#قطعه_مني
#الحلقة_الثامنة
#بقلم__ Ñř Ŕóhã
"يا هواءً خائفاً أن لا يعود من الشهيق....
انا...ماتبيش تقول من
فرج ...لالا
انا..هادي...من به
هادي...نقول يافرج
انا.. قول فوته فرج
هادي..فرج
انا...صبيت عنكم ماقلتو
وصلت لباب
فرج...جلال تبرعلك بالدم
انا..كيييف في لحظه حسيت قلبي يبي يوقف
فرج..كيف ماسمعتي انتي وجلال نفس الفصيله
هاجر..احلف
فرج...والله هوا اللي تبرعلها
انا...يعني..
هادي.اليعني انتي مديونه له توا جلال بدم
انا...نشد روحي اشوي نرده له عادي مايتمنا عليا شنو يعني
هاجر....ههههه تحكي جديات
فرج..والله صاح وقعد معانا لعند مادارو خروج ل نور ماشاءالله عليه
انا...ااا يدي بدا الألم نبي انتريح اشوي شعوري في يومها فرحانه لانا عطاني من دمه ع حزن لاخوف في شي تلخبط فيني بجديات
فرج...حتي انا نمشي لصالات
هادي..وانا شن اندير خوذني معاك
فرج...لالا خليك اسبوعين بعدها اتجي نقعد نعاني فيك غادي
هادي...مليت
فرج..افتح نت دير اي افاري الهي روحك
هادي..ملييييت من كل شي نبي نطلع
فرج..روح مش واخذك اوك وطلع
هاجر..حتي انا نمشي انشوف روحي
_______
عبدالفتاح..شن يسير في جمال
امنه..والله بروحي منصدمه
عبدالفتاح...انا انقول نعطيه فترة الخراب مش ساهل ياامنه
جمال..خش للمطبخ يشرب في اميه باتي
عبدالفتاح..التفت ايوا
جمال..تملي في الموضوع اليوم عدي في العشيه انهي معاهم قوللهم حد النصيب واللي يبوها مني حاضر
امنه..جمال فكر الخراب مش ساهل
جمال...الليل كله وانا واعي ونفكر هذا الرأي الصالح
امنه..علي الخراب الرأي الصالح
جمال..امي هذي راحتي انوار لو كملت معاها ح يكون زواجي فاشل تبيني نأخذها ونكون تعيس في حياتي
عبدالفتاح..حاط يده علي خده لاوالله بس ليش ماقلتها مش قبل نحنا امنظمين امورنا مع العرب
جمال..اكتشفت حاجات غلط فيها عندها عيوب واجد مانقدرش نحكيهن
امنه...بدت تبكي اعيالي كنهم
جمال...ياامي هنيني ماشي طريق ضروري ماننهيها ياامي افهمي حاجات مانقدرش نحكيهن
عبدالفتاح..مرات نمشيلهم تندم بعدين
جمال..لالامتأكد من قراري بينا تلفون
عبدالفتاح...لاحول الله يسير خير
جمال...هيا سلام ماشي للعياده
عبدالفتاح&تربح
امنه...تمسح في ادموعها في امان الله
عبدالفتاح...كل شي نصيب مع رنت تلفونه الناجي
عبدالفتاح...الووو
عمي..مرحبا انشالله مش راقد بس
عبدالفتاح..لاوالله كنت نبي نرن عليك سبقتني
عمي...انشالله خير شن فيه
عبدالفتاح..جمال ياراجل يبي يفسخ خطوبته
عمي...تحكي جد
عبدالفتاح..والله ويبيني نمشي اليوم والله جوي خارب بكل مانبيش يخرب علي روحه وهوا عقد بينهم
عمي..كل شي نصيب راك تبقا اتفكر يرتفع الضغط ياعبدالفتاح
عبدالفتاح..والله ان شاءالله خير
عمي..انا قبل كلمتك نقولك تمشي معاي للعرب اللي دارو الحادث مع هادي
عبدالفتاح...نقولك علي شي عادي نمشو للعرب قبل بعدها نمشو لهل جمال اصلا انا قبل نبي نكلمك سبقت انت
عمي..خلاص تمام
عبدالفتاح...توصي علي شي
عمي..عينك من روحك
عبدالفتاح..ان شاءالله انتلاقو
عمي..اوكي
_____
هاجر..بسست
انا...نمشي التفتت نعم
هاجر..دمه في دمك من قدك عااااد ااااه يالقهر وخلاص كان انا والله ندير عليه اكبيده احيييي
انا..هاجر بالله عليك خاطيني
هاجر..تعالي نبي نحكيلك ع شي
انا...خليها بعدين
هاجر..بالله عليك توا نبي ننفجر ضروري مانحكي
انا...تعالي ل داري
هاجر...هيا
ومشينا لداري وانا في عالم ثاني من كلمه فرج وتبرع ليش كل مانقول ننهيها يجي شي يخرب كل شي....
