قلبي أطمئن .. للكاتبة فاطمة الألفي

الفصل الحادي عشر

الفصل الحادي عشر

قلبي أطمئن

احتضن شقيقه يحاول أن يهدئه ليتحدث معه

محى مروان دموعه وبدا يقص عليه كل ما حدث تلك الليله المشئومه التى تسببت بحاله رقيه

انصدم مازن من تفوه شقيقه بتلك الحديث ولم يستوعب ولم يصدق إذنه ، ان هو من فعلا بها ذلك ، فهي اخت صديقه بمكانته شقيقته الصغرى ولم يصدق ان الجاني الحقيقي ليس إلا شقيقه الطائش عديم المسئوليه .

اغمض عيناه بألم وحسره على ما سمعه وفجأة سار به وانفجر كالبركان وهو يمسكه من ياقته وينفعل عليه

مازن بحسره رفع يده وصفعه بقوه على وجنته

بقى انت تعمل وتخطط لكل ده ، حرام عليك ذنبها ايه توهمها بالحب لحد ماتنفذ طلبك.، وكمان مارحمتهاش تسببت انها ترمي نفسها قدام عينك ، كان فى عقلك وتفكيرك وانت بترسم عليها الحب ، مش عارف ان رقيه اخت اعز اصدقائي مش فكرت فيه ولا فى غيث ، فكرت فى نفسك وبس انك عاوز توصل ليها بأي تمن ، لو رقيه كانت ماتت كنت انت اول حد يتسال ازاى جت هنا وكمان سمعتها يا بني ادم كانت هتبق على كل لسان ، فكرت فى عواقب إللى عملته ، انت أخ انت ، مش قادر اصدق انت تعمل كده ومع مين اخت غيث إللى بعتبرها اختي انا كمان ، أقول ايه لغيث ، اقوله ايه اخويا هو إللى عمل كده فى اختك وكمان ضحك عليها واتجوزها عرفي بورقتين أقول ايه يا اخي حرام عليك البنت تقضي الباقي من عمرها على كرسي ، عارف نفسي اعمل فيك ايه ، اسلمك بنفسي تتحاسب على عملتك السوده دي

كان يقف أمام شقيقه ولم يقدرك على النطق فشقيقه معه كل الحق وعليه ان يلومه ويعاتبه ويقتص منه أيضا

مازن بعصبيه :ساكت ليه حاسس بالذنب وتانيب الضمير دلوقتي ، مش عارف تنام مرتاح البال صح ، جالك قلبك ازاى اصلا تنام وتغمض عينيك ، فين الورقتين

مروان بحزن :هتعمل بيهم ايه ، انا بنفسي هخلي رقيه تقطعهم بايدها

ابتسم بسخريه :وانت فاكر ان رقيه هتشوفك بعد كده

مروان :هحاول معاها ، انت مش حاسس بيه صدقني انا بجد ندمان ومستعد اتجوزها بجد بس هى توافق وهتحمل عجزها بس تسامحني

مازن بضيق :بعد ايه يا مروان انت هديت جواها كل حاجه ، البنت حبتك ووثقت فيك وامنتلك وانت بكل نداله وقله اصل جرحتها ودست عليها وكسرت قلبها إللى حبك وكرهت نفسها أنها عرفتك ولا شافتك فى يوم من الايام

مروان بدموع :ارجوك يا مازن خليك جنبي انا محتاجلك بجد ، انا خلاص هتغير وهكون قد كلمتي اوعدك هبطل كل حاجه غلط بعملها ، وهرجع رقيه ليه تاني وهعوضها عن إللى حصل بس خليك معايا انت كمان بلاش تتخلي عني

مازن بحزن :للاسف انت اخويا وقدري افضل جنبك ، بس ورحمه ابوك وأمك يا مروان ماهسامح فى حق رقيه غير لو هى بجد سامحتك ، ولو ماتغيرتش هكون اول حد احطك فى الحجز