#قطعه_مني
#الحلقه_السادسه_عشر
#بقلم Ñř Ŕóhã
الحياة واسعة جداً لكن يضيقها الإنسان على نفسـه عندما يظن أن سعادتـه مرتبطة بأشياء مُعينة غير مكانك قليلاً لترى الضوء ...✍
هبه..يعني يصلو قولك شن انديرو نردو لسياره
جمال...تفضلي لاماتردي فاتحين بس مانبوش زبائن
انا..يخوف كنا مانشوفو غير الاشكال اللي هك هيا نطلعو بسرعه
هبه..غير استني بس انت مش
جمال..اها هوا
انا..تعرفيه
هبه..استني اشويا شن ادير هنا
جمال..محلاتنا
هبه..اها
انا..منو هذا وعليش تحكي معاه هيا نطلعو
جمال..اكيد انتي نور
انا..بحتت فيه تعرفني
جمال..ابتسم نعرفك ك اسم بس ح نتعارفو اقريب
انا..هبه هيا انا طالعه
هبه..ارمشت بسرعه وابتسمت غير استني هذا اخ جلال خطيبك
انا..شن.. شن عرفك هبه
هبه..هوا نفسه اللي جاب خواته
انا..تحكي جديات اسف ماعرفتك نستأذنو هيا هبه
جمال..مد يدا ماتبي اتسلمي علي سلفك
انا..ابتسمت مديت يدي مرحبا
جلال..سلم مرحبتين بيك انستي وشرفتي المحل وضغط ع يدها
انا..انت
جمال..تفضلي خوذي اللي تبيها مافي حد يخش ك زبائن يعني يدي كسرها في يده
انا..نفك في يدي اصابعه طبعات في يدي نرعش لا ل ا ل ش ك ر ا ودمعتي اقريبه من اعيوني صاح ممكن في تلفون واخذا راحتي نحكي معاه عادي اما وجه لي وجه لااااااا مستحيييل مانقدرش
هبه..ابتسمت ب لاطافه شكرا مانحسابو هذين محلاتكم
جمال..وصلتن تاخذن اللي تبنها
انا..ماسكه يدي ونبحت في جلال ونطبس مش قادره نرفع اعيوني فيه
جلال..رفع حاجبه تبي عزومه نور عدي خوذي اللي تبيها
انا..ناخذ بس مش من محلاتكم مسكت يد هبه هيا
جلال..نورر كلمه هيا ردي خوذي حاجتك كلها
انا..جلال
جلال..قدامي
انا..باهي نطلع ل هادي قبل
جلال.. لالاهادي كلمته وانا اللي قتله يجبكن هنا عشان تاخذن راحتك
انا..بس
جلال..انا راكب للمكتب اللي فوق جمال وبحت في نور من لوطه لفوق وركب
انا..نظرته ليا ذوبتني معش خلتني انتحرك من مكاني
جمال..انحرج من البنات من لقطت جلال لما كسفه ماخلاه يسلم علي نور بس عادي لانا واخذ علي حركاته وطبعه ابتسم خوذن راحتكن
كان الدور الأول مستلزمات العرائس من ارواب الي الخ.... اما الدور الثاني مكياج وعطور والثالث فساتين سهره يعني تخشي تأخذي حاجتك كلها وتطلعي وكان في يومها مافي حد غير جمال وجلال وانا وهبه فقط
جمال..تفضلن خوذن راحتكن مافي حد في المحل
انا..بس
هبه..احسن ناخذو حاجتنا ونروحو
بدينا نختارو من الدور الاول وجمال مانزل اعيونه علي هبه وهبه مافيش اي ردت فعل منها كأنها ماتشوف فيه نهاااائي اما جلال ركب فوق معش شفته
هبه..شوفي الروب هذا يطلع عليك واو
انا..هذا عار عيب
هبه..هههههه ياطيبه ياعبيطه
انا..عارفه مش قادره نوقف ع كرعي رقد
هبه..لالا خليهن يرقدن في الحوش وبدينا نختارو في الارواب الحق كان ذووقها هبه ذووقي بس بعد فجعتي ب جلال استكيت في مكاني نختار وعقلي مش معايا شخصيه جلال عضلاته صوته يخوفن ب نسبه ليا كنت واخذا علي ياسين الهادي حتي صوته هادي فرق بينا وبين جلال
هبه..باهي وهذا
انا...ماسكه الروب وسرحانه ف التفكير
هبه...نوور هوا صاح مفروض تكوني هايمه بس اختاري معايا انتي اللي تبي تزوجي مش انا
انا..اه
هبه.لارايحه بكل شن رايك في هذا شاش كله
انا..تمام سمح هبه
هبه..مازال روب اول يوم
انا..خوذيه اسود
هبه..ههههه عينك اسود هوا صاح يخيل عليك بذات انتي بيضاء بس تفائلي خوذي ابيض خذيتلك كم واحد اسود بس مش نفس بعضهن