..لو أنَّني أعرفُ كلمةً أعمقُ من كلمةِ .. "انطفأتُ".. لقلتهآ , أنا لم أشعُر من قبلُ بِانطِفآءِ رُوحي مثلمآ أشعُرُ بهآ الآن____Ñř Ŕóhã
هاجر..تسمعي فيا
انا..احكي شن فيه
هاجر..نحكيلك عارفه من اللي درنا معاهم حادث
انا...سرحانه
هاجر..نووووور ركزي معايا
انا..اه شن..
هاجر..لااااااا مش معايا بكل هوا صاح حقاتك تكمليها سرحانه وهايمه فيه بس توا بالله عليك ركزي معايا
انا.. عارفه ياجوري كان تخليها بعدين راسي مصدع بكل
هاجر..لالا توا كذابه مش مصدعه تبي تفكري في جلال
انا..مش ح نركز معاك
هاجر..باهي خليني نحكي هالكلمتين بسسس
انا...باهي احكي اااي الخياطه توجع في
هاجر..خوذي مسكن
انا..خذيت المهم احكيلي نسمع فيك
هاجر..طلعنا اللي دايرين معاهم حادث ماهر او اخته
انا...تبصري ولا هوا نفس ماهرك
هاجر...والله نحكي جديات اها ماهر
انا..امبدري عمي حكا علي ماهر بس قلت مافيه الا هوا اكيد تشابه اسماء
هاجر..لاهوا
انا..وكيف عرفتي ولاغير الأسم
هاجر..معناها فاتك نص عمرك
انا...احكي شوقتيني
هاجر...وعيت نحلم بيك......... مشيت فرج...................________
انا..واو واااااو تبصري ولا
هاجر..والله جد
انا...يحكو علي الصدف لكن هذي م جت في بالي بكل
هاجر..سبحان الله وبعدها تعرفت علي امه واخته..........
_____في داخلي ، مئة فرحة و ألف حزن و ما لا يحصى من الآمال و الحسرات و ركن صغير فارغ أختبئ فيه منهم جميعًا..💌
فات الوقت.....
جمال...بعد كمل تحقيق مع ثلاث واحدين سارقين وقاعد في مكتبه يشرب في قهوا ورافع كرعيه علي المكتب ودخان في فمه ويفكر في موضوع جمال يعني انا خربت عليه جمال حتي انا كنت نقول كل واحد يدير فرحه بروحه مع دقت الباب
جمال...نزل كرعيه تفضل
كمال..طلع راسه من الباب جلال
جلال..مرحبا انست مفروض درنالك دعوه
كمال...ههههههههه لهدرجه ريفتو علي
جلال..شغلك اللي مسيبه والقضايا اللي مسيبهن رايفن عليك ياطيري
كمال..يعني ماريفت علي نرد
جلال..تعال ياراجل والله رايفت عليك وصبا
كمال..سلم علي جلال بحضن الشغل ياجلال مايكمل والعمر يمشي
جلال..كيف كانت رحلتك
كمال...مهما نحكيلك م نعرفش نوصلك المتعه والراحه االي عشتهن في الايام فتح تلفونه ويوري فيه في الصور....
