#قطعه_مني
#الحلقه_الرابعه_عشر
#بقلم Ñř Ŕóhã
لما تقرا كلام قديم بينك وبين شخص توا تعرف فعلاً انه الناس تغير والمعزه تغير والقلوب تغير والكلام يتغير حتي الوعود تنتسى....Ñř Ŕóhã✍
انا..رديت علي الباب بس جلال مش قاعد طلعت راسي من الباب لشارع جلال مسك وجي جوا فيش
اديري مطلعه راسه برا
انا...انفض في يدي علي وجي معش اديرها الحركه هذي
جلال..مد بوكس
انا..شن هذا
جلال..تلفون وعلقت فيه شفره
انا...من جواا فرحت بس مابينتله
جلال..تبي عزومه تفضلي
انا...بحتت فيه شن المناسبه
جلال..بدون مناسبه نبي انتواصل معاك عشان فيه امور لازم تعرفيهن قبل الزواج
انا..لانبي نعرف الامور اللي تحكي عليهن لاشي مانبي منك شي انا اصلا ح ناخذك غضب عني مش ب إرادتي
جلال.. هه كر يدي شوره وحط البوكس في يدي في ليل انرن عليك نلقاه مفتوح وبرم وجه يبي يطلع
انا..رد خوذ اللي جايبه مانبي منك شي لاتلفون ولاشي
جلال..في ليل ينفتح
انا..كان قتلك انرده مع امك
جلال..شوفي شن اندير بعدها
انا..هدي كل شي عندك بالقوه
جلال..خليك معايا هاديه
انا..ياريت اللي نبي نشوفه منك انك اترد في كلامك وتقول معش نبيهااا
جلال..جت متاخره هذي وطلع وخبط الباب بالقوه وراه
انا..خلاني واقفه مكاني عاجزه اندير اي ردت فعل بعد سمعت صوت السياره عدا برمت و خشيت م الباب النص
هاجر..بسست شن هذا
انا..اووف خوذيه حطيه جوا في داري نمشي انضيف الضيفه اللي جايه
هاجر..هذي عمتك
انا..هاااجر ابتسامه بارده وعمتي
هاجر..شن ساير
انا..بعد تمشي نحكيلك
هاجر..به
جمال..في السياره وقف علي جنب تلفونه يرن جمال منو هذا رقم غريب فتح
جمال..الوو
المتصل..ساكت
جمال..الووو
المتصل..حبيبي
جمال..انوار
انوار..حبيبي اسفه
جمال..اسفه علي شنو
انوار..ماقدرتش نعيش بلاك والله
جمال..نحنا مش ل بعضنا انوار
انوار..خلينا انردو علي بعضنا وعد انتغير معاك
جمال..لنا توا اسبوعين فسخين ربي يجمعك بالي يستاهلك
انوار...انا انحبك انت انا حكيت كلام ماشور شي سامحني والله انتغير معاك وعد
جمال..مستحيل اتغيري انوار كان اتغيري اتجاملي في روحك بس
انوار..تبكي انا حبيبتك حبيبي
جمال..مافيش نصيب بينا
انوار..نقولك اسفه اللي تبيها مني حاضر انا بعد حكيت مع بابا كنت معصبه منك وندمت
جمال..يسمع وسااااكته حاول م يجرحها بالكلام
انوار.. من اول مابابا جا قالي فسختي ربي يعوضك خير وانا ادموعي ماكفو عرفت اني خسرتك ارجوكك حبيبي انردو والله تعبانه من دونك انا نادمه علي كل كلمه قلتها
جمال..انوار انا توا في طريق وزعمه مستدعيني في المستشفي حاله طارئه مضطر اني انسكر
انوار..باهي تروح اتكلمني
جمال..انوار مافيش كلام بينا
انوار..تبكي في كلام واجد نبي نحكيه لك
جمال..تمام يسير خير
انوار..عينك من روحك حبيبي
جمال..تمام وصكر
