#قطعه_مني
#الحلقه_ثلاثون
#بقلم Ñř Ŕóhã ✍
أُحبّك لأنك تختلف أختلافًا شاسعًا عن كل من يُحيطنِي بطريقة حديثك و نظراتُك بطريقة مُلامستك و مُعانقتك🎶
هبه..اختصر
جمال. قتلك انحبك
هبه من انت
جمال..يهمك
هبه ..مش حارقه كبدي لكن بنعرف ك فضول يعني🙄
جمال..هبه انا.جمال
هبه..جمال من
جمال..اخ جلال
هبه..اوووو دكتور كيف جبت ايميلي
جمال..مش صعبه عليا
هبه..اكيد نور
جمال..نور ماتندريش
هبه..من عطاه لك
جمال..هبه🙄خلاص جبته وخلاص
هبه..به شن تبي توا
جمال..نبيك
هبه..اعيونها قلوب ردت شن يعني
جمال..امي تبي تجي تطلبك الاسبوع الجاي انا راجل جدي وناوي الحلال
هبه..اعيونها علي التلفون بعد قرت المسج صكرت التلفون وخشت تحت الورغان
جمال..هذي وين راحت ...هبه🙄
انا..نشوف ل جلال
جلال..مطبس وحاط يديه علي راسه
انا..جلال
جلال..رفع راسه وعيتي
انا..شن فيه ليش قاعد هنا
جلال.رد طبس من جديد تمام نور حتي كان اعتذرت مش ح ينفع معاك معاك الحق في كل شي زودتها انا ندمان اني جرحتك قدامهم وخليتك تبكي بسببي وصبا خوذي راحتك انا نمشي انتريض
انا..نشوفله وين ماشي
جلال..الدور الاخير
انا..م رديتش عليه
جلال..كملي نومتك مش ح نزعجك وطلع
انا..نشوفله ونشوف ل شيهو اللي رد رقد انسندت علي السرير كان تلفوني معايا راهو توا نحكي مع هبه اوووف
جمال..هذي شكلها صكرت نت صكر تلفونه ورقد
جعفر..حبيبي
هناء..نعم ياعمري
جعفر..امتي انجي نطلب
هناء..خليها اشوي
جعفر..مافيش اشوي امتي
هناء..وين نسكنو باهي
جعفر..نسكن مع امي فتره لعند م نبني
هناء..كان قالو لا ولاعمتي ترفض
جعفر..انتي تعرفي امي
هناء..تمام حبيبي اللي يريحك
جعفر..يعني م عندكش مانع
هناء..مش ح نكون معاك
جعفر..اها
هناء..خلاص
جعفر..انحبك بانديتي
هناء..نموت فيك
فاتت ساعه جلال ماجاش
لبست جاكه فوق التوته وطلعت من الشقه ركبت الدروج درجه درجه مش عارفه شن انقول ولاشن ح ندير نبي نشوفه وبس مش عارفه عمي شن حكا معاه عشان تغير عليا ركبت لدور الثالث في باب كله قزاز فتحته كان المكان كله ضلمه في ضي باين عليا وصوت موسيقي هادي مشيت فتحت الباب صدرني جلال يتريض
انا..وقفت عند الباب مسكره الجاكه بيديه ونتأمل فيه وفي المكان اللي قاعد فيه صاله بس ناقلها للحوش مافيش حاجه مافيها
جلال..يرفع في الحديد وباين عليه انا راقيلا رسمي
انا..نسمع في الموسيقي وجلال يتريض
انا..جيت قعمزت علي الوطا جنب المنظومه كانت اغنيه اليسا_كرهتك_انا....في وقتها صوره ياسين بين اعيوني هوا اللي وصلني لهنا هوا اللي سيبلي كل شي وعدا حسيت الاغنيه كأنها عليه سندت راس علي الساس وصكرت اعيون ونغني معاها كان صدا صوتي عالي
جلال..وقف وشافلي
علمتني كيف الكرهه بيكون حرمتني صدق بعمري عيون
ضيعتني و ياريت ما عرفتك شجعتني ع الدنيا قولت هويت
سمعتني احلى حكي ومشيت و دعتني و ياريت ما شفتك
شو عملت فيي و انت اللي عارف اني ما فيي منك انجرح
شو عملت فيي قدام عينك انتى قلبي قلبي بيندبح