_____
عمي...مبروكه مبروكه
مبروكه...ها ها ينعلي كنكم
عمي...وين النوم هذا كله عمرك مادرتيها
مبروكه...ينعلي ياناجي فجعتني امس كنت ساهره مع العيال
عمي...باهي انا ماشي مع عبدالفتاح
كلمني قالي في الطريق
مبروكه..مشيين للعرب
عمي...لاقبل نمشو لعرب جمال اولده يبي يفسخ بعدها ل هل ماهر
مبروكه..هذا اللي يبي يطلع فرحه مع جلال
عمي..ايوااا هوااا
مبروكه..عليش يبي يفسخ
عمي...مش عارفه المهم بعد نمشو للعرب ماشي لل العرب اللي دار معاهم حادث هادي
مبروكه..باهي عينك من روحك
عمي..خايفه علي
مبروكه..قربت منه وحضناته في حد يقدر يستغني عن روحه
عمي..هههه لاوالله ربي مايحرمني
منك وباسها علي راسها
مبروكه..ولامنك يحرمني
______
انا..باهي م رن عليك بكل
هاجر...قافلته تلفوني مافتحته بكل
انا...ليش افتحيه ورني حمديله علي سلامته
هاجر...ليش ماهوا اللي يحمدلي
انا..اولا انتي مقفل كيف بيحصلك ثانيا هم في امان الله مشيين نحنا اللي خشيين فيهم
هاجر..رققتي عزمي يافرخه🥺
انا.. عدي لدارك ورني عليه
هاجر..قولك
انا...بدون قول انتي مازلتي اتحبيه اعيونك فاضحاتك
هاجر...وكان صدني
انا..اللي يحب مستحيل يصد اكيد حتي هوا يرجا في مكالمه منك
هاجر...نخليها اشوي اخرا
انا...توا اصلا عمي ماشيلهم توا
هاجر..تحكي جد
انا...اها امبدري قالها ليا بس مانحسابه هوا نفسه ماهر متاعك نحساب تشابه اسماء
هاجر. نمشي لداري ونرن عليه
_____
جلال...طفا الدخان مناظر اسماح
كمال...انشالله بعد تزوج نحجزلك انت والمدام فيه الفندق هذا علي احسابي
جلال..ريح روحك بس
كمال...نحكي جد والله استمتعت انا وزوجتي عوضتها علي الأيام اللي فاتن كلهن اكتشفت اني ظالمها ياراجل مكمل حياتي كلها في شغل
جلال...باهي غيرت جو لكن ياكمال معش اديرها تخلي قضيه مفتوحه مازلت م حققت والعرب يمشو ويجو انهي شغلك وربح
كمال..ماانا متريح مسيب نصي وراي عارفك تنهي
جلال..طلق علبه الدخان فيه
كمال...ههههههه
جلال...ههههههه صبي هي للمكتبك تحق في اتحايل علي عيل اصغير
كمال..لاوالله بس كنت متريح عارفك تستلمهن وتنهيهن ليا وصبا لامكتبه
____
تسريع في الأحداث....
جا عبدالفتاح ل الناجي
عبدالفتاح...مرحبا
عمي..اهلين وسلم عليه وركب في السياره وطلعو
عبدالفتاح...كيف اندير ياالناجي مش لاقي وجه لهم والعرب متفق معاهم ع كل شي
عمي.كل شي نصيب هذا حد النصيب بينهم
عبدالفتاح...مش عارف شن اندير
عمي..ماتفكرش في الموضوع ربي يسهل كل شي قدامك خلينا نمشو لهل جمال قبل...