حرك جمال السياره وكان راقيله مالي صاير كيف ينهيها معاها برغم انا خلاص مافيش اي شي يربطه بيه كانت قبل اسبوعين خطيبته وتوا ولاشي
(كلنا نغلطو مافيش حد مايغلط مرات نديرو ردت فعل انحسوها انها صايبه معانا وانها هيا الصح وفي النهايه تطلع خايبه لأناا كل ماتعيش وتعاشر الناس اتغير نظرتك وتصرفاتك فيهم يردنك لنقطه الصفر اتكون تاهيه ماتبيش تجرح ولاتذم تبي بس السلام السلام فقط)Ñř Ŕóhã✍
امنه..تعالي يانور معش اديري شي
انا...جيت قعدت جنب مبروكه
امنه..شن دايره توا
انا..لاتمام الحمدلله بخير
امنه..شن داير الجرح
انا..لااكويس معش انحس فيه
امنه...باهي الحمدلله اكيد الناجي حكالكم علي موعد الفرح والله حتي انا تفاجاءت حتي بناتي ماعندهن علم
مبروكه.اها حكالنا اصلا موتيه كل شي غير الحادث اللي صار وقف كل شي
امنه..ماتعبيش روحك في شي اللي تقدري اتجيبها ماتقدري بعد تستقري تطلعو مع بعضكم اتجيبو اللي ناقصكم
انا..لا الله عمتي وعمي ماقصرو كل اللي في خاطري جابوها ليا ربي يطولي بعمرهم
امنه..فتحت الشنطه ومدت ضرف ليا تفضلي
انا..شن هذا
امنه..هذين سته لاف حق الكوافير ودبشك من جلال واللي تنقصك ماتكلمي حد انا كيف امك وانتي كيف وحده من بناتي كلميني ومايسمعها مني حد اللي تنقصك اتجي ل عندك
انا..بارك الله فيك واجد سته وانا والله ماناقصتني حاجه قتلك عمي وعمتي جابولي كل شي دار مصكرا ملينها البتات كله
امنه..عارفه مايقصرو مانبي شي غير اتهني جلال اشويا اشويا عليه هوا عصبي ونرفوزي في وقتها بعدها ادوري شي ماتلقي شي كل شي بالهداوا انا نحكيلك عادتك كيف وحده من بناتي انا حكيت ل رنده طليقته كيف ماحكيتلك توا بس هيا ماسمعت ولاكلمه مني ودير في كل شي من راسها الراجل مايقبل كلمه الوليه هيا اللي تنهي النقاش بينهم كيف انا وعمتك وغير وغير واجد اكيد بعد واحد منهم يعصب تكسر الشر هيا كان ماكسرنا الشر ماقعدين معاهم ل توا يهزب ويعارك بعد مايلقاش ردت فعل منك يروق ويسكت ويهدا بروحه
مبروكه...صدقتي الكلام اللي تحكي فيه كنت نبي نحكيه لها قبل فرحها والله
انا..نسمع وساكته فعلا جلال يخوف كل شي عندا بالقوه كل شي اهم شي يرضي ذاته
امنه...هوا عندا حوش كبير وبجنان وماناقصه شي بعيد عنا واجد
انا..انشوف فيها ودموعي اقريب ينزلن كيف يعني بنقعد بروحي
امنه..ههههه لايمي جايتك في الكلام
جلال عندا شقه كبيره فوق منا ايام رنده كان ساكن فيها وجنبه جمال هوا قال نطلع لحوشي وشقه عطوها لجمال او جعفر جمال فسخ وجلال مايبيش يقعد في شقته تبادلو هوا وجمال جمال خذا شقته وجلال خذا شقه جمال وهن لاثنين اكبار كيف بعضهن
انا..اها يعني نسكن فوق منكم
امنه..ايوا تقعدي في الشقه اللي فوق منا بابك بروحه من الشارع وكان ماتبي تجيني من الشارع في وسط الحوش مطلع سلم تركبي لدور الثاني عادي يطلعك لشقتك