انا..تمام
هبه..اااااااه شوفي هذا يطلع عليك صاااروخ
انا..وريني
هبه..شوفي خياال بكل
انا..انا ماقتلك انتي ذوق
هبه..خلاص هذا ح تخذيه
انا...خذينا واجد ارواب مانذكر كم واحد من كثر ماهن واجد
هبه...مازال كم واحد جن في بالي شكلها ابضاعه جديده بس اتهبل
انا..اهااا شكلها تركيه
وخذينا عرم ارواب واحد اهبل من الاخر
انا..خلاص نمشو
هبه..وين تعالي فوق مزال
انا.شن انديرو ب هذين
هبه..هاتيهن والحقيني بالباقي
انا..عنجد هذي خوه اللي قدامنا تبي تعطيهن له
هبه..ليش يجي من اساس كان ماحتي هوا صايع هههه تعالي بس
انا..هبه لااا هبه
هبه..معلش
جمال..شافلها بأبتسامه عريضه في شي
هبه..انتعبك هذين احسبهن لنا ع ماشفنا فوق
جمال..ادللي
انا..طبست ماعنديش وجه ارواب اللي قدامه وانا مراه خوه وووووووه وجي قدامه الوان
هبه...في حد فوق
جمال..ابتسم المحل مافيش غيرنا خوذن راحتكن في دور الثالث في غرفه قياس اطمنن مافي حد في المحل
هبه..تمام بوركت
جمال..ولو
هبه..هيا وركبنا من الدروج
انا..ووووه وجي يابارده🥺شن ندير بيه احرجتيني قدامه
هبه..تعالي عادي هههههه شن فيهاا
انا...معش قدرت نرفع اعيوني فيه
هبه..عادي تخيلي روحك ماصدفتي معاهم بكل
انا..وتوا شن اندير
هبه..ماديري شي تعالي ناخذو مكياج
انا..تمام ركبنا لدور الثاني كان راقي المحل بكل معنا الكلمه المركات الفخمه مافيش حاجه ماتخطر في بالك مافيه
انا..انتي عارفه الحاجات اللي نحبهن اختاري انتي انا نقعمز اشوي
هبه...يعني كل شي من ذوقي
انا..اها ذوقي في المكياج كيفك ماتنسي الشناطي
هبه..اناعلي تمام
انا..اكيد طولنا علي هادي
هبه..نختصرو الوقت قريب لنا ساعه هنا
انا..اها حرام
هبه..ارقي فوق اختاري كم فستان انتي ذوق فيهن
انا..نركبو مع بعضنا
هبه..نختصرو انتي اركبي واختاري كان ماعجبك عادي انردوهن
انا..اووووف كان عندي نيه توا معش عندي نيه بعد شفته
هبه..بس احييي شخصيه لاهو لاخوه الفرخييين
انا..ههههه كيف صااار
هبه..لون الترابي ناخذلك
انا..هبوووش تغيريش الموضوع
هبه..لا بس شخصيته حلوه ماشي معاه دكتور الجراح
انا..اهااا
هبه..ههه اهااا هيا حركي روحك عشان نروحو
انا..باااهي
هبه..علي ماخترت المكياج وحاجات لخرات
انا..تمام نركب نختار كم فستان وننزل نلقاك تامه في كل شي
هبه..تمام
__
هاجر..تشرب في عصير نسمع فيك بيبي
ماهر..شن اديري
هاجر..شي هبه ونور مشيات لسوق يكملن في باقي الدبش وانا قعدت
ماهر..غريبه
هاجر...عنديش جو ياروحي
ماهر..لعقبال ماتمشي تختاري ادبشك
هاجر..يارب
ماهر..نشد روحي بس بعدها ناخذك طول
هاجر..خليها بعد سنتين
ماهر..ههههه لاوين سنتين تي نرجا في ساعه ودقيقه اللي نصبي فيها ونكون شاد روحي
هاجر..انحبك
ماهر..غني من هنا لبكرا
هاجر..حبي لو يجي قدام حبك يمسحه مسح مهوري
ماهر..ههههه اناااعلي نااا
هاجر..شن دايره صحتك
ماهر..اكويس الحمدلله يوم عن يوم انتحسن
هاجر..الحمدلله يارب
ماهر..كنت نحكي مع باتي قالي نهايه الاسبوع هذا جايينكم الرجاله قلت ل باتي اقرو الفاتحه بالمره
هاجر..ليش
ماهر..عشان نظمن اتكوني ليا
هاجر..ماانا لك
ماهر..نبو نفرحو بالخطوبه
هاجر..نجك ليا
ومشا الوقت وهما يهدرزو علي مستقبلهم الزاهر كانت هاجر فرحانه ب انا ماهر تم الها برغم كانت مستبعده انا يكون نصيبها في يوم.....