ومشو للعرب وفعلا ربي سهل كل شي استقبلهم اب انوار وعبدالفتاح مش عارف كيف يبدا في الموضوع
اب انوار...انستو
عبدالفتاح&عمي..الله يانسك
اب انوار...والله مش عارف كيف نبدا في الموضوع لكن كل شي نصيب
عبدالفتاح..بحت في الناجي
عمي..كل شي نصيب الواحد مايأخذ الا نصيبه في الدنيا عبدالفتاح متحشم مش عارف شن يقول
اب انوار..لاوالله باهي اللي جت منهم بدري عبدالفتاح ماتفكرش في الموضوع كان ماجيتني كنت جايك بعد حكتلي بنتي انها تبي تنهيها قلتلها شن السبب تقولي ماتفهمتش معاه
عبدالفتاح...والله وجمال نفس الكلام
عمي..هذا نصيب
اب انوار...نصييييييب انا وكلتني اني ننهيلها كل شي
عبدالفتاح...وانا نفس الشي لاحول ولاقوه الا بالله
اب انوار..خلاص بكرا عطله بعد بكرا انتلاقو في المحكمه
عبدالفتاح...والله مانريدها لكن مافيدي شي
اب انوار..لاياراجل هذا نصيب مش خير مايكون بينهم اعيال هك جت ساهله انشاءالله يلقي نصيبه وهي تلقا نصيبها
ونهو كل شي بكل احترام وتقدير بينهم وطلعو
في السياره___
عمي...مش نقولك ربي يسهل كل شي
عبدالفتاح..والله ماكنت نحساب ردت فعله هك لانا معقد اشوي
عمي..هذا نصيب
عبدالفتاح...نصيب توا وين نمشو
عمي...للعرب اللي خشيين فيهم
عبدالفتاح..عارف الحوش
عمي...يلا مدرسه.........بعد نوصلو نرن عليه يعطيني الوصف
وفعلا وصلو للمدرسه رن عمي ع ماهر عطا الوصف ومشو لقو ماهر علي سرير في المربوعه ومعاه اصحابه و اعيال اسياده وسياده
عمي..مرحبا مرحبا
صبو كلهم يسلمو بكل رحابه صدر
عبدالفتاح...الحمدلله علي السلام
ماهر. الله يسلمك
عمي..شن داير ياوليدي
ماهر...لاالحمدلله بخير
عبدالفتاح...شن داير توا
ماهر..بخير الحمدلله
اب ماهر..الحمدلله جت في الحديد ساهل اهم شي نجو كلهم
وبدو يحكو عمي قللهم نصلح السياره واللي تبوها حاضر مني
اب ماهر..لاوالله العوض مش اكويس اهم شي ولدي وبنتي نجو من الحادث وكل شي يتعوض
عمي..معناها بكرا جايكم بعشاء
اب ماهر..مرحبتين بيكم في اي وقد مش داعي للخساير
عمي..لاوالله مافي حد جايب معاي رفيقي عبدالفتاح وهله وانا وهلي
ماهر ..تلفونه يرن الأبتسامه ارتسمت علي وجه بعد شاف المتصل رقم هاجر بس داره صامت..
عمي..انشالله حد السو
كلهم..سلمك
وطلعووو______
جمال...يحول في لقلافس في مرضه اخرا
الممرضه..لالا خلاص اخر وحده اللي توا
جمال..تمام فنجان قهوا ساده انتعبك فيه
الممرضه..حاضر بدون تعب
جمال..تسلمي
جمال..تفكيره مشوش شن صار مع باته نهاله ولالا تفكيره يمشي ويجي رفع تلفونه ورن علي عبدالفتاح
عبدالفتاح...وقف السياره
عمي..من
عبدالفتاح..جمال
عمي..رد عليه
عبدالفتاح..فتح السبيكر ايوا
جمال..الووو باتي
عبدالفتاح...ايوا نسمع فيك ياباتي كنك
جمال..شن صار معاك
عبدالفتاح..في شنو
جمال...مشيت لهل انوار
عبدالفتاح..مشيتلهم بوها قال ياخذها مايعلقهاش اشهور بعدها يقول مافيش نصيب