انا...اها به تمام اهم شي مانكون بروحي
امنه..لايمي هوا جلال يبي لكن باته مابش جلال بسلامته شغله مش صبح او ليل حتي علي الفجر قبل الفجر يكلموه وعبدالفتاح خايف عليك قال يخليها في حوش بروحه بعد تكبر عيلتكم وديرو اعويله اطلعو ل حوشكم واتي
مبروكه..ماشالله حتي الناجي قال نبي نبني ل هادي وفرج عشان يكونو قريب مني
امنه..مابلاهم حمله هههه
مبروكه..هههه يعطيك الهنا صدقتي
انا..شخبار البنات
امنه..اكويسات والله مازلت ماقلتلهن علي موعد الفرح ههههه
انا...هههه والله يومتها انسجمنا مع بعضنا وب هبه وهاجر
امنه..ههههه من اول ماجن وهنا يحكن عليكن جنات ماتحكي غير عليك
انا..انحرجت
هاجر..نونا تعالي اشويا
انا..هيا هيا
امنه..كيف ماقتلك تنقصك اي شي كلميني مايسمعها مني حد وحاجتك توصلك لعندك
انا...تسلمي والله هذين واجد وحاجتي كلها جيبتها
امنه..هذين من جلال مش مني
انا..طلعت بشويا مارديت عليها ولاكلمه وكملت هدريز هيا ومبروكه اما انا مشيت ل هاجر في المطبخ
___(محاولتك بالهرب لإثبات أنك تجاوزت هي بحد ذاتها تعني أنك لازلت عالق )Ñř Ŕóhã✍
ياسين..ساره
ساره..نعم
ياسين..عطيني مسكن اي شي
ساره..توا خذيت
ياسين..الم
ساره..طبيعي ياسين كسر راهو ضروري ماتألم
ياسين..سكت
ساره..قولي
ياسين..شن
ساره..يوم اللي درت الحادث كنت سكران صاح
ياسين..اها يهمك
ساره..من اليوم يهمني
ياسين..بحت فيها من امتي
ساره..عشان جنيني مستعده اندير اي شي حتي لو سكرت عليك عشان معش تشرب
ياسين..هذي حاجه تحلمي بيها غير نشد روحي
ساره..ياسين لو مش خايف علي روحك ومستبعده انك ح تخاف عليا وعلي جنيني اللي انت بوه بس عشان عمتي اللي ذابت عليك لو تشوف حالتها وهيا تبكي عليك بهستريا خافت انها تخسرك خاف علي اولدك اقل شي اللي جاي شن بيكون وشن الناس تحكي عليه هذا باته سكرجي مايوعاش بكل ويمشي بين الناس وهوا حاني راسه مستحيل عشانه اندير اي شي خليها في بالك صاح انا مافكرت نحمل بس ربي زرعه فيا انحارب الدنيا عشانه
ياسين...بحت فيها طفي الضي واطلعي نبي انتريح قبل ايجو الشباب
ساره..طالعه حتي انا بعدها جايتني هيام وبابا بنحجز عند الدكتوره
ياسين..شوفي جوك
ساره..هي اللي ديرتها غير قلت انقولك بس
ياسين..بحت فيها معاك افلوس
ساره..معايا
ياسين..كلميلي امي
ساره..تبي شي
ياسين..لالاكلميها ليا
ساره...اطلعت
(كان وضوح الأخر يسهل عليك فهم كل شي، لكنك استقبلت الكذبات بترحاب كبير على أمل أن تصبح حقيقة يوماً ما....Ñř Ŕóhã✍
هاجر..نونا هذا ماهر يرن كان مارديت يدير يوم
انا...لاعدي ردي عليه
هاجر..طلعت للمنور الوو
ماهر..زعلانه
هاجر..ع شن
ماهر..حبيبي نعرفك من صوتك
هاجر..خليك ع الخط اشوي نونا سخنيهن وحطيهن في تباسي نين انجي
