#قطعه_مني
#الحلقه_الرابعه
#بقلم Ñř Ŕóhã
انا...لاوالله مستعجله نبي سارة
ادريس...سارة في حوشها ههه
انا...ههههه شنو
ادريس...سارة ازوجت لها اسبوع
انا..تحكي جديات في لحظه نحسابه يبصر عليا لاني كل بعد فترة نجيهم 😅
مع طلعت اخت سارة
هيام..اااا نور مرحبا
انا..اهلين هيام شن دايرة
هيام..تمام الحمدلله
ادريس.خش جوا
انا...حسيت هيام متوترة ماتبيني نحكي مع باتها ومع حركت يديها المرعوشات لخبطوني بصراحه💔
انا..صاح اسويرة ازوجت
هيام..اا اها والله
انا..كيف صار مالها شي كانت عندي اللي خلتني نجيها انها تلفونها مقفل
هيام..اااا والله جت مفجاءة وسريعه والله زوجها مايبيها ادير تلفون
انا...تحكي جد باهي كيف بتحصلوها
هيام..ترن علينا برقم زوجها
انا..باهي والله برغم اني زعلانه هذي رفيقتي وخيتي ليش ماعزمتني علي قد ماني فرحانتلها لوقاعده راهو نكدت عليها
هيام..ههه
انا..باهي والله اللي ربي جمعهم بعضهم هيا محمد قد شنو كانو يحبو بعضهم
هيام..ااا لاوالله مش محمد قريب ماما
انا...لاماتقوليها ليش حظنا نحنا
هيام...كل شي نصيب يانور
انا..انا جيت عشان مرايفه عليها وبنقوللها علي فرحي نهايه الشهر تعالي حتي انتي وقوليها ل اسويري نفرح بجيتكن والله
هيام...انشاءالله كل شي علي البركه
انا..يبارك في عمرك حبيبتي وسلامي ع الجميع وبذات اسويري
هيام..انشاءالله
انا..هيا بسلامه
هيام..بدري
انا..لاوالله هادي ماتسمعي فيه كلاكس مركب
هيام..هههه باهي تمام
انا..هيا بسلامه
وطلعت..
هيام... رفعت تلفونها الووو سمعتي كل شي طبعا
سارة...اها
هيام..بتحضري
سارة..وين بنحضر لالا كل ماتجي وزعيها بطريقتك
هيام..باهي لحقت كان هكي بابا حكالها
سارة...معش يهمني اهي هيا عايشه حياتها وبتتزوج والنصيب بيني ل ياسين مش ليها....
هيام..شن وضعك معاه
سارة..اهو بيرضا بالأمر الواقع شن يبي يدير يعني
هيام..حرام عليك تعشم فيكم
سارة..فوتيني توا هيا سلام
وصكرت في وجها
_______ بقلم Ñř Ŕòhã
وان سألوك ماذنبك
قل ذنبي أني لم احسب العفويه ذنبآ
حين كان لكل شيء ألف حساب
وكنت عفويا لألف شئ....🥀
____
هادي..ساعه
انا...ازوجت
هادي..مني
هاجر....لاااااا ماتقوليش سارة
انا..اها
هادي..زمر نمشي خير انا
هاجر..كيف ماعزماتك مش علي اساس صندوق اسرارك ولا
انا..مش عارفه هاجر كأنه حد صاب عليا اميه مصقعه مش مصدقه ليش ماقالتها ليا
هاجر..ومن سعيد الحظ
انا..قالت قريب امها
هاجر...علي كيفها قتلك البنت مش مريحه
انا...قلتلي اختها انا راجلها خذا منها تلفونها مايبيها ادير تلفون تصدقي
هاجر...خلك من الكذب توا تطلع زبدتها مافيش منه الكلام هذا بالله عليك ماتكوني طيبه بزياده بالله عليك في الوقت هذا في حد يقدر مايعيش بلا تلفون نووور
انا...هيا قالت شن عرفني
هاجر...عبيطه رسمي انتي اها ماتبيش مواصلات بينك بينها بس واضحح
انا...وانا شن درتلها بس
هاجر...يمكن غيرة
هادي..يشوف للمرايه من امتي يامحلل سياسي
هاجر...اختك خبره عبيطه في كل شي الا في الحاجات هذين لي انا واضح
هادي..يعني جينا علي الفاضي
هاجر..لالاعرفنا سارة ازوجت هههههه
هادي..هههههه بطلي يافرخه
انا...اوووف ياااا اوووف
هادي..ههههه احم احم بطلي ياهاجر خليني نشوف الطريق
هاجر..من شورك
هادي...تي كنها السيارة
انا..كنها هادي
هادي..الفرينو بلد
هاجر انا....شن يعني بلد
هادي..خلنكن هاديات بس نبي نلف من الكورفا هذي واعره بعدها انطلعا علي التراب
انا...😭نبي نموت كيف ماما وبابا صاح
هاجر..بدينا في الدرامه عاد لالا انتي ماتموتيش
انا...😭😭اليوم هذا مار عليا انا انموت وانتو اتعيشو
هادي..بطلي بس
فعلا هما يحكو وخشت فيهم سيارة كلهم لااااااااااااا هادي وهاجر عزقتهم السيارة ونور راسها جا علي القزاز اااااه فقدت الواعي
______
جمال...انا طالع فيه اوراق ضروري نختمهن
عبدالرحمن...ياافندي المحقق كمال عندا قاضيه وهوا برا البلاد
جلال..المعني...