جمال..صبا من الكرسي كيف يأخذها بنته وعنده
عمي..ههههه
عبدالفتاح..اسسس قالي قاري فاتحتها يأخذها
جمال..لالا مش واخذها بنته وعنده
عبدالفتاح..هذا اللي صار سقد روحك بالفرح
جمال..تي والله ماني زافها باهي
عبدالفتاح..من امتي تعلي في صوتك عليا تحط فيا في مواقف بايخه عمري ماقعدت فيهن
جمال..يمسح بالمنديل علي جبهته ياباتي ماعليتش صوتي لكن هذي انا مانبيهاش
عبدالفتاح..قبل اشهور كان ماخذيتها متت كمل بيها
جلال..ياباتي ياباتي اسمعني بس
عمي..حرام عليك
عبدالفتاح..مشيت ونهيت معاه وستقبلني بكل رحابه صدر وشكلها البنيه حاكيه ل بوها
جمال..ردت الروح فيه رد للكرسي يعني نهيت معاه
عبدالفتاح..بعد بكرا انتلاقو في المحكمه
جلال..ربي يطولي بعمرك ياباتي
عبدالفتاح..باتك تبيه في حاجات هذين بس
عمي..ههههه
جلال...ههههه لاوالله نبيك معاي العمر كله معاك عمي الناجي
عبدالفتاح ...اها معاي باهي انا توا في طريق نسوق
جلال..باهي عينك من روحك
عبدالفتاح...انشاءالله وصكر
عمي..خليته علي اعصابه
عبدالفتاح...تحرك بالسياره يستاهل يديرو الشي ويخلوه في وجي مش عيب
عمي..نصيب هذا
____الأيام الباهتة بحاجة لتفاصيل صغيرة ملوّنة تمحو ترتيبها... Ñř Ŕóhã🥀
هاجر...نوررر
انا..متكيه ع سريري خشي
هاجر..ماردش علي
انا..ممكن مش شايف المكالمه ممكن يلاه ناس
هاجر..لالا هوا مايبيش يحكي معايا اصلاااا ياريت ماكلمته نصدمت
انا...الناس تلاهي ياجوري ديما تفكيرك ياخذك لشي السلبي
هاجر..اقل شي يدز مسج
انا..توا يكلمك مش مسج بس
هاجر..قولك
انا...اها بعدها عمي اكيد قاعد عندهم كيف بيرد عليك
مبروكه..افتحت الباب حواء وهبه جايات
اناا...صاح والله مرايفه عليها بكللللل
مبروكه..حتي انا والله مرايفه عليها
هاجر..واخير ياهبه عرفتي حوشنا
مبروكه..الله غالب مش بيدي نعطيها لكن خيتي
انا...والله لك اجر كبير ياعمتي وربتها عمتي حواء احسن تربيه كأنك انتي
مبروكه...بس مش واخذا علي خوتها
انا..شي طبيعي لانها تجي كل بعد فتره بس
هاجر..توا نقوللها تقعد
مبروكه..ما تقعدش عالقه في حواء
___
نحكيلكم علي هبه من اول مابدت القصه هيا مش موجوده لاني مانعرفش احداثيات يومياتها هبه بنت عمي اخت هاجر وفرج وهادي م92كبيره عمي من وهي عمرها 3سنوات خذتها خالتها حواء اخت عمتي مبروكه ربي مارزقهاش بالعيال ابدااا مشت واجد مافيش مكان مامشتله ليبيا وخارج ليبيا عشان ربي يعطيها حتي بنيه تقعد عليها العمر كله وتملي دنيتهم بهرجتها لها توا 24سنه متزوجه لكن شاء القدر والنصيب يربو بنت عمي وفعلا ربوها احسن تربيه واحسن تعليم من كثر مامتعلقه بيهم تقول لحواء ماما وراجها بابا وعمتي مبروكه امي وعمي باتي تجيب فيها من فتره لفتره بحكم الطريق لانها تسكن بعيده الا حواء وراجها روحهم فيها بنتهم اللي جابها لهم القدر
"فابسط لهُ الكفَّ لن تأتيكَ فارغةً
فقد سألتَ الذي سوّاكَ مِن عدمِ.....