ما بقى فيااااي اسهر لحالي ابكي عحالي نسيتك انا
ما بقى فياي ااااه اقولك حبيبي كذب عحالي كرهتك انا
غيرتني غيرت فياي كتير عودتني عيش الاسى بكير
غيرتني وما عرفت غيرك اسيتني ع الدنيا كلها قسيت
بكيتني و قبلك انا ما بكيت موتتني مع اني عيشتك
شو عملت فياي و انت اللي عارف اني ما فياي منك انجرح
شو عملت فياي قدام عينك انت قلبي قلبي بيندبح قاطع صوتي
جلال..يصفق👏ماشالله عليك
انا..فتحت اعيوني
جلال..لمن تغني
انا..جلال
جلال...من كرهتي مايكونش انا
انا..نكره اللي يكرهوك مديت يدي
جلال..مسكها ورفعني
انا..من بدري تسمع فيا
جلال..صدا صوتك واضح الموسيقي هادي
انا..موسيقي اليسا لكن الغناء حبيبتك
جلال..صوتك جميل
انا..حضنته ربي مايحرمني منك
جلال..ولامنك ياروحي
انا..كملت
جلال..وين مازال ساعه اخري
انا..يومي اتريض
جلال..اها
انا..انعلي باه تريض انا انتفرج عليك
جلال..مش نعسانه
انا..لا
جلال..شاهين وين
انا..راقد
جلال..تمام ركب علي اله المشي
انا..ركبت ورا ومسكت في ظهره
جلال..انا نعلي في السرعه مرات اطيحي
انا..خليني قبلك عشان مانطيحش
جلال..هههه تعالي
انا...حولت الجاكه وجيت قدامه
جلال..عدل السرعه مشي
انا..قصدك اتعلي فيها
جلال..يمشي اها
انا..سمحه توا انتريض امعاك
جلال..نبيك تسمني انا نووور
انا..بس لياقه هذي
جلال..ماعندكش جهد
انا..دهشت وقفها كوناني
جلال..وقفها
انا..وووه عليا سرعه بطيئه ودهشت
جلال..اللي واخذ عليها بس عادي وركب اخر وبدا يمشي بس بسرعه قعمزت علي الوطا ونتفرج عليه
انا..نثاوب جلال
جلال..نعم
انا..نعست
جلال..خلاص روحي انزلي انا نص ساعه ونازل
انا..تمام خذيت جاكتي ومشيت
جلال..نور
انا..وقفت نعم
جلال..سامحتيني
انا..مانقدرش نزعل منك المشكله طبعي مانعرفش انشيل من اي حد وانت روحي مسامحتك
جلال..انحبك
انا..ابتسمت ونزلت طول رقدت جنب شيهو
مررررت ست اشهور علي زواجي من جلال طبعا كيف طبعا ماتغيرش نوعا ما بديت انتعود عليه
جمال.خطب هبه رسمي
جعفر..خطب هناء واخيرا العيله كلها عارفه انا خذاها غصب عنها بانديتا ههه
هاجر..فرحها بدايه الشهر الجاي حايسه اتوتي
انا..حبيبي
جلال..روحه
انا..حضنته حبيبي امتي مروح
جلال..مع ل2:30
انا..شن تبي الغدا
جلال..ديري جوك ياروحي
انا..قربت منه حبيبي
جلال..هههه مصلحه
انا..لاا عمري معقوله هك باين عليا
جلال..بكل
انا..بعدين نبيك اطلعني
جلال..وين
انا..نشري دبش ل شيهو عشان الفرح
جلال..خلاص انجي بدري
انا..انحبك به قرب انبوسك به
جلال...ههههه يوخر
انا..حبيبي انت تقدر اتبوسني عادي انا ضروري نركب علي الطوله ولا السرير يعني
جلال..رفعني
انا..ههههه قعدت طولك اخشيمي علي اخشيمه
جلال..ههههه هبلتي
انا..انبوس فيه انحبك كوناني انحبككك
جلال..انموت فيك شن يعني نقعد مايسيرش من الشغل
انا..بسته علي رقبته عادي اقعد
جلال..تبيني نقعد
انا..اها
جلال..وعد انجي بدري عندي اوراق لازم ننهيهن
انا..نرفع في شعره وعد
جلال..م نقدرش انبعد عنك نفكر من توا الساعات كيف يمشن