انا..تمام
هاجر..الوو
ماهر..نسمع فيك فيش اديري
هاجر..عمت نور جايه تحدد في الفرح كنت انسخن في الموالح مع مكالمتك
ماهر..قلت زعلانه
هاجر..لاعادي
ماهر..لازعلانه رسمي
هاجر..لاوالله انت تشك فيا وانت عارف الشك ح يخرب علينا
ماهر..انتي مكبره الموضوع كان انشك فيك راهو بكرا دازلك امي تخطبك رسمي ليا وتكوني ليا
هاجر..يعني
ماهر..واثق فيك وانحبك
هاجر..متأكد
ماهر..لا اله الا الله
هاجر..محمد رسول الله
ماهر..حبيبي
هاجر..اعيونها وكبيدتها
ماهر..انا توا جايني صاحبي بعد يطلع نرن عليك وانتي شوفي الحوسه اللي يلاك
هاجر..خلاص تمام عينك من روحك
ماهر..روحي معاك
هاجر. نجك ليا وصكرت
خشت نور اتكملي في تسخين
انا...كملت
هاجرطلعتي المشروب من الثلاجه
انا..نقولك علي شي فوتيه درت شاهي خفيف بالنعناع
هاجر..لاعيب
انا..والله شاهي خير
هاجر...ع كيفك
انا..ياستي نحط شاهي خفيف بالنعناع والمشروب وشوفي شن ياخذن
هاجر..تمام
انا..حسيت جوك خارب
هاجر..نحكيلك بعدين
انا..تمام هيا نضيفوها
هاجر..شن الضرف اللي ع الرخام
انا..هذين افلوس الفرح جيبتهن امه
ومشينا ضيفنا امنه وعمتي وقعدت نص ساعه وجاها جلال خذاها وعدت
ومشا باقي اليوم عادي مافيش اي احداث
انا..كنت في داري دق الباب
مبروكه..الضرف حاطته ع الرخام
انا..خليه معاك ماعندي مانبي فيهن
مبروكه..تلقيهن علي حالك
انا..جبتيلي بتاتي كله مش ناقصني شي
مبروكه..مازال تمشي تجيبي دبش خاص لك توا اندز علي هبه ذوقها سمح في الدبش تطلعن لسوق مع بعضكن
انا..تمام
مبروكه..حسيت جوك خارب
انا..لا
مبروكه..غير احكي شن فيه
انا..بكيت شن فيها لو بابا وماما معايا
مبروكه..م تبكيش يمي حضنتها الله غالب حال الدنيا
انا..تخيلت لو انتو مش في حياتي شن كان ح يصير فيا
مبروكه..نحنا معاك وجنبك وانا امك صاح مانجي في مكانها لكن انتي بنتي كيف هبه وهاجر واعز
انا..زدت حضنتها وفعلا كنت محتاجه حضن احنين عليا شعور اخييي فرحتك تكون ناقصه كنت متمنيه يكونو جنبي ومعايا
هاجر..نو...شن فيه مناحه عاااااد
مبروكه..غمضت اعيونها لاشي غير خايفه من الفرح
هاجر..هذي تخاف هذي انعلي منها خليها شوري هههههه
مبروكه..هاجر
انا.ضحكت ونمسح في ادموعي
هاجر..ايواا ورينا الغمازات حرام تحرمي فينا منهن وحضنتها
مبروكه..نمشي انا نخليكن مع بعضكن
هاجر..عارفه جو شن
انا..شنو
هاجر..تسخينه موالح وتكسيده في الجنان
انا..ماعنديش نيه بكل
هاجر..غير تعالي كسدي علي النت علي مادرت تباسي ولحقتك نحكيلك عليش مضايقه
انا....باهي
وطلعنا هيا خشت للمطبخ وانا طلعت قعمزت علي الكراسي اللي برا وكان جو هدوووء فتحت انستا ونصفح وعلمي ضااااايق صكرت التلفون ورفعت راسي فوق نعيد في افكاري
