မြွေသားရဲ၏ဇနီးသည် 【MM Translation】

(14)

ရှုကျင်ထျန်းသည် ငှက်ဥတစ်လုံးကိုချက်ချင်းထုတ်လိုက်ပြီး ငှက်ကြီးများကိုခြိမ်းခြောက်ရန် သူ၏ရင်ဘတ်အနားမှာကိုင်ထားလိုက်သည်။

သို့သော် ရှုကျင်ထျန်းသည် ငှက်၏အသိဥာဏ်ကို အလွန်အမင်းမတွက်ဆဘဲ ပြုလုပ်ခဲ့ခြင်းပင်။ မီးတောက်ငှက်များက သူ့ဥများကိုယူနေသည်ကိုမြင်သောအခါ ပို၍ပင်ဒေါသထွက်လာသည်။ သူတို့ကမရပ်တန့်ဘဲ ရှေ့ကိုပိုလို့တောင် ပြင်းပြင်းထန်ထန် ချီတက်လာကြသည်။

ရှုကျင်ထျန်းမှာ အလွန်ထိတ်လန့်သွားသည်။ ငှက်တွေကသူ့ရှေ့ရောက်နေပြီမို့ ရှောင်တိမ်းဖို့အရမ်းနောက်ကျနေပြီ။ သူက ငှက်ဥကိုမြှင့်ပြီးအပြင်သို့ပစ်လိုက်သည်။

မီးတောက်ငှက်သည် သူ၏မျက်လုံးများအားချက်ချင်းလှည့်ကြည့်လိုက်ပြီး ငှက်ဥဆီသို့ဦးတည်လိုက်သည်။

"ဟူး ~"
ရှုကျင်ထျန်းသက်ပြင်းချလိုက်သည်။ သို့သော် သူအသက်ပင်သေချာမရှုရသေး။ အခြားငှက်တစ်ကောင်က သူ့ဆီအမြန်ပျံဝဲလာပြန်သည်။

ရှုကျင်ထျန်းသည် အခြားငှက်ဥတစ်လုံးကို အလျင်အမြန်ကောက်ယူလိုက်ပြီး ငှက်၏နှုတ်သီးကသူ့ရှေ့သို့ရောက်လာသောအခါ သူကငှက်ဥကိုပစ်ထုတ်လိုက်သည်။

ရလဒ်အနေနှင့် အခြားငှက်တစ်ကောင်သည် ငှက်ဥနောက်သို့လိုက်နေရသည်။

ရှုကျင်ထျန်းသည် သစ်ပင်ပေါ်တွင်အားပျော့စွာ အသက်ရှူနေရပြီး သူ၏အ၀တ်များဟာလည်း စုတ်ပြဲသွားသည်။ ကုတ်ခြစ်ရာဒဏ်ရာများမှလည်း သွေးများထွက်ကာ သူ၏အဖြူရောင်လက်ရှည်တီရှပ်ကို စွန်းထင်းစေခဲ့သည်။

ရှုဟန်ယွီသည် လျင်မြန်စွာတက်လာပြီး ဤမြင်ကွင်းကို အတိအကျမြင်လိုက်သည်။ အားနည်းလွန်းသော မိန်းမပျိုလေးသည် သစ်ပင်၏ပင်စည်ကိုမှီကာ မလှုပ်မယှက်ဖြစ်နေလေ၏။ သူ၏တစ်ကိုယ်လုံးတွင် အနီရောင်သွေးများစွန်းထင်းနေပြီး အနံ့များကသူ့ခန္ဓာကိုယ်မှ တဖြည်းဖြည်းပျံ့လွင့်လာသည်။ ၎င်းသည် အလွန်မွှေးသောရနံ့ဖြစ်သော်လည်း ရှုဟန်ယွီမှာ အမျက်ချောင်းချောင်းထွက်ခြင်းကိုသာ ခံစားခဲ့ရသည်။