____
الممرضه...تفضل دكتور قهوتك
جلال..صحيتي
الممرضه..ابتسمت سلمك
جلال...معش فيه حجز اخري
الممرضه..لالا اخر مريضه اللي طلعت امبدري
جلال..معناها انا طالع اي حاله مستعجله رنو عليا
الممرضه..حاضر دكتور
جلال في يومها الفرحه مش سايعته برغم خطب انوار برغبته هوا لكن الفرحه في يومها ماتوصفش يبي يطير
____
جلال..خش للحوش السلام عليكم
جعفر..راقيله خش لداره
امنه..وعليكم السلام روحت
جلال..كنه هذا
امنه..علي السيارة
جلال..خليه شوري
امنه..نبيك في موضوع
جلال..ان شاءالله خير
امنه...جلال___________
عمي..انزل
عبدالفتاح..لاوالله نبي نروح انتريح اشوي
عمي..غير انزل
عبدالفتاح...والله لا شن دايره كنتي
عمي..لاالحمدلله اتحسن نهايه الأسبوع تفك الخياطه
عبدالفتاح..علي خير انشالله
عمي...تبي شي
عبدالفتاح..سلامتك ونزل
وصكر عمي باب السياره وعبدالفتاح تواجه لحوشه
عمي..مبروكه
مبروكه..جيت مرحبا
عمي...جيييت وين فررج
مبروكه..عدا لصالات قال جايه ابضاعه
عمي..انتريح اشوي ومشي غادي
مبروكه. شن صار في العرب
عمي..مايبو شي ومسامحين لكن بكرا واخذ عشاء
مبروكه..باهي
عمي..تمشي انتي ومراه عبدالفتاح
مبروكه..اليوم جايه هبه وحواء
عمي..والله صاح وين مرايف عليها هبه تحكي معاي ب تلفون بس لكن لي وين ماشفتها
مبروكه..تقرا طب وطريق
عمي..عارف عارف لكن مفروض تخليها كم يوم حتي تاخذ ع خوتها
مبروكه..ماتقعدش الا ب حواء
عمي..وتقعد حواء معاها
مبروكه..توا نشوفها لكن مرايفه عليها بكل٠
___
جلال...يسير خير
امنه..هنيني عليه الموضوع هذا
جلال..تم ياامي ماتفكريش فيه جمال مازال م روح
امنه..مازال ماروح
جلال..شن صار في موضوعه
امنه..والله مش عارفه طلع فتوحه مازال ماروح
جلال..الباب شكله جا
امنه..عمره طويل
عبدالفتاح...السلام عليكم
امنه&جلال..عليكم السلام
امنه..شن صار
عبدالفتاح...نهيت معاهم بعد بكرا انتلاقو في المحكمه
جلال..في حد قلل ادبه معاك
عبدالفتاح..لاوالله استقبلونا ب رحابه صدر في النهايه كل شي نصيب
جلال..تمام
امنه..باهي تمام والله كنت قاعده علي اعصابي
عبدالفتاح..كل شي اسهل انا نبي انتريح اشوي وخش لداره
امنه.الحمدلله باهي عدي تريح اشوي
جلال..وانا راكب فوق
امنه..نبي نقولك
جلال..التفت شن
امنه..خطرها جعفر وجلال يبو شاهين
جلال..امس كنت انودي في حاجاته له
امنه..صاح كنك ماقلتها نمشي معاك
جلال..لقيت رساله منها تبي حاجات له
امنه...جلال
جلال..والله مافي بالي ياامي بينا شاهين بس
امنه..كان اتفكر فيها ماتربطش بنت الناس معاك
جلال..كان نبيها ماطلقتها قتلك بينا شاهين بس
امنه..به كان هك
خش جلال لداره غير ادبشه وخذا الابتوب وركب لجناح لفوقي متاع الرياضه بدا يشتغل علي الابتوب
____
هاجر...في دارها حاطه السماعات تلفونها يرن
هاجر..غمضت اعيونها حيييي عليا يرن شن نحكي عزقاته علي السرير ويديها علي وجها يرعشو