انا..حبيبي
جلال..امممم
انا..خلي رنده تشوف شيهو
جلال..نزلني لا
انا..نشوفله حرام عليك اكيد مرايفه عليه
جلال..كان مرايفه ماوقعتش تنازل عليه انا معش تبيه
انا..بس كبدها اكيد امرايفه عليه
جلال..نووور
انا..تمام حبيبي بس نطلب منك حنن قلبك عليها اتشوفه اكيد مرايفه عليه
جلال..نوووور تنازلت في محكمه عليه معش تبيه
انا..تمام مش ح نكثر عليك وطبست
جلال..رفع راسي بين ايديه حبيبي حنيتك واجد لا
انا..نزلن ادموعي🥺 مانقدرش حبيبي شيهو بدا يمشي وهيا ماشفاته لها وين
جلال..يمسح في دموعي نور ماتبيش ماتبيش
انا..تمام
جلال..باسني علي راسي خلاص انا تأخرت
انا..تمام في امان الله حبيبي
جلال..باي
انا..باي ياقلبي
عبدالفتاح...والله ياناجي مافيه وقت
عمي..والله صدقت الوقت ضيق
عبدالفتاح. صدقت
عمي..اليوم اتغدا امعايا
عبدالفتاح..مره اخري
امنه..باهي ي جعفر توا نقولها ل باتك
جعفر..طلعوه بسرعه
امنه..باهي ياوليدي الفرح يبي بعدها انطلعك انت وجمال مع بعضكم
جمال..مايطلع معايا حد
جعفر..لاانا اللي ميت علي انك تطلع معايا
جمال..هههه نبصر ياراجل
جعفر..لاصدقتك شخبار هبه
جمال..وانت شخبار هناااااء
جعفر..م تحكيش علي حرمتي قال جلال
جمال..ههههههه
جعفر..هههههه
امنه...انا دزيت علي خواتكم الشهر الجاي يطلع
جعفر..احلفي
جمال..تحشم
جعفر..علي اساس انت مش ميت علي الفرح خلاص انت خليه السنه الجايه
جمال..امشي روح
جعفر..اهاا هههههه
جمال...ههههههه
امنه..خلاص انطلعكم مع بعضكم يمشي باتك يحدد مع الناجي يييه انسيت
جعفر..شن
امنه..يوم باتك مشا يبي يطلب هبه ل جمال الناجي قاله انا جبتها لكن عدي اطلبها من اللي رباها ومشا باتك ل حوش مصطفي طلبها له الناجي جا حظر بس حتي الشروط الناجي ماشرط شرط مصطفي
جعفر..كلا عمي الناجي اصلي
جمال..بكل مابش يحسسهم انهم عقم انها هذي هي بنتكم والطلابه يجوكم انتو في حوشكم مش له
امنه.والله فرحت بيها
جمال..طلع تلفونه من جيبه لقاها نبضي
جعفر..من
جمال..شن دخلك
جعفر..هبه
جمال امشي روح وصبا
جعفر..امأدبتك اترد طول
جمال..توا نشوفوك خش لداره وعاود
هبه..الووو
جمال..هلا بنبضي
هبه..حبيبي😭
جمال..كنك ياروحي
هبه..خايفه من امتحان بكرا
جمال..عارفك قدها ماتخافيش
هبه..نحس في روحي مرهقه وتالفه
جمال..لاحبيبي فكري بعد اتكملي حلمك وتحققيه ونبي نفرحك بشي
هبه..شن
جمال..باتي يبي يجي يحدد الفرح الشهر الجاي
هبه..لالا
جمال..هههههه شن اللي لا
هبه..لالاخليه سنه اخري
جمال..عينك تي انا نفكر بالساعه والدقيقه اللي تكوني بين ايديا تقولي لالا خليه السنه الجايه امشي روحي
هبه..هههه اتحبني
جمال..لالا
هبه..عارفه
جمال..انموت فيك انتي نبضي ياقلبي
هبه..ووووه عليا عارفني الكلام هذا يبي ليمون قدامي
جمال..شن ليمون ماليمون تحشمي
هبه..مانتحملاش بكل
جمال..ههههه اول حاجه انديرها بعد نزوجو ليمون مانجيباش بكل
هبه..عينك ننزل للعمتي اندير العار
جمال..ههههه مجنونه عارفك
