبده ابتلاه وهذا بتلاء عظيم ربي يبي يختبر صبرك قد شنو تقدري تصبري
رنده..يارب نزلت باست شاهين وطلعت
انا..ماسكه شاهين في يدي طلعت رنده وصكرت الباب البراني وراها بدون ماتلتفت
شاهين..يبكي
انا.نزلت عليه حضنته لاحبيبي توا تجي وتاخذك من جديد وح تكون اكويسه تعال معايا نعطيك شوكولاطه روحي
شاهين..يثاوب ويمسح في اعيونه
انا..ونعسان اخري نجك ليا تعال هيا
مشينا للمطبخ هذا كرسيك بس توا خلاص معش نقدر انحطك عليه توا راجل شيهو حبيبي
درت حليب وبدينا نفطرو ونهدرز معاه كأني نهدرز مع حد كبير من كثر مامبسوطه بشوفته صاح مش مني لكن عنده عندي معزه في قلبي
جمال..حبيبي
هبه..تحت الورغان ماتردش عليه
جمال..رفع الورغان حبيبي
هبه..شفتله
جمال..تبكي ياروحي
هبه..ردت الورغان ماتحكيش معايا
جمال..من امس جوك مش تمام شن فيه
هبه..تبكي مانبيش نحكي معاك
جمال..رفع الورغان وشدها شوره لاتحكي شن فيه
هبه..انت مازالت تحبها خطيبتك
جمال..اااا لا
هبه..تشوفله بخيبه تمام وردت ارقدت
جمال..عرف انا هبه شافت شي ماحب يكثر عليها لو بدا يحكي تكبر المشكله مرات توصل ل فراق لبس جاكته وطلع يخليها نين تهدا ويحكي معاها
هبه..رفعت الورغان واللي شفتهن شن جمال شن باهي يديها علي وجها وتبكي
جمال..في السياره هذي شن شافت من انوار والله الرسائل اللي بينا حذفتهن
هبه..رفعت الورغان وخشت دارت دوش ولبست توته وطلعت طول ل نور
طقطقطقطقق
انا..نرقد في شيهو اششش فاتحه من هذا
طلعت ونشوف ل شيهو وعا رفعته وطلعت ل باب نلتقط في انفاسي
فتحت الباب
هبه..حضنتني نووور
انا..مش قادره ناخذ نفسي شن فيه هوبي
هبه..وخرت شاهين
انا..صكرت الباب خشي
هبه..شايلته وانتي معاك اثنين ارحمي روحك
انا..عادي خشي شن فيه
هبه..تبكي
انا..فطرتي
هبه..لالا.
انا..تعالي معايا للمطبخ
ومشينا وهبه دموعها ماوقفو
انا..نحطلها في حليب ونفتح في الثلاجه نحطلها في جبنه وزيتون احكيلي شن فيه
هبه..ماتحطيش ماعنديش نيه
انا..لاتاكلي
هبه..جمال مازال يحب خطيبته
انا..كيف اتجي هذي
هبه..امس مش نزلت ل عمتي
انا..اها
هبه..عطتني كيس كبير قلتلي هذا كان مسيبه عندي جمال عطيه له
انا..وانتي الفضول متاعك فتحتيه
هبه..اها
انا..بس هذي امنه هوبي تعال شيهو رفعته وبديت نهوي عليه
هبه..فضولي بيقتلني
انا..بس عمتي غلطانه كان اتسلمه له هوا
هبه..فيه صور لها وهدايه بينهم
انا..عادي موضوع مانحرقش دمي عليه
هبه..بس انا
انا..شفتله شفتي شن صار فيا هبه شفتي الصندوق هالكبره عزقته كله كلنا عندنا ماضي صاح
هبه..تشوفلي بس
انا..نختصرلك هوا في النهايه من خذا
هبه..خذاني
انا..خلاص واضحه هوا مسكين يمكن نسا بس انا يحرقهن
هبه..بس جميله البنت
انا..جمال جمال الروح لو روحها سمحه كيف جمالها راهو توا معاه هبه
هبه..يعني
انا..امسحي ادموعك وافطري
هبه..ريحتيني
انا..ابتسمت نجك ليا
هبه..شاهين امتي جا
انا..شفتله لقيته يشوفلي نجا ليا عارف اسمه اليوم في الصبح
هبه..من جابه
انا...رنده
هبه..طليقته هذي ماعندهاش غير الصبح
انا..لو مامجبروه ماجت
هبه..شن فيه
انا...................