عبدالرحمن..ياافندي قالي قول ل جلال يستلمها
جلال...قضيه انا مش ماسكها من الأول مانعرفش نخش فيها او بالمختصر مانبيش نمسكها عندي قضيتين وحده كملتها مازالن اثنين مش ناقصه واحده فوقهن
عبدالرحمن..حاضر افندي
جلال..كمال خليه شوري توا نكلمه انا لابرا لبلاد لا شي واخذ فترة نقاها في الجبل له اسبوعين خليه يجي يشوف شغله ولايفوته بكل
عبدالرحمن..تمام
جلال..ينظم في الاوراق انا طالع وسكر مكتبي
عبدالرحمن..حاضر افندي
جلال...من اللي ساكن مكالمات
امي انشاءالله خير
عاود الاتصال
جلال..الووو
امنه..الوو جلال وينك نتصل بيك من بدري
جلال...عندي تحقيق ياامي
امنه..كملت
جلال..عندي اوراق لازم ننهيهن شن فيه...
امنه...نبي نطلع لسوق
جلال..وين جمال وجعفر
امنه...عندهم شغل
جلال..لاأنا اللي فاضي توا نرن عليهم يجو يأخذوك وين ماتبي
امنه..الله يربحك بدون مشاكل قالو باهي ماقالو خلاص
جلال..وتي روحك توا يجي واحد منهم ياخذك
امنه..تمام
صكر جلال طلع دخان وتوجه لسيارته يكمل باقي شغله
_____
هاجر...😭😭وراسي افتحي اعيونكككككك نورر
هاجر..هادي افتح اعيونك
هاجر مافيش حد في طريق معقوله حيموتو عارفه وووه عليا ووووه 😭😭😭😭
خطمت سيارة ورا سيارة ورا سياره اللي تجي توقف
الشاب..انشاءالله خير قولي لااله الا الله ياختي
هاجر....مش قادره انتنفس وفقدت الوعي
شالوهم كلهم في سيارات والشاب اللي خشو فيه حتي هوا اغمه عليه ومعاه ابنيه حتي هيا فاقده الواعي بس اكثر حد متضرر نوور توجوه بيهم الأقرب مستشفي
__
مبروكه...من اللي يدق هك هيا جيت
فرج...ياامي العيال دارو حادث
مبروكه...ووووه عليا ماتو
فرج..لالا هيا ناخذك ل مستشفي
مبروكه...حي عليا انا ووووه علي اطلوع مافيهم شي
فرج..قولي لا اله الا الله هيا
مبروكه...تلبس
مسكينه من الفجعه العبايه مصكرتها غلط
فرج..ياامي اكويسين صكري العبايه اكويس
مبروكه..ووه علي مش وقت انظم لبسي بناتي ووليدي ياربي نجيهم
وطلعووو طول ل مستشفي
___
الدكتور...نبو فصيلهO-
عمي...من اللي يبي فصيله
الدكتور..الانسه اللي دخلوها توا
فرج..باتي فصيله نور
عمي..مافيش في المستشفي
الدكتور..مع الاسف مش متوفرة وين نلقاها توا كلم اصحابك كلم معارفنا
الدكتور..ضروري توا
عمي..لااله الا الله باهي بنتي هاجر ووليدي هادي
الدكتور..كلهم جوا رضوض بسيطه
عمي..باهي ليش ماطلعهم
الدكتور..ياحاج ضروري يكشفو عليهم قبل
عمي..واللي خاش فيهم
الدكتور..الشاب عنده كسر في اليد وجايته الخطبه علي فخده كراعه واللي معاه في العمليات هذين المعلومات اللي عندي توا المهم لوسمحتو بعد تلقو دزو علي
عمي..يارب يارب ها شن صار يافرج
اللي نسأله يقولي A+
عمي...ياربي ابنيه قزونه ياربي احميها من عندك
فرج..ياباتي
عمي..لقيت
فرج.رن علي عيت عبدالفتاح بلكي عندهم الفصيله
عمي..نسيت خذا جهازه ويدور ويدور
الووو
عبدالفتاح..مرحبا بنسببي وصاحبي
عمي..مرحبا فتوحه نبي نقولك نحصل حد من معارفك فصيله O-
عبدالفتاح... واحد من العيال مافيش برانيه
عمي..انهار...اعيالي ياعبدالفتاح نور وهاجر وهادي دارو حادث
عبدالفتاح ...انت وين توا انشاءلله خير
عمي.في المستشفي......