_
امنه..مرحبا مرحبا انستي
جمانه..الله يانسك ماما مبروك ماديرو واخيراا يعني
امنه...واخيراا
جمانه..ونحنا اخر من يعلم مالنا شي مروحين منكم
امنه...والله حتي نحنا جت صدفه م عندنا عليش انأجلو نور جاهزه وانا دزيت عليكن نبيكن تحجزن في وحده اتغلف الحاجات وهك
جمانه..توا نكلمو بنات العيله ونديرو جو نغلفو نحنا انحسو ب جو الفرح
امنه..مانبيش تعب بس
جمانه..مع دي جاي وفرقه مافيش تعب
امنه..اللي ريحكن
جمانه..وين الشباب
امنه..جعفر توا كيف خش جوا كنت معاه في محلات وجلال عنده تحقيق قال وجمال في العياده وباتك مع الناجي اكيد
جمانه..باهي تمام جنات ماقلتلك امتي توصل
امنه..كلمتها قالت قبل المغرب نكون واصله
جمانه...خلاص قريب
امنه...تحضن في لين وليليان وكانت الفرحه مش سيعتها بفرح جلال
__
انا...نختار في الفساتين خذيت ثلاثه وانا نازله صادرني واحد لونه بيج جلدي قصير بكل ومن فوق كت جمال الفستان ملفت ماقدرت انخليه حطيت الفساتين علي كرسي وخذيت الفستان وجيت علي المرايه مش عارفه يجي عليا اول لا
بحتت جنب مافي حد بحتت فوق خفت يكون في كاميره بس مافيش الا ف الدور الاول بس القيت غرفه القياس خشيت لبست الفستان وطلعت علي المرايه كان جسمي فيه ضابط وراسم جسمي بكل تفاصيله
توا الفستان هذا يبي تسريحه علي لوطا ولا نرفعه او شعري مفتوح فكيت المساكه وحطيتها ف فمي ومره نرفع فيه ومره نحطه ع جنب ومره نرفعه فوق ماحسيت بشي الا يد علي بطني وشادتني له
انا...ااا رفعت راسي فوق انت
جلال..حول المساكه من فمي اوبااااا طالع عليك صاروخ يانووور
انا...بعد ياقليل الادب كيف تشوفني بالمنظر هذا
جلال..واحلا منظر نشوفه بحياتي
انا..بعد به
جلال..شادني له ..حلاالي
انا..بعد بعد نكون علي اسمك تكلم مرات يسير شي مايجمع بينا النصيب
جلال..لاهذي خليها شوري حتي لو ماصار نخليه صار اطمني
انا..باهي بعد ليش لصق فيا هك هبه
جلال..حط يده علي فمي اششششش مانسمعش صوتك
انا..امممم
جلال..طبس ع رقبتي باسني بووووسه خلتني نوقف في مكاني وبس انفسه الساخن علي رقبتي وقريب مني بكل
انا..دفيته شن ادير ودموعي علي خدي
جلال..ماقدرت نقاومك
انا..خنوني ادموع رديت لغرفه القياس بدلت وطلعت عزقت الفستان عليه
جلال..متكي علي الساس ومساكه في يده والابتسامه الخبيثه علي وجه
انا..مستحيل ناخذ واحد كيفك
جلال..قرب حط يديه في جيوبه السبب
انا..نبكي بعد انت شن تحسابني كل شي تقدر تاخذا بالقوه
جلال..حلالي ومراتي مادرت شي غلط
انا..نزلن دموعي علي خدي مافيش اي ردت فعل مني نزلت ل هبه مش عارفه كيف نزلات م الدروج
___
ساره..لاتمام خلاص اليوم
هيام..اها اليوم شن رايك
ساره..خلاص نقولها ل ياسين بس
هيام..تمام
ساره..بيتات
هيام..قالت اليوم وبكرا في العشيه مروحات
ساره..خلاص برغم ماعندي جو لكن يالله نجي وخلاص
هيام..كان ياسين قالك باهي ندزلك بابا
ساره..تمام
هيام..هيا عينك من روحك
ساره..باي صكرت
ياسين..من
ساره..هيام
ياسين..شن فيه
ساره..جايات بنات خالتي اليوم بيتات عند هلي
ياسين..اها
ساره..نبي نمشي
ياسين..بايته
ساره..اها
ياسين..كم يوم
ساره..بكرا ونروح
ياسين..تمام بس من يبي يوديك
ساره..بابا يجيني
ياسين..به
___
عمي..السلام عليكم
مبروكه..وعليكم السلام
عمي..الجو هدوء
مبروكه..هبه ونور في سوق وهاجر في دارها
عمي..اها باهي تمام
مبروكه..نديرلك قهوا