انفكر كيف ح تكون حياتي وكيف نصرف وانا نمشي لشخص مش عارفته ولاواخذا عليه ولاعارفه طبعه حياتي في يوم تلخبطت ليش كل مانصدا تجي شي اكبر مني ونلقاه متقرب مني اكثر ليش حياتي وفرحتي اللي مفروض نكون طايره منه ليش ماكانت ل ياسين اقل شي ياسين عشره عمر عارفه طبعه شخصيته حياته كل تفاصيله عارفتهن ليش هوا ماختارني ولاحارب عشاني برغم كان مواعدني مانكون الا له مستحيل يمسني غيره ليش من اول ماشفت تمت خطبته حتي التفكير معش فكرت فيه ولانندري علي اخباره وكيف قدر يعيش بلايا وهوا يقعد نص يوم مايسمع صوتي فيه ايدير يوم او جوه يخرب لعند مانحكي معاه جلال كيف ح نتأقلم معاه كيف ح نعيش معاه اووووف راسي يبي ينفجر مسكت تلفوني بدون اي تفكير حطيت علي رقم ياسين بس تفاجاءت درت اسطوانه(الرقم المطلوب غير مستعمل يرجا التأكد وإعاده المحاوله لاحقا)كيف حتي رقمك صكرته يااسو اقل شي نسمع صوتك بس مش ح نزعجك
هاجر..طولت
انا..خانوني ادموعي
هاجر..حطت السفره شن فيه وانتي دموعك ديما متوفرات ارحمي روحك اشويا
انا..ياسين صكر خطه بكل خلاه غير مستعمل
هاجر..هوا اللي خسران مش انتي
انا..انا خايفه
هاجر.من شنو
انا..كيف ب نعيش مع واحد مش متعوده عليه
هاجر..بلكي يكون اكويس مع الوقت مايغركش الوعاره والشخصيه الصعبه اللي تشوفي فيها
انا..شفتي عصبيته شفتي طريقه كلامه
هاجر..كلهم هك نور
انا..لو كان فرحي علي ياسين شن كان صار
هاجر..نصيبك كان لغيره بعدها يانونا هوا خطب قبلك وعاش حياته ممكن اختبار من ربي يوريك هوا لو كان يحبك صاح كان حارب الدنيا عشانك
وبدينا نشاكو لبعضنا لعند ماأذن المغرب
هاجر..الوقت بسرعه م عدا
انا..نخش نصلي ونرقد ماحد يوعيني
هاجر..تبي ترقدي من توا
انا..فاااارطه من النعاس تصدقي
هاجر..معناها خليلي تلفونك
انا..خليه معاك اي حد يرن انا راقده
هاجر..حتي كان جلال
انا..حتي كان جلال بروحه
(لا زلت أمشي إليك ولا أصلك كأنك خطاي خطاي البعيدة القريبة )Ñř Ŕóhã✍
ام ياسين...جيت امي شن تحس
ياسين..مانحس في شي اكويس
ام.ياسين..ساره قلتلي يبيك
ياسين..الفلوس اللي يومتها مازالن قاعدات
ام ياسين..كيف ماهن
ياسين..عاطيهن ل ساره ماشيه ل عياده
ام ياسين..حاضر امي تبي شي اخرا
ياسين..سلامتك خلي الباب البراني مفتوح جايين الشباب
ام ياسين...حاضر امي
~~~~
جعفر..شن يعني بيسكن فوقنا
امنه..اها نخلو مراه صغيره تسكن بعيد
جعفر..مش عليها ياامي جلال يبقا يحاسب فيا علي الطلعه والخشه مايحترمش فيا بكل
امنه..خوك خايف عليك
جعفر..ياامي حتي يومتها قاعد مع جماعتي جا قالي قدام الشاب العيل هذا معش نلقاك معاه
امنه...لاعيب في هذي
جعفر..اقل شي يزوج ويلها في مراته ويخطاني اكثر واحد فرحان انا بفرحه بس توا غمتلي بعد قلتي يسكن في شقه جمال
امنه...بلكي الوليد مش اكويس
جعفر..زمر تبي تبدي حتي انتي
امنه..لا والله غير ماقال هك الا وشايف عليه حاجه غلط
