#قطعه_مني
#الحلقه_الأولي
#بقلم Ñř Ŕóhã
في يوم 2\9\2015...جتني مراة عمي في داري قالت انا جايك عريس وعمك وافق وتفقك مع العرب بعد بكرا يجن الصبايا
انا...😳منذهله كيف يعني
مبروكه...كيف ماسمعتي
انا..باهي انا مش موافقه كيف تردو علي العرب وتوافقو وانا اخر وحده تاخذو رائي
مبروكه..العرب اكويسين ونحنا شاريين راجل
انا..في وقتها حسيت الدنيا وقفت بيا وخنوني دموعي في ثانيه ليش انا ليش ماتعطو بنتكم
مبروكه..هاجر اصغيرة
انا..انا اللي كبيرة هاجر اكبر مني
مبروكه...بنتي مازالت تقرا في جامعه مش في عقلها الخبر هذا
انا...باهي حتي انا مش في عقلي عمي قوليله مش موافقه
مبروكه...تبي اطلعي عمك مش قد كلمته قدام العرب
انا..طلعوني منها انا مش موافقه 😭😭😭😭😭
مبروكه...علي كيفك بينك بين عمك هوا قالي بعد بكرا الصبايا جايات
طلعت مبروكه وخذيت تلفوني ورنيت علي قطعه مني #ياسين مستحيييييل يرخي بيا
رنيت عليه طلع بالمشغول كالعاده وعاود عليا طووول
انااا.😭😭اسو عطوني
ياسين...عليش تبكي شن فيه
انا...عمي عطاني جوني خطابه وعطوني
ياسين..تي شن تحكي انتي
انا..كيف ماحكيت لو شاريني صاح تعال اطلبني قبلهم
ياسين..بس انتي عارفه ب ضروفي
اناا...مانبي شي كلمه بس حتي الفاتحه مانبيهاا نبي نكون #لك اسو نبيك انت 😭😭😭😭
ياسين...من هما الخطابه
اناا..مش عارفه
ياسين..اسالي من
انا..يعني ماتخليهم ياخذوني
ياسين...اندير اللي نقدر عليه
انا...في لحظه عرفت اني تميت لهم مش له ياسين ضروفه صعبه وحيد امه باته متوفي وهوا اللي متحمل المسؤؤلية امه وخواته مايفكرش في روحه يفكر فيهم بس شغله وتعبه لهم مايبيهم يحتاجو لي أي حد
ياسين..تسمعي فيا
انا...تمام
ياسين..نرجا في رنتك
انا..تمام
صكرت منا ومشيت لمراة عمي
انا...عمتي...
مبروكه...نعم
انا..من العرب
مبروكه..موافقه
انا...نبي نعرف منو بس
مبروكه...ولد صاحب عمك انتي تعرفيه...
انا...منو اصحابه واجد
مبروكه..ولد عبدالفتاح #جلال
انا...😳😳بس متزوج تقريبا
مبروكه...لاطلق
انا...بس عنده اصغار
مبروكه..عيل واحد وعند امه
انا...تعطوني لواحد مطلق
مبروكه..مش عيب الطلاق ونحنا شريين راجل
انااا...انا مانبيش
مبروكه..بينك بين عمك
اناا..بعد يجي توا نحكي معاه
مبروكه..بينكم
انا..خشيت لدار اعيوني منتفخات ونفسيتي0% متمنيه الموت💔
لهدرجه بعد يموتو هلك يقصرو فيك
خليني نعرفكن بروحي...
اسمي نور م 95 شخصيتي هادية اعيوني وسعات وسود بيضه شعري طول اظهري جسمي ارقيقه وقصيرة
بابا وماما وخوتي لاثنين ماتو في حادث سير اليم انا اصغر وحده ..نصيبي في يومها كنت عند عيت عمي اللي انكتب علي نعيش معاهم العمر كله خوالي بحكم انهم بعيد ماقدروش يتحملو مسؤؤليتي باتي وامي هل ماما متوفيين وخوالي متزوجين وبعيالهم....