عمي..لاشربت مع عبدالفتاح
مبروكه..به
عمي..خطرها عبدالفتاح يبي الفرح مشترك
مبروكه..الرأي رايك
عمي..قتله اللي يريحك غير قلت نسألكم قبل
مبروكه..مشترك مشترك خلاص توا نتفق مع امنه نحنا علينا الطولات والديكور اكيد نور في خاطرها لون معين كأي عروس مش كل شئ نحنا نديروه
عمي..شوفن اللي يريحكن والباقي ساهل
مبروكه.خلاص تمام
__
انا..ننزل من الدروج ودنيا سوده قدامي هبه
هبه...خلاص كملت شن صار خذيتي
انا..هيا نروحو
هبه..نور تبكي
انا..😭هيا نروحو
هبه..ناخذ هذين
انا..خليهن
هبه..شن فيه
انا..مافي شي
هبه..ليا ساعه ناخذ في سمحه واختها اتجي تقولي خليهن روحي هيا ننزلو
ونزلنا ل جمال كان واقف يحكي بالتلفون من اول مانزلنا صكر
هبه...احسب هذين وفيه وحدات فوق ماقدرت انزلهن
جمال..فيه شي نور
انا.. شن نقوله نقول خوك دار العار فوق لامافي شي وانا نازله طحت من الدروج
هبه..لا
انا..ابتسمت اها
جمال...جت ساهله
انا..نمسح في دموعي لاعادي
هبه..عطيني اللي واتي الباقي عادي يعاود ايجيبه هادي
جمال..مافيش مشكله
هبه..خذيتي فساتين
انا..ااااه لالا
هبه..كيف يعني لك ساعه فوق
انا..خذيت بس انسيتهن فوق
هبه..فيه فساتين حتي هنا يجي بعدين هادي ياخذ الباقي
هبه.كم هذين
جمال..وصل حقهن
انا.. كيف يعني
جلال..ورا نور واقف قالك وصل حقهن
انا..ماقدرتش ماقدرتش نرفع اعيوني فيه نسمع بس في الصوت كأني انا اللي درت العار لاشكرا معانا فلوس طلعت الفلوس اللي معايا كلهن اربعه لاف حطيتهن علي الطوله ومرتبكه لاحظو هبه وجمال اني كنت مرتبكه من كلامي المتقاطع رعشت ايديا وهوا ولاكأنه داير شي خذيت كم كيس جهزهن جمال وانا نبي نطلع
هبه..استنيني باهي
انا..نحط هذين ونرد عليك
هبه..باهي تمام
هادي..يحكي ب تلفون شكلها الكبيده لانا كان هايم في المكالمه
انا. طقيت علي القزاز
هادي..واخيرا
انا...مارديت عليه لو نحكي في يومها حرف يعرفها من صوتي حطيت الاكياس ورديت علي هبه
هبه..خلاص الباقي ح يرد عليهن هادي
جمال..مافيش مشكله نجيبوهن لعندك
هبه. لنور انا شن دخلني هههه
جلال..يغمز ل جمال بمعني كيف صار
جمال.. ارتبك
انا. وصلت ل باب المحل
الشاب..معليش ياسمحه
انا..ماسكه الباب التفتت تحكي معايا
الشاب..انااعلي الباب مفتوح
جلال..فتح الباب بالقوه
انا. ااا قريب طحت
جلال..شن اديري واقفه معاه
انا..ااه لااا
جلال..تفضل يابركه
انا..مفتوح اها
الشاب..بارك الله فيك
انا..خشيت
جلال..مسك نور من كتفها لاتعالي شن عطاك
هبه..شن فيه
جمال...جلال
هبه..لوسمحت شن ادير انت
جمال. جلال شن ادير ياراجل
انا..انت ديما تخلي فيا نبكي عاجبك يعني تكون مبسوط بعد ينزلن ادموعي يدك توجع فيا شيلها
جلال. ضاغط علي يدها شن عطاك الفرخ اللي برا
انا..ورحمه بابا وماما ماعطاني شي سألني
جمال..جلال ياراجل شن ادير
هبه..تفك في يد جلال وخر من عليها شن هذا
جلال. وخري يدك نور شن عطاك
انا..شي شي والله
جلال.شن حكا معاك
انا..سألني المحل مفتوح
جلال. لالا
انا..حلفت والله هك قالي اسأله
جلال..فك يده وطلع برا بس مالقاش الشاب رد ركب فوق
وانا وهبه روحنا وكان جمال قمه في الرقه والاسلوب تمنيت جلال كيفه ممكن تقبلته اشويا ...
(رغم ان الطريق قادني إلى مالا أريد والأيام أحاطتني بما لم أتصور وكل الصدف جعلتني أقابل مالم أتوقع أنا سعيدة جدا لمجرد أنك في حياتي... )Ñř Ŕóhã✍