جعفر..مادخلاش بيا باتي قاعد خليه يخطاني يلها في حياته في شغله ماعندا مايدير غير جعفر
امنه..توا نحكي معاه
جعفر..ايوا خليه يخطاني
امنه...خلاص وسع بالك توا نحكي معاه انا
جعفر..انا ماشي لداري
امنه..في طريقك جيب تلفوني نكلم خواتك نحكيلهن علي موعد الفرح
جعفر..به
___
وفااات الوقت وانا بعد صليت المغرب رقدت معش حسيت بشي نهائي
هاجر..تحكي مع ماهر
ماهر..شن اديري
هاجر... كنت نشوف في لبسه لبكرا احترت سيبت الدنيا كلها و اندير في ترطيب لي دياتي
ماهر..اناااعلي نا من دياتك
هاجر..ههههه حبيبي تحرج فيا
ماهر...امتي ايجي اليوم اللي انا انرطبهن لك دياتك
هاجر..ان شاءالله يارب
ماهر...شن تبي تلبسي ل بكرا
هاجر..عارف والله مش عارفه احترت سيبت قلت بكرا ناخذ رأى نور
ماهر...لو شن ماتلبسي يخيل عليها حبيبي السمح
هاجر..شكرا علي المجامله النزيكه بكل
ماهر..ههه نحكي جديات انحبك بكل حالاتك
هاجر..حتي انا
وكملت المكالمه بكل حب واخيرا من س 11:00كملت2:35
هاجر..ماحسيت بالوقت
ماهر..ولا انا
هاجر..خلاص بنرقد حبيبي وانت تريح اشوي
ماهر..موعد دواي ناخذه ونرقد تصبحي علي يوم سمح حبيبي
هاجر..نجك ليااجمعين سمح بيك وبوجودك وصكرو
جمال..في داره شن هذا لتوا مقفل مش فاتحته التلفون حاول كم مره بس التلفون مازال مقفل نرن علي هاجر وخلاص(اللي هوا رقم نور يامسكين😂)
هاجر..خشت الورغان تلفون يرن
هاجر..ييييه نسيت تلفونها نور ماعطيته لها
جلال..بعد ثالت مكالمه ردت هاجر
هاجر..الو
جلال..ايواا نور وينها
هاجر..مرحبا نور في دارها
جلال..انتعبك تعطيها التلفون
هاجر..صكر بعد نوصل فيها نعطيها لك
جلال..لالا مافيش مشكله معاك علي الخط
هاجر..براحتك
مشت لدار نور طقطقطق
هاجر..الو
جلال..ايوا
هاجر..شكلها راقده مافيش صوت
جلال..وعيها
هاجر.فتحت الباب نور نور
انا...همممم
هاجر..نور هكي التلفون
انا..كنك
هاجر..جلال يبيك
انا..هاتي خذيت التلفون
هاجر..تصبحي علي خير
انا..اتلاقي الخير
ورديت رقدت وتلفون في يدي
جلال..الو هه عليك حاله شكلها ردت رقدت هذي ولاكيف صكر
عاود الاتصال
انا..التلفون في يدي وعيت مفجوعه فتحت بصوت ناعس الو
جلال.ايوا
انا..شن تبي ليل ليل ماتريح لاليل لانهار شن تبي في حتي وانا راقده طالعلي كابوس
جلال..كلمه وحده
انا..شن هياا هياااا ناعسه بكل
جلال..تلفون اللي جبته توا ينفتح
انا..اي تلفون
جلال..نووور
انا..باهي بشويا راني راقده
جلال..توا هيا
انا..بالعناد مش فاتحه هي وصكرت التلفون في وجه.........#يتبع
اسفه لو في لخبطه في الاسماء
انشالله تنال #اعجابكم برغم الضرف اللي عندي الوقت الضيق ماحبيت نخليكن بدون #حلقه ...#رايكم في الحلقه
#انتظروووني_في_الحلقه_الخامسه_عشر
#ديرن متابعه لصفحتي عشان كل مانزل توصلاكن❤ ✍