هبه..لا
انا..حضنت شاهين ربي يشفيها وترد تحضنه من جديد
هبه..ليش اطلبت انها لو صرتلها حاجه ماتعطيش لهلها
انا..مشعارفه ماحبيت انكثر عليها
هبه..تفطر نزلت الكبايه انسدت نيتي
انا..كلهن اختبارات من ربي ربي يردلها صحتها وترد تحضن اوليدها من جديد
هبه..قلبك كبير لو انا في مكانك مانمسكاش بجد
انا..انا عشت بدون اب وام كان سندي الوحيد عمي وعمتي عشت ايام من عمري نبكي بروحي من كثر مانحنلهم مانبيش شاهين يكون ضايع بين باته وامه نبيه في مكان امن لدرجه في بدايه زواجي طلبت من جلال يردها عادي
هبه..تبصري
انا..وغلاته جد مانبيش شاهين يكون ضحيه بينهم
هبه..وااااو نور واااااو انا نبي نمشي لشقتي ماديريش غداء توا انديرلك
انا..ماتعبيش روحك
هبه..مازال ينقطع عليك في النفس
انا..اها والله ثاقله
هبه..حتي صوت نفسك عالي
انا..ادعيلي ربي يخفف عليا نحس في روحي ثقيله
هبه..يارب حتي انا لها اسبوعين ماجتني
انا..درتي تست
هبه..لا
انا..ديري
هبه..توا اندزه
انا..عندي في الحمام مازال جديد
هبه..جد
انا..اها
هبه..نمشي انديره في شقتي
انا..عدي
هبه..كيف يندار باهي
انا...........
جلال..في مكتبه يدخن وينفخ فوق
العسكري طق الباب
جلال..تفضل
العسكري..افندي الضرف هذا جاك
جلال..طفا الدخان في الطفايه تمام
العسكري..طلع
جلال يفتح في الظرف..((نور خلي جلال يبعد عنا انتي في خطر انتي وعيالك اللي مازالو ماجو علي الدنيا اخر تنبيه نفس الظرف جا ل زوجتك توقع منا اي شي لو ماطلعتنا من راسك))جلال كمممممممممال
كمال..جا يجري شن فيه
جلال..عن.........ال.........كنا اختفا
كمال..قعمز علي الكرسي فجعتني ياراجل شن ساير
جلال..كيف انحصل امه حتي الخطه اللي درتها فشلت مع د........
كمال..هوا قالو سافر بس قاعد في البلاد متأكد والشغل معش جاه
جلال..يخبط علي المكتب تخلقو امه
كمال..ياراجل مازالت نرعش منك والله انشالله خير
جلال..خذا مفتاحه وطلع
كمال..راجي
جلال..ماشي لحوشي
كمال..تمام
جلال..صكر المكتب
كمال..حاضر
جلال..تنهد من وسط قلبه يمكن لاول مره حس انا نور فعلاا في خطر كان خايف علي نور بكل
فات الوقت جت ساعه2
جماال..السلام عليكم
جعفر..هلا بالطبيب الجراح
جمال..مش وقتك بكل راهو
جعفر..شن فيه
جمال..شي نبي انتغدا معاكم
جعفر..بانديتي دير احساب جمال
جمال..باتي مازال ماجا
امنه..تمسح في ايدها مرحبا
جمال..خير امي
امنه..كنك مانزلت هبه
جمال..سيبتها فوق
امنه..في شي
جمال..لاوالله
جعفر..شن الغدا بانديتي
هناء..طلعت من المطبخ رز ابيض
جعفر..انااااعلي من الحره
هناء..هههه شخبارك جمال
جمال..خير هنو شن جوك انتي
هناء..تمام الحمدلله كلم هبه اتغدا
جمال..لالا
امنه....خطرها امس عطيت ل هبه الكيس اللي سيبته عندي قلتلها تعطيه لكي
جمال..شاف الامه اي كيس
امنه..الوردي
جمال..لاااا امي صبا
جعفر..الغدا
جمال. صحه
امنه. شن قلت
جعفر..مدرعنه شن فيه
امنه..حي عليا شكلهم تكينها
جعفر..يانا ليله توا يصالحو
جمال..يركب من الدروج
عبدالفتاح..مرحبا
جمال..خير باتي
عبدالفتاح..غداء
جمال..لاراكب متغدي فوق
عبدالفتاح..براحتك
هبه..طالعه من الحمام وفي يدها التست بدا يوضح الخط الثاني كيف يعني
جمال..فتح الباب
هبه..ردت حطت التست في الحمام ورا الشامبو وطلعت طول للمطبخ غسلت ديها وتحط في غداء ل نور
جمال..هبه
هبه..مش وقت مشاكل
جمال..انتي فاهمه غلط
هبه..لافاهمه صاح وطلعت غبييييه وتوا وخر من يلا خلقتي بنشيل السفره ل نور
جمال..قعمز علي الطوله الاكل وحاط يده علي راسه هذي كيف ب نفهمها اناااااا
جلال..يركب من الدروج
هبه.. جيت في وقتك خوذ مني السفره
جلال..ليش اتعبي في روحك
هبه..لامافيش تعب
جلال..فتح الباب وخذا السفره تفضلي
هبه..لايزيد فضلك جمال جا بنحطله يتغدا
جلال.تمام خذا السفره وحطها في المطبخ نور
انا..كنت راقده علي السرير متغطيه بالورغان وجنبي شاهين
جلال..نور
انا..فتحت اعيوني حبيبي جيت
جلال..راقده لتوا
انا..رقدت لانا هبه قلتلي نحسبك في الغدا
جلال..يسلح في دبشه وراقيله هذا كله مازال ماشاف شاهين
انا..حبيبي في شي
جلال..لا
انا..متأكد
جلال..قلت لاااااااااااا
انا..رديت الورغان بشويش علي وجهي كان صوته عالي لوزدت عليه احتمال يضرب في وقتها
جلال..نور اسف كان عندي شغل وتعبان
انا..دموعي علي خدي
جلال..نووووور
انا..مانردش
جلال..رفع الورغان
انا..حاطه يدي علي وجهي
جلال..شاهين
انا..نبكي بدون صوت
جلال..مسكني من يديا وقعدني سامحيني شاهين من جابا
انا..نشوفله عارفني مانحب حد يعلي صوته عليا
جلال..اسف من غير قصد رفع شاهين الراقد يحضن فيه حبيبي بابا رايف عليك
انا..نمسح في دموعي
جلال..قعمز جنبي اسف ياعمري حط راسي علي كتفه
انا..معش تعلي صوتك نخاف انا
جلال..يبوس في راسي حقك عليا خلاص
انا..راسي علي كتفه
جلال..قوليلي نور شاهين من جابه
انا..رنده
جلال..بجوها هيا
انا..اسكت تعاني مسكينه
جلال..كيف يعني
انا.......................
