လူစားထိုး

ČTEŠ

Akční

Title: Ti Shen / 替身 Translation: Body Double Translator: Giraffe Corps Author: Bei Tang Mo / 北棠墨 Publisher: LC Read / 連城 Genre: Action, Drama, BL Original Language: Chinese Status: Complete (3 Volumes + Extras) Translation: Ongoing Full credit to o...

#bodydouble #bxb #chinesebl #handsomemalelead #mutualtop #myanmar #showbiz #threepairs #translation

Ch 29

Začít od začátku

od Htoo-6

Ran Feng Ge က သူ၏ ပါးသိုင်းတစ်ဝိုက် တစ်စုံတရာလိမ်းရင်းက ဖြေသည်။
"မကွာဘူး။ မျက်နှာဖုံးက တစ်ယောက်ယောက် လက်သီးနဲ့ထိုးရင်တောင် ကွာကျမှာမဟုတ်ဘူး။ ကျွန်တော်က ပညာရှင်တစ်ယောက်ဆိုတာ သတိရစမ်းပါ"

Su Yi Mo ကမတုန့်ပြန်တော့ပဲ ရေချိုးခန်းထဲမှ ထွက်လာသည့်
မတူညီသည့်မျက်နှာနှင့် Ran Feng Geကို ကြည့်သာနေတော့သည်။
ထိုသူ့ပတ်ဝန်းကျင် လေထုကပင် Jing Qiu Han လိုမျိုးပြောင်းလဲသွားသည်။
'သူက တကယ့်ပညာရှင်ပဲ'
လေးစားသွားသည်ကို ဖုံးကွယ်ရင်း Su Yi Mo ဘာသာတွေးမိသည်။

Su Yi Mo တိတ်ဆိတ်သွားသည်ကို သတိပြုမိပြီး Ran Feng Ge ကလျှောက်လာကာ မရိုးမသားပြုံးသည်။
"ခင်ဗျား မယုံဘူးဆိုရင် စမ်းကြည့်ချင်လား? ဘာကြောင့် ဒီမျက်နှာကို မထိုးသေးတာလဲ..မျက်နှာဖုံး ကွာကျ မကျသိရတာပေါ့"

သူ့ချစ်သူ၏ မျက်နှာကို တပ်ဆင်ထားသူအား Su Yi Mo ထိုးမည်မဟုတ်မှန်း Ran Feng Ge သိသည်။
သူ လုပ်ခဲ့လျှင်မှ ထူးဆန်းဦးမည်။

မျှော်လင့်ထားသည့်အတိုင်း Su Yi Mo ၏မျက်နှာက အမ်းသွားပြီး လှည့်ထွက်သွားသည်။
"မင်းပြီးရင် ငါတို့သွားကြမယ်"

တစ်ဖက်သူ၏ တုန့်ပြန်မှုတွင် Ran Feng Ge ၏အပြုံးက ပို၍ပင် ပီပြင်လာသည်။
သူ Su Yi Mo နောက်ကလိုက်ခဲ့၏။
ပြန်လည်သက်သာဆဲသာ ဖြစ်သောကြောင့် သူ့လှုပ်ရှားမှုများက အနည်းငယ် လေးကန်နေသည်။
နောက်ဆုံး သူ အိမ်အပြင်သို့ရောက်ချိန် Su Yi Mo က ကားကိုဂိုဒေါင်မှ ထုတ်ခဲ့နှင့်ပြီးပြီ။

ထိုအချိန် Ran Feng Ge က စပ်စပ်စုစုမေးသည်။
"ကျွန်တော့်ကားရော ဘယ်မှာလဲ?"

Jing Qiu Han က ကျော်ကြားသည့်သရုပ်ဆောင်တစ်ယောက်ဖြစ်ကာ ကုမ္ပဏီဥက္ကဋ္ဌ၏ ချစ်သူဖြစ်သည်။ သူ့မှာ မည်သို့ ကားမရှိဘဲနေမည်နည်း? Ran Feng Ge ကားမမောင်းရသည်မှာ အတော်ကြာပြီ။ သို့ဖြစ်၍ စတီယာရင်ပေါ် လက်တင်ရန် အလွန်ယားနေပြီ။

"မင်းရဲ့ကားက ကုမ္ပဏီမှာပဲရှိသေးလို့ ငါမင်းကို အဲ့ဒီဆီခေါ်သွားမယ်။ သတင်းစာရှင်းလင်းပွဲ ပြီးသွားရင် မင်းဆန္ဒရှိရင် ကိုယ့်ဘာသာပြန်လာနိုင်တယ်။"
Su Yi Mo ပြန်မပြောခင် တစ်ဖက်သူကို ခဏကြာအောင် ကြောင်တောင်ကြည့်နေမိသည်။
Ran Feng Ge ၏ ရုတ်တရက်အသံပြောင်းသည့်အကျင့်နှင့် သူ နေသားမကျသေး။