"ကောင်းပြီလေ ကျွန်တော် ခင်ဗျားပြောတဲ့အတိုင်းလုပ်မယ်"
Ran Feng Ge ခရီးသည်ထိုင်ခုံဘက်ခြမ်းတံခါးကိုဖွင့်ပြီး ဝင်ထိုင်လိုက်သည်။Ran Feng Ge ကို ဘာကြောင့် အနောက်ခုံတွင် မထိုင်သည်လဲ မေးဖို့ Su Yi Mo ပါးစပ်ဟလိုက်ပြီးမှ ထုတ်မပြောခင် သူ့ဘာသာရပ်လိုက်သည်။
ဒုတိယအတွေးမှာ Ran Feng Ge က Jing Qiu Han အဖြစ်ဟန်ဆောင်ထားရာ ခရီးသည်ခုံတွင်ထိုင်ရန် ပို၍သင့်တော်သည်မှာ အသိသာကြီးပင်။နှစ်ယောက်စလုံး ကားထဲတွင် ထိုင်နေကြပြီဖြစ်သော်လည်း Su Yi Mo က မောင်းမထွက်သေး။
Ran Feng Ge လှည့်ကြည့်သည်။
"ဘာလို့ မမောင်းသေးတာလဲ?""မင်းရဲ့ထိုင်ခုံခါးပတ်"
Su Yi Mo က ခပ်ပြတ်ပြတ်အမူအရာဖြင့် သတိပေးလိုက်သည်။သတိပေးပြီးတာတောင်မှ Ran Feng Ge ကမလှုပ်။ သူက အမူပိုပိုပင် ပြောလိုက်သေးသည်။
"Ah Mo.. ငါ့ကို ကူမတပ်ပေးဘူးလား?"Su Yi Mo မျက်နှာထားက မည်းမှောင်သွားပြီး Ran Feng Ge ကို ကြွပ်ဆတ်ဆတ်လှည့်ကြည့်လိုက်သည်။ ထိုအစားသူမြင်လိုက်ရသည်က Jing Qiu Han ၏ နာလန်ထူခါစ ဖြူလွလွမျက်နှာ။ သူ တော်တော်ကြီး သဘောမကျဖြစ်နေသော်ငြား နောက်ဆုံး သက်ပြင်းသာချလိုက်သည်။
Ran Feng Ge က Jing Qiu Han အဖြစ် သရုပ်ဆောင်နေသည်ဖြစ်ပြီး သူတို့ သည်အတိုင်း တစ်နှစ်လောက်ဆက်သွားရမည်ကို Su Yi Mo မေ့လုနီးဖြစ်သွားသည်။
မှန်းဆထားသလိုမျိုး..Ran Feng Ge သည် ပညာရှင်လူစားထိုးတစ်ယောက်ဖြစ်ရုံသာမကသေး ဇာတ်ကောင်စရိုက်ကိုလည်း နေရာမရွေး အချိန်မရွေး အဝင်အထွက်လုပ်နိုင်သည်။ သူသာ ထိုသို့မလုပ်နိုင်ခြင်းဖြစ်၏။
Su Yi Mo ဘေးဘက်ကို ယိမ်း၍ ထိုင်ခုံခါးပတ်ကိုဆွဲကာ ခါးပတ်ခေါင်းတွင် တပ်လိုက်သည်။ ထိုသို့လုပ်ရင်း Ran Feng Ge ၏သွယ်လျသည့် ခါးပိုင်းမြင်ကွင်းနှင့်ဆုံမိသည်။
သူ မေးမကြည့်ဘဲ မနေနိုင်ပါ။
"ဒဏ်ရာက နာနေသေးလား?"ဤမေးခွန်းက Jing Qiu Han ကိုရည်ညွှန်းခြင်းလော..Ran Feng Ge ကိုလော..
နှစ်ဦးစလုံး အဖြေကို မသိပါ။
YOU ARE READING
လူစားထိုး
ActionTitle: Ti Shen / 替身 Translation: Body Double Translator: Giraffe Corps Author: Bei Tang Mo / 北棠墨 Publisher: LC Read / 連城 Genre: Action, Drama, BL Original Language: Chinese Status: Complete (3 Volumes + Extras) Translation: Ongoing Full credit to o...
Ch 29
Start from the beginning