جلال..تحكي جد
انا..نمسح في ادموعي اها
جلال..يعني شاهين معش تبي تاخذه
انا..قول ربي يشفيها وترد تحضن ولدها بين ايديها
جلال..انشالله
انا..وجعاتك صاح
جلال..برغم من كل شي دراته اكيد وجعتني ربي يشفيها
انا..اللهم امين
شاهين..فتح اعيون شاف جلال بدا يبكي ويرفع في يديه ليا
جلال..انا بابا شاهين
شاهين..يبكي
انا..خذيته
شاهين..حضني
جلال..لاهكي نغار
انا..ههههه صح مش من كبدي لكن والله انحبه
جلال..حتي انا انحبك هيا هبه جابت غداء
انا..صاح امتي جت
جلال..توا
انا..هيا نزلت شاهين وصبيت ااااااه ظهري رديت علي السرير
جلال..كنك
انا..حاجه طقت في ظهري
جلال..لانك صبيتي بسرعه
شاهين..يبكي
انا..تعال شيهو نزلت رفعته هوبا
جلال.تي شن اديري انتي
انا..مش شورك
شاهين..يمسك في شعري ويحضن فيا
جلال..لاالجو هذا معش يمشي معايا انا احضان وبوسات
انا..ههههه مشيت لحمام غسلت وجهي ورديت رفعته ومشينا للمطبخ
جلال...يفتح في القزير
انا..انشالله رز امبوخ
جلال..شاف شن قولك
انا..اكيد مكرونه بس خاطري في رز بجد
جلال..فتح القزير كان تمنيتي حاجه ثانيه
انا..بديت نوكل في شاهين بطاطا
جلال..كولي انتي
انا..توا ناكل
جلال..ياكل ويشوفلي
انا..شفتله كنك ههههه
جلال..انتي هكي ديما حنونه
انا..انا بنت بسيطه نحب البساطه الحن في الدنيا حبيبي
جلال..انحبك حبيبي
انا..كان اتحبني ماتعصبش عليا عارفني حامل ونفسيتي صفر
جلال..خلاص ياروحي
انا..راضيني كوناني
جلال..هههه بشنو نرضيك ياصايعه
انا..لاااااا ههههههه عقلك عدا للبيعد
جلال..نحب عقلي يمشي معاك للبعيد
شاهين..اميه نول
انا..هههههه حبيبي ياعيون نول
جلال..ههههههه
انا..مديت كبايه صبلي اميه
جلال..صبلي
انا..نشرب فيه
هاجر...ماهر
ماهر..اطلعي برااااااااا حاط يده علي وجه
هاجر..حبيبي شن سايرلك ليش اتعامل فيا هكي انا هاجر حبيبتك
ماهر..من انتي اصلا اطلعي من حياتي
هاجر..يعني انت ناسيني
ماهر..صوت صوتك انتي هاجر وجهك مش هكي وجه عفريته وجها كله ادموات
هاجر..اشهقت مشت تجري لدار تشوف في وجها علي المرايه وتبكي والله وجهي هو وجهي حبيبي ردت
ماهر..قتلك معش اتبحتي فيا
هاجر..تقرا في المعوذات وايه الكرسي
ماهر..دفها وطلع
هاجر...ماهر اكيد مديورتله حاجه يعني لنا كم متزوجين كان يتمنا بالساعه امتي انكون بين ايده ومعاه
طاحت علي الوطا وتبكي بصوت يااااااارب ليش ايسر معايا هكي يااااارب مسحت دموعه وطلعت وراه شافت السياره بعد اطلعت
ردت فتحت علي قران وعيطت للعمتها من عند البلكوني بأنها تركبلها
