Unicode
ပိုင်ဝေ့ရှင်းနဲ့ရိုစလီတို့ ညက စကားပြောရင်း.. အိပ်ချိန်နောက်ကျသော်လည်း... မနက် ၉နာရီခန့်အချိန်လောက်တွင် နှစ်ယောက်လုံး ပြိုင်တူနိုးလာကြသည် ။ မနက်ခင်း တကိုယ်ရေသန့်ရှင်းမှုပြင်ဆင်ပြီးနောက်... မနက်စာစားရန် နှစ်ယောက်သားအတူ အောက်ထပ်သို့ ဆင်းလိုက်ကြသည် ။ ထမင်းစားခန်းထဲတွင် တအိမ်သားလုံး စုံလင်စွာဖြင့်... မနက်စာ စားနေကြတာကို တွေ့လိုက်ရတယ် ။ ပိုင်ဝေ့ရှင်း အဘွားဖြစ်သူအား ဖက်နမ်းကာနှုတ်ဆက်လိုက်ပြီး... သူမရဲ့နေရာကို ဝင်ထိုင်လိုက်တယ် ။ ရိုစလီကိုလဲ သူရဲ့ဘေးနားမှာပဲ ထိုင်ခိုင်းလိုက်သည် ။ ပိုင်ချန်းနဲ့ကျန်တဲ့နှစ်ယောက် ရိုစလီကိုအကဲခပ်သလို ကြည့်နေတာတွေ့လိုက်ရပေမဲ့ မိတ်ဆက်ပေးချင်စိတ်မရှိသဖြင့်.. ဒီအတိုင်းပဲ နေလိုက်သည် ။
" ဘွားဘွား သမီး ဒီနေ့ ကျောင်းကိစ္စအတွက် ထပ်သွားဖို့ စီစဥ်ထားသေးတယ်.. ပြီးတော့ ရိုစလီကလဲ ဝယ်စရာလေးတွေရှိတယ်ပြောလို့ သမီးနဲ့အတူ ကုန်တိုက်ကိုခေါ်သွားမလို့.... အဲ့ဒါ ခွင့်ပြုပေးဦးနော်.. ဘွားဘွား.... ''
" မြေးလေး သဘောပါ... ရိုစလီရော ညက အိပ်ရတာအဆင်ပြေရဲ့လား... ဝေ့ဝေ့က အအိပ်အရမ်းကြမ်းတာ... သမီးကို အနှောက်အယှက်ပေးမိမှာပဲ.... ''
" မဖြစ်ပါဘူး.. ဘွားဘွား... ဝေ့ဝေ့က အဲ့လောက်လဲ မကြမ်းပါဘူး... တချက်တချက် ကန်ရုံလေးပါပဲ... .''
" ရိုစလီ .... နင်နော် ပေါက်ကရတွေမပြောနဲ့... မနက်စာစားပြီးရင် ချိန်းထားတာသွားမယ်... ပြီးရင် ငါတို့ကိစ္စအတွက် ပြင်ဆင်ဖို့လဲ လုပ်ရဦးမယ်လေ.. ''
" အင်း စားသောက်ပြီးရင်သွားကြတာပေါ့... ငါလဲ တိုက်ခန်းကိုပြန်ပြီး အဝတ်အစားလဲ ယူစရာရှိတာယူလို့ရအောင်လို့... ''
" အင်း.. ဒါဆိုလဲ မြန်မြန်စားကြစို့... ''
" ပိုင်ဝေ့ရှင်း... နင် ငါတို့ကိုရော မျက်စိထဲ ထည့်သေးရဲ့လား.. ''
" စိတ်ကိုမဝင်စားတာ.. မြင်ကိုမမြင်တာ... ''
" ဘာ!!! ... နင် တစိမ်းရှေ့မှာ မိဘကိုဘယ်လိုပြန်ပြောလိုက်တာလဲဟမ်...ငါတို့ကို ဧည့်သည်နဲ့ မိတ်တောင်မဆက်ပေးဘူး... မိဘကို မိတ်ဆက်ပေးစရာမလိုဘူးဆိုတဲ့သဘောလား ... ''
YOU ARE READING
ချစ်သောဗီလိန်လေး 2 (Ongoing)
Action#DZ ၂၁ရာစုသမီးပျိုလေး ကားမတော်တဆဖြစ်ရာနေ system 1005နှင့်တွေ့ဆုံပြီးနောက် ............ ဒီဇာတ်လမ်းကတော့ ပါဝါရိန်းဂျားဇာတ်ကောင်များကိုအခြေခံထားသောဇာတ်အိမ်တခုဖြစ်ပါသည်။ ဤဇာတ်လမ်းသည် စာရေးသူ၏စိတ်ကူးယဥ်မှုသက်သက်သာဖြစ်သည်။ ဘာသာပြန် လုံးဝလုံးဝမဟုတ်ပါ။ ပါ...