عبدالفتاح..نتصل بالعيال وجايك
عمي...انشاءلله نرجا فيك
عبدالفتاح...ياامنه ياامنه
امنه...جيتك انشاءالله خير
عبدالفتاح..اعيال نسيبنا والبنيه اللي طلبناها دارو حادث
امنه...لاااا ماتقولها شن صاير فيهم
عبدالفتاح..من اللي من العيال فصيلته O-
جفعر...انا فصيلتي وفصيلت جلال
امنه.. حتي انا O-...جيت يا جعفر
جعفر..ياامي قولي لجلال معش يهزب قدام الشباب
امنه...خيك
جعفرر..ياامي يكسف فيا يحسابني فرخ حتي اسلوب .....
عبدالفتاح...هيا قدامي توا
جعفر..نغير ادبشي بس
عبدالفتاح...قدامي
جعفر..ومشينا هيا
امنه..راجوني نمشي معاكم
عبدالفتاح. لالا خليك بعد يطلعو تمشيلهم
امنه..طمنوني
عبدالفتاح..انشاءالله
________
عمي...فرج شفت امك
فرج..اها هبط عندها الضغط يعدلو فيه لها
عمي..لاحول الله نمشي نشوفها
فرج..تم انا قاعد هنا
جو هل الشاب اللي خش فيهم شكله وحيدهم امه تبي اطير عليه هيا وخواته
فرج..قولو لااله الا الله ولدكم اكويس
بات الشاب..الحمد الله علي سلامت هلك
فرج..يبقا الحمد
ام الشاب..اوليدي يسوق اكويس كيف صار هكي
فرج..نصيب ياامي ادعولهم بس
____
امنه...تي كنا مايرد
جلال...بارك الله فيك
الشاب..وفيك بارك الله انسيت الورقه هذي
جلال...اووو وهذي المهمه في هذين كلهن
الشاب..اي خدمه
جلال..امنور
___
امنه...هذي عاشر مكالمه
جلال..ركب في سيارته انشالله خير امي الووو
امنه...من بدري نرن ياجلال
جلال..جهاز في السيارة كيف جعفر ماجا خذاك
امنه..جعفر طلع ل مستشفي
جلال..يسقم في قعدته كيف شنو عليش ماشي شن فيه الووو
امنه...الووو تسمع فيا
جلال...اها نسمع فيك قولي
امنه...نور وعيال عمها دايرن حادث وباتك خذا جعفر عشان طالبين دم O-
جلال..فصيلتي
امنه..عدا جعفر قلت انقولك
جلال..ماقلك اي مستشفي
امنه..اها قال عمها مستشفي......
جلال...اقريب مني
امنه...خلاص بعد توصل طمني
جلال...بأذن الله
_____- لست عاديًا بالنسبة لي، دائمًا أراك كما لو أنك الشيء الوحيد الذي يجب علي أن أهدر الأيام معه ولا أبالي.____بقلم Ñř Řòhã✍
عمي...شن تحسي روحك
مبروكه...اعيالي وينهم
عمي...كويسين كلهم
مبروكه..نور وينها
عمي..في العمليات
مبروكه😭
عمي..طمنا عليها الدكتور
مبروكه..هاجر هادي
عمي..كويسين وعيين
مبروكه..ياريي اعيالي مالي غيرهم
عمي..اكويسين شدي روحك
مبروكه...😭😭نبي نشوفهم مش كويسين
عمي.والله هادي وهاجر يطلعو نجيبهم لك
مبروكه..نور
عمي..حتي نور انا نبي نطلع نشوف العرب قالو جو اللي خشين فيهم
مبروكه..ماتسيبوني طمنوني
عمي..كوني هانيه
وطلع عمي مبروكه اعيونها ماكفو م البكا😭اعيالها حتي هم من يبي يلومها
____
جعفر...اهو جلال جاي يعرض في عضلاته
عبدالفتاح...عيب اكيد امك مكالمته
جعفر..خلاص دمي مش هاين علي نعطيه
عبدالفتاح..اسكت ونزل عيب نحنا انساب توا
جعفر..ولدك نسيبهم مش انا شن دخلني دمي انشاءالله غير مكافيني
عبدالفتاح...لااله الا الله
جعفر...اهو يصف في سيارته توا يعطيها دمه كله😂
عبدالفتاح..هيا مش وقت ضحك
جعفر..اني نزلت هي
نزلو ونزل جلال
جلال..انت روح
جعفر..مش قتلك
جلال..مش وقت مسخره
جعفر..المدام طلبت دم مني
جلال..روح قلت
جعفر..شن يسير ياحاج
عبدالفتاح...خشو انتو لاثنين مرات يبو دم بزياده
جلال..ياباتي ماليا شي هذا متبرعله
كيف توا تبيه يتبرع
عبدالفتاح..والله نسيت غير بعد كلمني مالقيت غير جعفر
جعفر..عشان تعرف بس ياالشايب ديما متوفر
جلال..روح انت وبلا كلام زايد
جعفر..تمام بكل
جلال وعبدالفتاح خشو
جعفر..جلال
جلال..التفت
جعفر..دير الزينه عاد دمك كله عطيه😂😂😂
جلال..علامات استفهام تحشم من باته
عبدالفتاح...امتي يعقل بس