نعاود لقصتي
بعد فات وقت رنيت علي اسو طلع بالمشغول وعاود عليا
انا...الووو😭
ياسين..وقفي بكا
انا..مش قادرة نتقبل نكون لغيرك
ياسين..شن اسمهم
انا.............العنوان....
ياسين...استني مني مكالمه
انا...نكون متريحه
ياسين...مش ح تكوني لغيري بأذن الله
انا..انحبك وربي😭😭
ياسين..حتي انا انحبكك ربي عالم وقفي بكا ياعيوني اوك
انا..اوك
وفات اليوم كله نفسيتي 0 في ليل جا عمي معاه اعياله لاثنين
عمي..نوور
انا...نسمع فيه وقلبي يبي يوقف
طلعت بشويش نعم
عمي..كيف مش موافقه قلتلي مبروكه
انا 😭😭😭مانبيش نبي نعيش معاكم
عمي..هذا دلع انا شريت راجل مانردش في كلمتي
انا...باهي انا ماليش رائي عمي انا بنت خوك كيف بنتك
عمي..صدقيني اخترت اللي ماخترته لبنتي
انا...عمي هوا متزوج
عمي..طلق
اناا..كان ردها
عمي..هذا في يدك انتي
اناا..باهي انا مانبيش.. نصيبه مش ليا
عمي..هما جيين يطلبو من حقك تطلبي نظرة شرعيه شوفيه ممكن اتريحي معاه
انا...هنا في وقتها حسيت الدنيا انسودت قدامي
عمي..والله كان ما اعيالي اصغار راني خذيتك لواحد منهم مش هاينه علي تطلعي برا انا مش عارف امتي ربي ياخذ امنته وانتي وصيه محمد نبي انتريح عليك
اناا...😭😭😭😭😭ادموعي خنوني رسمي
عمي...صلي استخارة وربي يجيبلك اللي فيه الخير
اناا.ولا كلمه غير😭😭مابوش يوقفو خنوني عارفات شن يعني ادموعك يخنوك مش قادره اديري شي كيف تمشي لراجل مش عارفته وفوقها جايه علي ضرة وفوقها حبيبك ل علاقه 7سنوات يضيعن في يوم💔 جميع الافكار يمشن ويجن تعبانه ومش قادره انعبر نبي ياسين نبي نكون حلال ياسين مش حلال حد ثاني
مبروكه...تعالي تعشي
انا...صحيتي ماخطريش
عمي..غير تعالي سلم عمك
انا..نمسح في دموعي اللي مش قادره نوقفهم ومش عارفه مصيري شن حيكون صحه ماعنديش نيه صبيت من يلاهم
عمي..باه براحتك
انا...خشيت لدار ومسكت جهازي ونتصل ب ياسين الرقم المطلوب خارج التغطيه اووووف وينك ياسين مش وقت تكون مش في تغطيه😭
دزيتله رساله(وينك حبيبي شن صار معاك خليك في تغطيه)
هاجر...نور وينك
انا..نعم
هاجر...نبيك تشرحيلي المسأله هذي
انا..مش قادره نحرجها بس جتني في وقت مش فاضيه حتي لروحي
هاجر..عارفه روحي جيت في الوقت الغلط بس مالياش غيرك
انا..عادي ولايهمك
بديت نشرحلها ونحاول نركز معاها افكاري متشتته عقلي مش معايا خليتها تفهم بكل بساااطه قعدنا تقريبا ساعتين
هاجر..علي فكرة تبسطي فيهن بكل
انا..اهم شي فهمتي
هاجر..لافهمت خلاص خذت الشيتات وطلعت ونسمع في مسج مرتين جاني
انا اكيد قعد في تغطيه
فتحت الجهاز لقيت تسليم الرساله وجاني مسج ونصدمت (نور دنيتي ربي ايسر امورك وافقي علي العريس)......#يتبع
اسفه لو في لخبطه في الاسماء
انشالله تنال #اعجابكم
#انتظروووني_في_الحلقه_الثانيه
#ايميلي جديد نتشرف اتكونن صدقاتي وديرن متابعه❤