بعد رابع مكالمه فتحت
ماهر..ساعه
هاجر..وعليكم السلام ورحمه
ماهر.ههههه ماتغيريش بكل انتي
هاجر..شن داير
ماهر..الحمدلله انتي شن دايره انتي سمحه من غادي يابال وجك قعد الوان
هاجر..ههههه ماااهر تسمع فينا يومها
ماهر..اها يما ضحكت عليك
هاجر..بس بعد التفتت راقد
ماهر..درت وجي لساس عارفك هبله وتكشفي بيروحك لوشفتيني
هاجر..ماهر جديات شن داير
ماهر..الحمدلله انتي شن امورك
هاجر...الحمدلله مازال في روح مامتت
ماهر..ماسمعت شي اوك
هاجر..كلمتك عشان نسأل عليك بس
ماهر..بس بسسس
هاجر..ههههه ماهر عارفني نضعف معاك مش حنسكر الا ثاني يوم ايوااا
ماهر..افداك مرايف عليك ياشينه عليش مقفل
وبدت مكالمه من تحميد بسلامه لتعتيب وكملت بغرميات وحب وكانو لأثنين امرايفين ع بعضهم وهيمين وماكأنه كان فيه خلاف بينهم____إبدأ بالأفكار الإيجابية التى ترسٌم سعادتك بيومك وأطلق العنان لتحقيق أهدافك, وتقبل الحياة ولا تستسلِم ...Ñř Ŕóhã
ياسين...وعا من النوم
سارة..ماسكه تلفونها وتبكي
ياسين..طلع من الدار
سارة..ياسين😭
ياسين..يوووه علينا
سارة..ياسين نبي نمشي لهلي
ياسين..شن خطرلك
سارة..ياسين😭لوسمحت
ياسين..تبكي جديات شن فيه
سارة..مضايقهه نبي نمشي نقعد كم يوم
ياسين..ندوش ونطلع وتي روحك
سارة..تمام
ادوش ياسين وطلع لقاء سارة واتيه استغرب ل انا مش من عويدها من اول مازوجو ماطلبت منا لا يطلعها ولايدهورها ولاشي
وطلعو وكانت سارة سرحاااانه كأنها فوق غيم هدوءها مش طبيعي مخيف حتي لو ياسين هزب ولاتكلم مش حترد ولاكلمه تبي تمشي لحوش هلها وبس
وفعلا ياسين حاول يضيقها في الكلام عشان يعرف شي فكر حاجه وحده انها الشي اللي بكاها شور نور بس ادموعها ينزلن بدون صوت ونزلت م السياره ولاكلمه وخشت لحوش هلها فرم السياره وعدا
____حـتى الكلمات ما عـادت تسعفنا ، سنمـوت مختنقين بمشاعرنا
هاجر...نووووور
انا..انفجعت كنت راقده والله البنت هذي ح تجلطني في يوم
هاجر..كلمني وترقص
انا..اوووو ياقلبي باهي مش قتلك ليش تفجعي في
هاجر..فرحانه
انا.ههههه هبله انشالله ديما فرحانه
هاجر..بدت تحكي كيف ماهر يسمط عليها وكيف وعدها يتغير معاها للأحسن ووووو قاطع كلامها تلفوني يرن
انا...تلفوني جنبك ياهاجر
هاجر..التفتت اهو رقم بدون اسم
انا..مش عارفه يومتها رن رقم رديت مارد عليا ممكن غالط
هاجر..افتحي عليه
انا..فتحت الوو
المتصل...ساكت
هاجر..نور معقوله يكون ياسين نادم ويبي يرد عليك
انا...فنصت فيها اسسسس
هاجر..حطت يدها ع فمها نسيت السبيكر
جلال...من ياسين يانور.......#يتبع
اسفه لو في لخبطه في الاسماء
انشالله تنال #اعجابكم شجعوني عشان نكملها وماتقولو قصيره طووويله الحلقه كان لقيت تفاعل علي الحلقه في ليل انزل حلقه اخري
#انتظروووني_في_الحلقه_التاسعه
#ديرن متابعه لصفحتي عشان كل مانزل توصلاكن❤ ✍
